الخميس، 22 فبراير 2007

The Queen Of My Heart

When i first saw you , I saw love !!( shanai twain)... this is exactly what happened with me, how fast the decision was and how determine i was to take action..I've been listening to the coming saying all my life but for the first time to feel it ( LOVE IS BLIND)!!
وقد تسألين: هل عشت قبلك حبا دفين؟
أم كان حبك أنت اليقين!
إن قلت بأنى عشت السنين
أنادى الحب لقلبى الحزين
أتصدقين؟
كتبت الشعر كثيرا كثيرا
لعل الشعر يداوى الحنين
وكنت أرانى دوما كقيس
أناجى ليلى أن تستكين
وحين إلتقيتك رأيتك ليلى
وأحسست أنك كنزى الثمين
فصرت وحدك حبى الحقيقى
وصرت الحبيبه لو تسألين!!

الخميس، 15 فبراير 2007

كلمتين لأحمد فؤاد نجم

كلمتين ( إلى مصر )
كلمات : أحمد فؤاد نجم
غناء : الشيخ إمام

............................
كل عين تعشق حليوة
و إنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
..........................
شابة يا أم الشعر ليلي
و الجبين شق النهار
و العيون بحرين أماني
و الخدود عسل و نار
و اللوالي ( اللؤلؤ) بابتسامتك
يحكوا أسرار المحار
يللي ساكنة القصر عالي
إيمتى يهنالي المزار
كلميني يا صبية
طال علي َّ الانتظار
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
.....................
قصرك المسحور غيلانو
أغبى من دود الغيطان
بعد مص الغصن الاخضر
ينحتوا عضم العيدان
و اللي خلى الارض خضرا
و اللي خلى الدار آمان
عاش بجور ملو جوفه
مات بخوفه من الغيلان
طوّع الغلبان
ما قالش عن شقا العمر اللي كان
كلمتين بمصر يبقوا
هما أخر كلمتين
حد ضامن يمشي آمن
أو مِـآمن يمشي فين
....................
أدي كلمة من عذابي قلتهالك
باقي كلمة
من حنيني صنتهالك
في الضلوع من دنيا ظلمة
كنت خايف يلمحوها
يقتلوها في سكة ظلمة
سقسقت و النور بشاير بشاير
زهرة الصبار يا سلمى
يا نسيم الشوق يا طاير يا طاير
خد لمصر في الصبح كلمة
طول ما يبقى الركب ساير
بالبصاير و العينين
يبقى ضامن يمشي آمن
يبقى عارف يمشي فين

الأربعاء، 14 فبراير 2007

The so-called Valentine's day

If you are going to ask anyone in the street what's today's date , he will look at you in a big surprise and say today is Valentine's day!!!!. Space channels and all the T.V and radio stations dedicated all day and night programs to celebrate this event, but as for me , i don't like such occasions or in another way i don't seem to understand why we choose one day to say that we do love someone or to choose a certain day to be gratful to our mothers, etc... so i'm writing this poem to my fiancee because of all this pla pla about the so-called valentine's day!!!

بعيد الحب أنا مش مبسوط
الحب عمره ما كان مربوط
لا له أوان ولا يوم مظبوط!!
دة طير وطاير
بجناحه حاير
على القلوب بيخط خطوط؟!
لكل قلب يختار حبيبه
يادوب يشاور بعدين يسيبه
وهى نظره أو حتى كلمه
القلب منك تلاقيه مشقوط!!
مش زى غيرى ولا عمرى هبقى
حبك يا دودو هو إلى أبقى
لا فارقه بكره ولا حتى بعده
على طول بحبك ودى مش مسابقه
وهقولها ليه طب ما أنتى عارفه
لو غبتى عنى أخد مخالفه
دايما فى بالى حلم فخيالى
مسيره يكمل بجواز وخلفه
بهاءمحمود 14/2/2007

الاثنين، 12 فبراير 2007

إلى حبيبتى قدريه

هذه القصيده إهداء الى خطيبتى قدريه ( قدرى هيه)..ويارب تعجبها ويعنى عيد الحب على الأبواب مع أنى ما بأمنش بيه بكتبلها حاجه برده عن عيد الحب بس بطريقتى....
سؤال وجواب
سألت القلب عن حالى
وعن سهرى وأشجانى
وعن دمع قد سال منى
بلا سبب لأحزانى
وعن شوقى لمجهول!!
بلا وجه بأوطانى
وعن رؤيا بأحلامى
لعصفور وقضبان؟!
أجاب القلب فى حزن
قد عرف الأن عنوانى
ظللت العمر أنكره
وجاء اليوم يلقانى..
أنا العصفور يا ولدى
والحب أراه سجانى
بهاء محمود

الأحد، 4 فبراير 2007

صدقوا بقى ولا ما تصدقوش

أنا قريت فاتحه يا بشر وكمان هلبس شبكه أجازتى الجايه بإذن الله وأحلى حاجه فى الحكايه التدبير الربانى إلى هدانى انى أفكر فى الخطوه دى دلوقتى وكمان مساعدتى فى أختيار الإنسانه الى على خلق وجمال شكل وروح وأصل طيب!!! اللهم لك الحمد حمدا يوافى نعمك وأسلك اللهم من فضلك أن تغننا بحلالك عن حرامك وبفضلك عمن سواك!! وبالمناسبه دى بأهدى دودو ( أسم الدلع بتاع خطيبتى) الشعر ده
أجب يا قلب ماذا دهاك!!
هل هو الحب فى مقلتاك؟؟
قد عشت عمرا خالى الجوف
وجاء يوما ليقتص منك!!
هذا الذى ما أبدا أتاك
أتاك يسعى بدون إذن
ودق بابك فى غير هون
فصرت تمشى وراء حب
هو الذى يهدى خطاك!!
بهاء محمود 4/2/2007
الساعه2:45 ص

الجمعة، 2 فبراير 2007

WISH ME GOOD LUCK

FOR ALL THOSE WHO LOVE ME, AND FOR EVERYONE WHO CARES ABOUT ME, I DO ASK ALL OF YOU TO WISH ME GOODLUCK TOMORROW BECAUSE I'M GOING TO DO SOMETHING VERY IMPORTANT, I WILL GIVE YOU ALL THE DETAILS (BLOW-BY-BLOW) TOMORROW NIGHT, SO PLEASE UNTILL YOU HEAR FROM ME KEEP PRAYING AND DON'T WORRY YOUR SWEETS ARE PRESENT FOR A BIG CELEBRATION!!!
YOUR OVERWHELMED WITH JOY
BAHAA MAHMOUD
12:00 MIDNIGHT 2/2/2007

شكوة مندوب سياحه

ذكرنى أحد أصدقائى ونحن واقفون أمام مسجد الشرطة بقريتى بعد أداء صلاة الجمعه اليوم بأحد قصائدى التى قلتها منذ حوالى 3 سنوات عندما وفقنى الله ووجدت فرصة عمل كمندوب سياحه بإحدى الشركات بالغردقه وأعادنى ثلاث سنوات للوراء الشاب الريفى الذى خرج من قريته الصغيرة إلى مدينه تأتيها ثقافات وجنسيات لا حصر لها ولكل منها عاداته وتقاليده الخاصه التى لا يأبه بممارستها خارج حدوده!!!!! يعنى وكنت لسه خريج جديد والمرتب والعمولات مكنتش لسه إتنطقت زى دلوقتى !!!! الحمد لله على كل حال
شكوة مندوب
أصحابى بيحسدونى
على شغلى فى السياحه
قلتلهم أرحمونى
لأبعد وأسيب الساحه
بيقولوا علينا مناديب
أو حتى تورليدرات
الكل علينا حبيب
وبنقبض بالدولارات
وإن شافوا المرتبات
والعموله والبدلات
وقللوا النفقات
مايكفوا يوميين بالراحه!!
أصل الأسعار سياحيه
بزياده 200 فالميه
وإن قلت دى غاليه عليه
يقولولى دى كده مرتاحه!!
وسياح ماشيين بلابيص
وشباب ع الديسكوا حريص
وجواز فى السر حبيس
ملهوش فى الشرعى مساحه؟
والخمره أشكال وألوان
موجوده فى كل مكان
فى المكتب والدكان
كل الأشياء دى مباحه؟!!
وإن رحتوا ع البسيين
هاتموتوا مقهوريين
حبه بنات حلويين
أحلى من التفاحه؟!!
وقالولنا بكره أكيد
الدخل أكيد هيزيد
وتعيش مرتاح وسعيد
متشال ع كفوف الراحه
وأرجع من تانى وقول
إلى بيصبر بينول
ومهما الصحر تطول
لازم نوصل للواحه!!
وطبعا نشكر مولانا
إن أحنا لقينا شغلانا
فى الدنيا معيشانا
بدال ما نعيش سواحه!!!
الحمد لله

الخميس، 1 فبراير 2007

السلم والتعبان

حازم وياسمين أبطال فيلم السلم والتعبان الذى لا أمل مشاهدته وربما سبب هذا الفيلم بعض الضيق للمحيطين بى من كثرة مشاهدتى له وكان معروضا أول امس على قناة روتانا سينما ومع إصرارى على مشاهدتة تسألت لماذا السلم والتعبان!!! هل أرى نفسى حازم الشاب الذى لا يعرف لنفسه هدفا لا يستطيع الثبات على أمرأه واحدة يريد الحب مع الإبقاء على نزواتة الخاصه..ومع أننى أكثر تديننا من حازم بلا شك ولكن كل منا لة نقاط ضعفه ؟ أم أنه هذا المشهد الذى أعشقه عندما قال حازم لياسمين ( أنا مش قادر أكمل) ورد فعل ياسمين الذى جاء بعفويه ودون إسطناع .. يجوز!! ولكن الشيىء الوحيد الذى أتأكد منه ان لكل منا فيلما لا يمل من مشاهدته؟
لعل كتابتى لهذا البوست جاء بعد قرائتى لبوست غاده على مدونه http://ma3nafsi.blogspot.com/ وإستشهادها بفيلم u've got mail يعنى مش أنا لوحدى الى مجنون بفيلم فى ناس تانيه معايا فى نفس الجنون!!!!!!!!!!!!!!!!

المتابعون