الاثنين، 21 ديسمبر، 2009

بهيه المحروسه




على اســـــم مصــــر التاريخ يقدر يقول ما شــاء
أنــــــــا مصــــر عندي أحب وأجمـــــل الأشيــاء
باحبهـــا وهي مالكــــــــه الأرض شرق وغــــرب
وبـــــــــــاحبها وهي مـــــــرميه جريحة حــــرب
بـــــــــاحبها بعنف وبــــــــرقة وعلى استحيـــاء
واكـــــرهها وألعــن أبــــــــوها بعشق زي الـداء
واسيبها واطفش في درب وتبقــى هـــي ف درب
وتلتفــــت تلقينـــي جنبهــــــــــــــــا في الكـرب
والنبض ينفض عــــــــروقي بألف نغمة وضرب
على اسم مصر النسيم في الليالي وبياعين الفـــل
ومـــــــرايه بهتانة ع القهوة .. أزورها .. واطل
القى النديم طـــــل من مطـــــــــــــرح منا طليت
والقـــــــاها بـــــــــــرواز معلق عندنا في البيت
فيه القمـــــر مصطفى كامــــــــــــــل حبيب الكل
المصري باشا بشـــــــواربه اللي ما عرفوا الذل
ومصــر فـــــــــوق في الفراندة واسمها جولييت
ولمـــــــــــــــا جيت بعد روميو بربع قـرن بكيت
ومسحت دموعي في كمي ومـــن ساعتهـا وعيت
*****


مصــــــــــــــــر السما الفزدقي وعصافير معدية
والقلـــة ممليــــــة على الشبـــــــــــاك .. مندية
والجد قـــــــــــــــــــــاعد مربع يقرا في الجرنال
الكـــــــــــــــــاتب المصري ذاته مندمج في مقال
ومصــــــــر قدامه اكتــــــــــــــــــر كلمة مقرية
قـــــــــــــــــريتها من قبل ما اكتب اسمي بإيديا
ورسمتهــــــــــــــا في الخيال على أبدع الأشكال
ونـــــــــــــــــــــــزلت أيام صبايا طفت كل مجال
زي المنـــــــــــــــــــادي وفؤادي يرتجف بجلال
**************


مصر .. التلات أحرف الساكنة اللي شاحنة ضجيج


زوم الهوا وطقش موج البحــــــــــــــــر لما يهيج


وعجيج حــــــــــــــــــوافر خيول بتجر زغروطة


حــــــــــــــزمة نغم صعب داخلة مسامعي مقروطة


في مســـــــــــامي مضغوطه مع دمي لها تعاريج


تــــــــــــرع وقنوات سقت من جسمي كل نسيج


وجميـــــــــــع خيوط النسيج على نبرة مربوطة


اسمعهــــــــــــا مهموسة والا اسمعها مشخوطه


شبكـــــــــة رادار قلبي جوه ضلوعي مضبوطة

الاثنين، 7 ديسمبر، 2009

ولدت لى قصيدة جديده باركولى

أولا/ أنا أسف على الغيبة الطويله
وثانيا/ أنا أسف على عدم المتابعه لتدويناتكوا فى الفتره الى فاتت لإنى بجد كنت مطحون بس أنا نازل أجازه بكره بليل وهتابعكوا تانى
ثالثا / شكرا لكل إلى سألوا عنى فى غيابى وربنا يديم الود والمحبه بينا دايما
أخيرا / والله العظيم بجد وحشتووووووووووووووووووووووووووووووووووونى

وجــــــــاءت إلى فى ندم
تبكـــــــــى من شدة الألم
تقــــــــول بالله سامحنى
أنــــــــا من دونــك العدم
أرانــــى فى البعد كتــاب
وأنت الحبـــــــر والقلــم
أحبـــك والحب سلطــان
ونحــــن الخدام والحشم
أسئت إليك ياعمـــــــرى
فغفــــــــــرلى زلة الكلم
ورأيت الــــدمع يستجدى
فــــــــــى الجود والكرم
فضممتها من فرط أشواقى
معلنا لســـــــــــائر الأمم
أنى مازلت أحبها وسأحبها
حتى أبلــــــــــــــغ الهرم

أبو كريم الأثنين 8/12/2009 الساعه 21:58

الاثنين، 16 نوفمبر، 2009

قصائد جديده و رحله لجنوب مصر فريدة وفرحه بقدوم العيد سعيده



أولا :- وحشتونى بجد وأسف على البعد لفترة طويله بس والله مشاغل العمل


ثانيا :- قضيت أسبوعين مابين الأقصر وأسوان والغردقة مع عملاء الشركة وكانت
أشبه بالرحله الترفيهيه وأسوان أجمل بلاد مصر والنيل هناك أجمل وأنظف وأوسع وأهدى من أى مكان فى مصر المحروسه


ثالثا :- كل سنة وإنتم بخير وعيد أضحى مبارك


ورابعا :- كرامة مصر من كرامة أبنائها ومش لازم نفرط فى حق من حقوقنا من هنا ورايح




*****************




من وحى اسوان قصيده للنيل الخالد




يا نيل قل لى ... ايـــــن المصير ؟
بدرب خلــودك طــــــال المسير
واديك أضحى رفــــــــاة لحلمى
ومـــــاؤك ســــــم لا زمهرير
أتيت ضفافك طفـــــــلا أغنى
بصفح مياهك ضـــــاع الاثير
أبصرت وجها ببؤس الشقاء
ودمعـــــــــا بعينى به استجير
يانيل يومـــــــا وهبت الحياة
فمــــــــــالى اراك زليلا أسير




من وحى مبارة أم درمان بين مصر والجزائر معارضا أمرىء القيس



قفا نبك من ذكرى لقـــاء مخجل

بأم درمان بين الرعـــاع وعزل

بواد سودان رأيت القمر بازغا

وضياء حلم من الأمـــال مؤجل

فمددت كفى كى أداعب وجهه

فرمانى غدرا بالسهام فى مقتل

مصر التى حملت لواء الصبر بجيدها

وتجملت بالعفو عبث الشقيق المهمل

ما عاد يجديها شعار عروبة

وطـأت خطاه بألف جرح أول

فليذهبن غير مأسوف عليه

وطن الجزائر فليعيش بمعزل

الأحد، 8 نوفمبر، 2009

بدون تعليق ..دى تذكرة دخول حفلة بيونسيه


يا سادة ياكرام هذه تذكرة دخول حفلة العارفه بالله بيونسيه الطاهره وقد وقعت فى يدى صدفه وعندما قرأت السعر قررت ان أعمل لها scan عشان تشوفوا المسخره..التذكره اشترتها الشركه التى أعمل بها لاتنين مصريين هيحضروا مخصوص من هولندا عشان يروحوا الحفله وطبعا حجزنالهم ليله فى انتر بالاس بورت غالب وترانسفير وكله متظبط يشاء السميع العليم انهم يجلو الطياره وتضيع عليهم التذاكر والمشكله الأكبر انهم دفعوا خلاص وماينفعش نرجعها المهم عارفين التذكره بكام 2000 جنيه يعنى دفعوا 4000 جنيه ده غير الإقامه والطيران والتنقلات!!!
وكمان مفاجأة مكتب الحجز لما اتصلنا بيهم عشان نشوف ينفع نرجع التذاكر قالنا انهم مشوا ناس كتير كانوا عاوزين تذاكر بلاتينيم وخلوهم يشتروا التذاكر العاديه ولما سألناه فى كام واحد فى الحفله قالوا انهم عدوا 20000 واحد وسلملى على الأخلاق
ياله سلام بلا حرقه دم

الأربعاء، 4 نوفمبر، 2009

البسمة الغائبه



البسمة الغائبة


*******

فُجِعَـتْ بي زوجَـتي


حينَ رأتنــي باسِما


لَطَمـتْ كفّـاً بِكـفٍّ


واستَجارتْ بالسَّمـا


قُلتُ : لا تنزَعِجـي .. إنّي بِخَيرٍ


لم يَزَلْ دائــي مُعافـى وانكِسـاري سالِمـا


إ طمئنّي كُلُّ شيءٍ فيَّ مازالَ كَما


لمْ أكُـنْ أقصِـدُ أنْ أبتَسِما


كُنتُ أُجري لِفمي بعضَ التّمارينِ احتياطاً


رُبّمـا أفرَحُ يومـاً........ رُبّمــا


*****



أحمد مطر واصفا أحوال الشعوب العربيه



الاثنين، 2 نوفمبر، 2009

معارضتى لعمنا نجم فى موال أهيم شوقا



***

الأولة بلــــدي
و الثانية بلدي
و الثالثة بلدي
الأولة بلدي باسلطن جــــــــــــــو مـوالي
و الثانية بلدي باقــــــــــول الكلمة بالعالي
و الثالثة بلدي ياكنزي و عزوتي و مالي
الأولة بلدي باسلطن جو موالي و دا المـــــــــــوصوف
و الثانية بلدي باقول الكلمة بالعالي و ع المكشــــــــوف
و الثالثة بلدي ياكنزي و عزوتي و مالي و ملو الشوف

الأولة بلدي باسلطن جو موالي و دا الموصوف دوا العيــــــــــــــــــــان
و الثانية بلدي باقول الكلمة بالعالي و ع المكشوف و ف المليـــــــــــــــان
و الثالثة بلدي ياكنزي و عزوتي و مالي وملو الشوف آوانــــــــــــك آن

تحدي الحد يا بلدي ما بين الحــــق و البهتان
ورايتك تعلا يا بلدي دليل عن صحة البنيان

أهيم شوقا
أعود شوقا
إلى لماكى
وسلسبيلى
يا سمرا يالى الهوا رمـانى
وتهت فيكى وضاع زمانى
يحدفنى بحــــرك لبر تانى
يجبنى شــوقى أو تندهينى
أهيم شوقا
أعود شوقا
إلى لماكى
وسلسبيلى
هـــــــــربت منك لقتنـى فيكى
بعدت عنك قــــــــــربت ليكى
سهرت وحدى اتونست بيكى
إحتــــــــرت والله وتاه دليلى
أهيم شوقا
أعود شوقا
إلى لماكى
وسلسبيلى
************************************

وقال أبو كريم معارضا أستاذه الفاجومى

*****


الأوله قلبى
والتانيه حبى
والتالته المكتوب
الأولــــــــــــــه قلبى ونبض هواه
والتانيه حبى وقــــــــــــــوله الأه
والتـــــالته المكتوب ومين يقراه
الأولـــــــه قلبى ونبض هــواه معيينــــــــى
والتانيه حبى وقــــــــولة الأه بتكوينــــــــى
والتالته المكتوب ومين يقراه على جبينــــى
الأوله قلبى ونبض هـــــــــــــــواه معينى من الأشجان
والتانيه حبى وقـــــــــــــــولة الأة بتكوينى من النسيان
والتالته المكتوب ومين يقراه على جبينى مـــن الخلان

تحياتى أبو كريم

الأحد، 1 نوفمبر، 2009

إنما يخشى الله من عباده العلماء..لماذا أحب الدكتور مصطفى محمود

بسم الله الرحمن الرحيم
كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُور
ًصدق الله العظيمِ
آل عمران185

رحم الله العالم والطبيب والكاتب والفيلسوف الكبيرالدكتور مصطفى محمود، الذى أكن له معزه خاصه فى قلبى منذ أن كنت صغيرا من خلال متابعتى لحلقات العلم والإيمان وزاد إحترامى له عندما بدأت أقرأ له بعض كتبه خصوصا رأيت الله ورحلتى من الشك إلى الإيمان وحوار مع صديقى الملحد وأحسست أن ذلك الرجل مشغول بما يشغل الشباب من أسئله عن الدين لا يتطرق إليها غيره عن الذات الإلهيه وبسبب كتاباته إتهم بالإلحاد وهو بعيد كل البعد عنه ومن المواقف التى لا أنساها لهذا الرجل أنه سأل ذات يوم كيف رأيت الله وأيقنت أنه موجود فقال :
كنت نائما ذات ليله وحلمت أن أثنان من أصدقائى " لا أذكر الأسماء للأسف" يمشيان على كبرى قصر النيل وسأل أحداهما الأخر عنى فرد الثانى أننى مشغول بكتابه أحدى الكتب ولهذا لا أخرج معهما كثيرا وكانا فى طريقهما إلى عملهما, فأستيقظت من نومى على صوت التليفون فإذا بأحداهما يسأل عنى فقلت له هل كنت اليوم مع فلان الفلانى؟ قال نعم، قلت له هل سألك عنى؟ قال نعم، هل قلت له أنى أقوم بكذا وكذا ؟ قال سبحان الله هل كنت معنا..قال لا ولكن روحى كانت ترافقما
ثم قال هذا ما يسميه الغرب بDéjà vu أوDay Ja Vu وهو بالفرنسيه الرؤيه الثانيه ولكن هذة الظاهرة التى تحدث لنا طوال الوقت ولكل منا على حده عندما يشعر انه قد ذهب لهذا المكان او رأى ذلك الشخص وتحدث معه من قبل إنما هى أكبر دليل على وجود الله لانه هو العليم المدبر لكونه فلو لم يكن هناك إله متحكم فى كونه ويعلم بمطلق قدرته ان هذا سيحدث ما جعلنا نرى ذلك فى أحلامنا ويتحقق أمامنا فى واقعنا ، وهذا كنذير لنا تدبروا كيف لكم أن تعيشوا هذا الموقف فى منامك ثم يترجم إلى واقع فى حياتكم إلا إذا أيقنت اننى موجود عليم حكيم قادر مدبر مسيطر على كل شىء.
وهذا الرد أقنعنى لدرجه لا أستطيع وصفها لانى ممن يعيشون كثيرا تلك المواقف حتى تقديرى فى الثانويه العامه حلمت به
أدعوا الله له بالرحمه وكذلك أطلب منكم أن تدعوا له بالرحمه وأن يجعل مثواه الجنه وهناك رجاء كل من حدث معه day ja vu ويريد أن يقصه علينا فليفعل فى التعليقات حتى نضحد كل هؤلاء الملحدين على النت
تقبلوا تحياتى
أبو كريم

الجمعة، 30 أكتوبر، 2009

قانون المرور الجديد إرشينى ولا تعشينى

بعد التعديلات على قانون المرور والمغالاه فى المخالفات والتى وصل نص الحد الأدنى منها للسرعه 150 جنيه وألف وواحد جنيه للسير العكسى والحبس زادت كميه الرشاوى والصورة بتتكلم وشفت ده بعينى مع سواق الشركه الى بشتغل فيها لما لمح الواد بتاع الرادار فنزل وغمزه خمسين جنيه وعدى على الكمين زى الباشا للأسف!!! مش عارف اقولكوا إيه
بس الى عنده حاجة يقولهالى سلام



مد إيـــــــــدك خــدها منى
ولا مكســــوف منى يعنى
يــا عم فتح شوف حياتك
إنبسط وأفــــــرح وغنى
****
ماتقولش الناس بعيونها شــايفه
طب نعمل إيه فى جواز وخلفه
يـــا سيدى خدها ومشى حالك
بس انتــــــــه سيبك م المخالفه
****
هيفيد بإيه كم وصل كاتبه
لو تنام من غير عشا
لو إلى فوقك حد حاسبه
يبقى ليك حق الخشا
*******
أبو كريم

الأحد، 25 أكتوبر، 2009

شهادة للتاريخ..ويحصل إلى يحصل بقى؟

توضيح
ياريت ما تسيؤش فهم الأبيات الى استشهدت بيها فى أخر البوست وأحمد مطر أحسبه على خير ولا أذكيه على الله وكل ما فعله هو إتخاذ أسلوب سوره الرحمن فى قصيدته لرسم الصوره المخذيه للحكام والرؤساء العرب فى التعامل مع الشعوب العربيه
أولا :- شكرا للناس الى سألت على فى غيابى و شكر خاص لمى أختى الصغيرة و أنوش بلدياتى وفركشاوى ناوى وكل الناس الى
بعتز بيهم بجد

وثانيا:- أنا أسف جدا على التأخير فى كتابة البوست ده لانى أترددت كتير قبل ما أكتبه بس الكلام والتوك شوز الى صدعت دماغنا فى الأيام إلى فاتت عن مستقبل مصر ومحمد حسنين هيكل الى نصب نفسة ولى علينا واختار لنا 3 شخصيات يحكموا البلد فى الفترة الى جايا ، صحيح هما ناس محترمين بس ليه يختار لنا وليه محكوم علينا دايما اننا نتحكم على هوى غيرنا ما تسيبونا نختار مره والى ينجح بجد وبنزاهه ياخد فرصته أربع سنين ونحاسبه


وأخيرا:- إعترافى الى كنت شايله فقلبى من زمان وأن الأوان انه يطلع ويحصل إلى يحصل هو أننى




لم أختار هذا





ولن أختار هذا



وكما قال الشاعر العظيم أحمد مطر فى لافتة
فبأي آلاء الولاة تكذبان
****

غفت الحرائق
أسبلت أجفانها سحب الدخان
الكل فان
لم يبق إلا وجه ربك ذو الجلالة و اللجان
و لقد تفجر شاجبا و منددا و لقد أدان
فبأي آلاء الولاة تكذبان
و له الجواري السائرات بكل حان
و له الكيان
و له الإذاعة دجن المذياع لقنه البيان
الحق يرجع بالربابة و الكمان
فبأي آلاء الولاة تكذبان
عقد الرهان
و دعا إلى نصر الحوافر بعدما قتل الحصان
فبأي آلاء الولاة تكذبان
و قضيتي الحبلى قد انتبذت مكانا
ثم أجهضها المكان
فتململت من تحتها وسط الركام قضيتان
فبأي آلاء الولاة تكذبان
من ما ت ما ت
ومن نجى سيموت في البلد الجديد من الهوان
فبأي آلاء الولاة تكذبان
في الفخ تلهث فأرتان
تتطلعان إلى ا لخلاص على يد القطط السمان
فبأي آلاء الولاة تكذبان
خلق المواطن مجرما حتى يدان
و الحق ليس له لسان
و العدل ليس له يدان
و السيف يمسكه جبان
و بدمعنا و دمائنا سقط الكيان
فبأي آلاء الولاة تكذبان
في كل شبر من دم
سيذاب كرسي و يسقط بهلوان
فبأي آلاء الشعوب تكذبان.

الأحد، 18 أكتوبر، 2009

لماذا لاتنافق؟


لماذا لا تنافق؟
نافق
فالكل سعيد وموافق
فولى الأمر وإن يظلم
فالطاعة أمر للخالق
أغمض عينيك ولا تنظر
فى الغض نقود تتدافق
أغلق إذنيك فلا تسمع
إن جاء حديث من فاسق
وكف لسانك عن قول

فالصمت نعيم للحانق
لماذا لا أنافق؟
سأنافق
ما أحلى العيش كمشهور
لرضاه ألوف تتسابق
سأنافق
أبو كريم الأثنين 11:13

*******
إذا كنت فى عالم النفـــــاق
فـإعدل بساق ومل بساق
ولا تنــــــاقش ولا تجادل
وأقبل الكـــــــــل بالعناق
وقـــــل كلاما بغير معنى
وأحلف على الإفك بالطلاق
فكل شىء ككل شىء
بلا إختلاف ولا إتفاق
وأى شأىء كأى شىء
مادمت فى عالم النفاق

السبت، 17 أكتوبر، 2009

ورثة إبليس

أسف جدا على الإنشغال والبعد عن التدوين الفترة إلى فاتت وبشكر كل إلى سألوا علية وأولهم أنوش بلدياتى ،بس بجد أنا مستفذ من كل حاجة وحاسس اننا متحاوطين بالمنافقين وبياعين الكلام دماغى صدعت من التراشق إلى بين أحمد شوبير ومرتضى منصور فى الفضائيات والنت حتى فالشغل بقى موضوع الساعه والناحية التانية خالد الغندور على دريم مبقتش عارف فى إية الناس بترمى بعض بالفضايح كده عينى عينك والبرامج الرياضية بقت وصلات ردح مباشر. أفتكرت شوية قصايد لعمى وأستاذى احمد مطر يصف فيها ورثة إبليس من المنافقين وأدعياء الكلام
المصيبة مش فى دول بس المصيبة الكبيرة فى الناس الى فاكرينهم حاجة وهم ولا حاجة ومصدعينا على الفضائيات والى بيتكلموا بإسم الدين بجد بجد دماغى ورمت وقرفت وكل ما اشوفهم افتكر الراجل ده ولافتاتة
شاعر الشعوب العربية وضميرها الحى أحمد مطر




ورثة إبليس


وجوهكم أقنعة بالغة المرونة ،
طلاؤها حصافة، وقعرها رعونة ،
صفق إبليس لها مندهشا، وباعكم فنونه ،
".وقال : " إني راحل، ماعاد لي دور هنا، دوري أنا أنتم ستلعبونه
ودارت الأدوار فوق أوجه قاسية، تعدلها من تحتكم ليونة ،
فكلما نام العدو بينكم رحتم تقرعونه ،
لكنكم تجرون ألف قرعة لمن ينام دونه ،
وغاية الخشونة،
أن تندبو : " قم ياصلاح الدين ، قم " ، حتى اشتكى مرقده من حوله العفونة ،
كم مرة في العام توقظونه ،
كم مرة على جدار الجبن تجلدونه ،
أيطلب الأحياء من أمواتهم معونة ،
دعوا صلاح الدين في ترابه واحترمو سكونه ،
.لأنه لو قام حقا بينكم فسوف تقتلونه


*****

عصر العصر والسحق


أكاد لشدة القهر ،
أظن القهر في أوطانـنا يشكو من القهر ،
ولي عذري ،
فإني أتقي خيري لكي أنجو من الشر ،
فأخفي وجه إيماني بأقنعة من الكفر ،
لأن الكفر في أوطانـنا لايورث الإعدام كالفكر،
فأنكر خالق الناس ،
ليأمن خانق الناس ،
ولا يرتاب في أمري ،
وأحيي ميت إحساسي بأقداح من الخمر ،
فألعن كل دساس ، ووسواس، وخناس،
ولا أخشى على نحري من النحر ،
لأن الذنب مغتفر وأنت بحالة السكر ،
ومن حذري ،
أمارس دائما حرية التعبير في سري ،
وأخشى أن يبوح السر بالسر ،
أشك بحر أنفاسي ،
فلا أدنيه من ثغري ،
أشك بصمت كراسي ،
أشك بنقطة الحبر ،
وكل مساحة بيضاء بين السطر والسطر ،
ولست أعد مجنونا بعصر السحق والعصر ،
إذا أصبحت في يوم أشك بأنني غيري ،
وأني هارب مني ،
وأني أقتفي أثري ولاأدري ؛
إذا ماعدت الأعمار بانعمى وباليسر ،
فعمري ليس من عمري ،
لأني شاعر حر ،
وفي أوطاننا يمتد عمر الشاعر الحر ،
إلى أقصاه : بين الرحم والقبر ،
.على بيت من الشعر
******
بدعة

بدعة عند ولاة الأمر صارت قاعدة ،
كلهم يشتم أمريكا،
وأمريكا إذا مانهضوا للشتم تبقى قاعدة ،
.فإذا ماقعدوا، تنهض أمريكا لتبني قاعدة

الأربعاء، 7 أكتوبر، 2009

ذكرى فى أغنية

مش عارف إيه الى خلانى أكتب فى الموضوع ده.....بجد الأغنية دى مرتبطه معايا بمواقف كتير كلها حلوه وكلماتها وصدق محمد محى فيها وفتوصيل معانيها بيهون عليا كتير لما بكون بعيد عن إلى بحبهم. مع حرمانية الأغانى والإستماع ليها وأقوال العلماء فيها مبعرفش ما أسمعش الأغنية دى بالذات فمش عارف انا بس إلى كده ولا انتوا برده

?ياريت تقولولى بعيدا عن رأى الدين لانه مش موضع نقاش...والإرتباط ده جه منين لو أمكن


الأغنية لمحمد محى إسمها من غيرك



حبيبتى من غيرك
نبض الحياه موقوف
حبيبتى من غيرك
لون السما مخطوف
أحلامى رعب وخوف
كل الشوارع سد

(من غيرك)

قنديل أنا مهجور
خاصم معايا النور
جوايا شىء مكسور
ولافيش إيدين تتمد

(من غيرك)

حبيبتى تخيلى
مش لاقى نفسى ولا لاقى
من يوم فراقك وفراقى
غير همسك إنتى الى تملى
بيواسى جرحى وأشواقى
وإزاى تهونى وإنتى عيونى
وكل منايا دلوقتى تكونى
قدام عيونى وسمعانى
حبيبتى سمعانى
وحشانى

حبيبتى من غيرك
صدق الحياة معدوم
حبيبتى من غيرك
معدش شىء مفهوم
لا غالب ولا مهزوم
كل الطموح إتهد

(من غيرك)

قطرالسنين بيفوت
يا حلم عاش مكبوت
بين الحياة والموت
والحزن فوق الخد

(من غيرك)

حبيبتى مش ضد رحيلك
لكن عايزك تقنعينى
إزاى هوايا ساكن جواكى
وها تسبينى
حبيبتى
أنا قد إيه مشتاقلك
أنا قد إيه محتاجلك
قد إيه بتمنى أشوفك
ولو لثوانى
سمعانى
والله العظيم
والله العظيم
وحشانى


الأحد، 4 أكتوبر، 2009

تعديل لقصيدة كتبتها أثناء فترة الخطوبه

قــــــــــال الفـــــــــــؤاد أحبها
وأحـــب الحـــــــب لحبهـــــــا

رد اللســـــــــــــــــان مقاطعا
أحـــب فيهـــا كـــلامهـــــــــا



والأذن لمــــــــــــــــا أردفـــت

بالقـــــــول قــــــــالت صوتها


وســـــــألت العيـــن لأمـــرها
قــــــــــــالت ما أحلى وجهها


والأنف ضـــــــــاق بصمته
فعلى يصيـــــــــــح عبيرها


والــــــــروح قالت إن خلقت
فلقــــد خلقــت لأجلهــــــــــا


فحمدت ربـــــــــى أن خلــق
بشــــــــــــــرا بمثل جمالها



أبو كريم
الساعه 12:27 من يوم الأحد الثالث من أكتوبر2009

الجمعة، 2 أكتوبر، 2009

كل سنة وإنتى.... طيبة يا زوجتى

كل سنة وانتى طيبة يا دودو ويارب يخليكى ليه انتى وكريم ويجمع بينا دايما على طاعتة.. هديتك والله مانسيها النهاردة بإذن الله هتوصلك معلش عشان معرفتش أجيبها أمبارح لإنى أتأخرت فى المطار بس النهاردة بإذن الله هتوصلك يا حبيبتى.. وبقولك

*****
كــــــــــــــــل سنة وإنتى
طيبة يـــــــــــــا دودتى
بحبك قـــــــــــــد روحى
بحبك فيــــــــــن ماكنتى
بحبك قــــــــــــد عمرى
بحبك ذى مـــــــــــا انتى
والليلة فى عيد ميـــلادك
صعبــــــان علية غيبتى
وبعـــــــادى عن عينيكى
وشفـــــــــايفك يا أميرتى
ولايمكن لحظـــــة أعيش
إلا فحضنــــــــك مدينتى
وغيـــــــــر وياكى إنتى
يا دودو يــــــــا حبيبتى


الجمعة، 11 سبتمبر، 2009

موقف طريف جدا وبعد إذنكوا أجازة للمصالحه وأستاعدة التوازن

السلام عليكم أولا وشكرا لكل من نصحنى فى البوست إلى فات وبجد حسيت إن الناس كلها معايا وبجد بحبكوا قوى قوى قوى وربنا يديم الحب ده ويجمعنا بيه فى ظل عرشه يوم لا ظل إلا ظله، وبما انى سوف أنقطع عن النت والموبايل والشغل لمدة 12 يوم وهى مدة أجازتى التى ستبدأ مع تحرك البص من الغردقه تمام الثانيه فجرا فحبيت أشكركوا كلكوا على دعمكم ليه

الموقف الطريف


**


كنت بتفرج على ماتش الأهلى من ساعه وأثناء ما أنا جالس جاءت سيده ومعها طفل صغير للغايه بالكاد يمشى وعلى عينه اليسرى قطن وبلاستر وفى يدها مجموعه من الأوراق فى فولدر بلاستك وأخذت تقول ان ابنها يريد قرنيه وإلخ...المهم انا صعب عليه الولد جدا لانى تخيلت أبنى مكانه وقلت أديها حاجه من باب الصدقه ولو هى مش مستحقاها هى الى هتشيل الذنب وطلعت من جيبى وأديتهولها المهم وانا بدخل الفلوس تانى فجيبى لاقيت إنى ما اديتهاش فلوس مصرى ( بلاش نق) لقيت انى إديتها إسترلينى!!! والله العظيم


زميلى قالى أطلع هتلاقيها لسه بره القهوه خد منها الورقه الى إديتهالى وغيرهالها مصرى لان ده رزقها..المهم طلعت لقيت الست ماسكه الورقه وبتسأل واحد بره فاتح صيدليه قريبه من القهوه وبتقوله بكام دى..طبعا انا كنت وصلتلها وقولتلها يا ستى خد مصرى وادينى الورقه الى إديتهالك تخيلوا قالتلى إيه..هى بكام دى يا بيه فلما قولتلها قالتلى ياه ده الواحد لو قبض فى البلد دى 300 جنيه يبقى ملك!! قلتلها كلامك صح




الجنيه الإسترلينى للى مايعرفوش 9 جنيه مصرى يعنى 300 منه يعملوا 2700 مصرى


والست كل فكرها ان 300 جنيه ( على ما اعتقد) الى بتقبضهم معاش مثلا لو كانوا استرلينى



يارب من فضل جودك يا غنى أغنينى
ومــن شـــــــر خلقك يارؤوف أكفينى
وبـــــرزقك الحلال يا كـــريم أرضينى
وجعــــــــل ببركتك الجنيـــه المصرى
يغدوا قويــــــــــــــــا كـــأنه إسترلينى

الثلاثاء، 8 سبتمبر، 2009

ماذا تفعل لو كنت مكانى

  • لو حسيت إنك مهما تعمل بتتفهم غلط؟
  • لو حسيت إنك فى وادى وإلى بتحبهم فوادى؟
  • لو كنت بتعمل كل إلى فى وسعك عشان ترضى إلى حواليك وبرده فى نظرهم إنته مقصر؟
  • لو تبعد عن عيلتك عشان هدف معين وتعمله والحمد لله ويتقالك إنك ما بتحبش إلا نفسك؟
  • لو أقرب الناس ليك عشان بعدت عنه يصدق كل إلى بيتقال من وراك مع أنه متأكد إنك مش كدة؟
  • لو .........................................و لو............ ولو..................

إحساس بجد قمة فى الظلم وإحساس إنك مهما هتعمل برده هتبقى مقصر فى حقهم ( مش لازم أقول مين) بس قيسوها بقى على اى حد بتعزوه أو بتحسوا انه قريب منكوا

قولولى بجد تعملو إية لو كنتم مكانى بدون سؤال عن تفاصيل؟

حسبى الله ونعم الوكيل

الجمعة، 4 سبتمبر، 2009

معارضتى لقصيدة أحمد بخيت

ألقى أحمد بخيت فى المرحله الثانيه لمسابقه أمير الشعراء تلك القصيدة معارضا قصيدة أخرى بعنوان( قل للمليحة) لمسكين الدرامى يقول فيها



قــل للمليحة بالخمـــار الأسود
مــــــــــاذا فعلتِ بناسكٍ متعبدِ

قد كــــــــان شمَّر للصلاة ثيابه
حتى وقفت لــــه بباب المسجد

ردي عليه صــــلاته وصيامه
لا تقتليه بحــــــــق دين محمد

***

وعارض قصيدتة أحمد بخيت وقال
****

للإستماع لأحمد بخيت يلقى قصيدتة أضغط هنا


بيضـــــــاء يا وجع الخمار الأسود
سمّـــــــــرتِ أقدامي بباب المسجدِ
كم فتنـــة في الأرض؟ كيف تنزّلت
حـــــــــــــور الجنان لناسك متعبّد
لـــــــي موعد في الله كدت أضيعه
ليقـــــــــــدّ من قبل قميص المهتد
سكر الهوى حولي و أسكرني الهوى
فـــــــوقفت لا قدمي عرفت ولا يدي
مــــــــاست خطاك فمسّني ما مسّني
لـــــــــــولا تقاي لقلت جئت لتعبدي
جــــــــــــرّي العباءة فالقلوب أساور
وعيــــــــــوننا في الجيد عقد زمرّد
و النّـــــــــــــاس إمّا ملهم أو حاسد
و لقـــــــد خلقت لتلهمي و لتحسدي
رفقــــــــا بأهل الأرض رفقا بالسّما
بتنهّــــــــــــــــد النّجمات إن تتنهّدي
رفقـــــــــــــا بنفسك بالجمال متوّجا
بأنــــــــــــــوثة فيها نضلّ و نهتدي
مستعصـــــــــــمٌ قلبي بحــــب محمد
لا تفتنيـــــــــــــه بحـــــق رب محمد

********
وقال أبو كريم معارضا أستاذه أحمد بخيت قائلا

******

مـــــــــــولاتى يــــــا قمر العيون السهد
سهـــــــــــــــرت أجفــــــانى بليل سرمد
هـــــل يستـوى فى الوجـــــد؟ أمن عاش
بقلبـــــــان، كمن عـــــاش بقلب واحــد
لا تســـــــألى الفنجــــان؟ ولتسألى قلبا
من فـــــــــــــــــــــرط حبــــك زاد تنهد
مـــــا أن يـــــــــــــــراك يهزنى برجفة
فـــــــــــــــــــــأحس أنى قد بعثت لمولد
هذى المهـــــــــا عينى ونــور بصيرتى
كحــــل الشفـــــــــــــــــــــاء لقلب أرمد
والحسن فيهـــــا فطــــــــــــرة لا صنعة
ببــــــراءة تلهــــــــــــــوا بقلبى الأمرد
رفقــــــــا بهذى الأرض رفقـــــا بالثرى

بأديـــــــــــم أقـــــدام كصــــرِحِ ممــرد
رفقــــــــــــــــا بهذا القلب رفقا بالهوى
بعليــــــــــــــــــــــــل أشواق ذاب تفرد
مستـــــــــــــــــــأنس قلبى برؤية ِحبه
إن تتـــــــــــــركيه يناجى طيف الموعد

الثلاثاء، 1 سبتمبر، 2009


إستكمالا لما بدأته من تدوينات لأشعارى وخواطرى القديمه ( يمكنكم الرجـــــوع للتدوينات التى تحمل نفس المسمى بأرقام من 1 الى 4) خـــــوفا عليها من النسيان ومع قرب أجازتى تذكرت بعض مما كتبت لأم كريم فى فتره خطوبتنا ويــــارب تفتح الكمبيوتر وتقراهم عشان تعرف انى لسه فاكر كل كلمه كتبتهالها وتقول للواد كوكو انه وحشنى قوووووووى ومعنتش هسيبه تانى لازم يبقوا معايا لــــــــو رحت حتى الهونولولو



قولى أحبك


******
حبيبــــــــــــــــــة قلبى ونور فؤادى
أمــــــــــــــــا فالحب غير السهادى
فــــى الحلم أراك دومــــــــا بقربى
وأصحــــــوا وصوتك فالبعد زادى
أليس الحب وصــــــــــــال الودادى
فقولــــى أحبــك تطـــــوى البلادى
وأحس أنـــــــــــــــــك بالقرب منى
بالــــــــــــرغم منـا ورغم البعادى
*******
أحبينى
******
حبيبــــــــــــــــة عمـرى وسنينى
أحبك حبـــــــــــــــــــــــا يشقينى
أحبك حبـــــــــــــــــــــــا يأخذنى
إلى المجهـــــــــــــــــول ويلقينى
أحبك حبـــــــــــــــــــــا قد أضنى
بالعشق دمـــــــــــــــاء شرايينى
أحبك حبـــــــــــــــــا يملكنـى من
أخمص قـــــــــــــــــدمى لجبينـى
يــــــــــا أجمـــــل زهر بساتينــى
بـــــــــــــــــــــــالله عليك أحبينى
مـــاقلت بقــدر هـــــــــــــوايا أنا
لكـــن!!! الـــــــربع سيـــرضينى


*****


بحبك
****
أحبــــــك حب الثـرى للمطر
حب النــــــــــــــــــدى للزهر
حب العصفــــــــورة للشجر
حب المغـــــــــــــامر للخطر
حب المتيــــــــــــــــم للسهر
حب القيثـــارة للـــــــــــوتر
حب الـــــــــــــرحاله للسفر
أحبك يـــــــــــــا......حبا
يغـــــــار البدر منه والقمر

إهداء لمن علمتنى الحب حبيبتى وزوجتى أم كريم

الاثنين، 31 أغسطس، 2009

هو القبض نزل فى المكنة ولا لسه؟



غدا أول الشهر وما أدراك ما أول الشهر... أسعد يوم فى حياة ناس كتير ومن ضمنهم العبد لله...اليوم الوحيد الى بتحس فيه انك غنى... والغنى هنا مش الغنى الى بالكوا فيه بس الاحساس انك معاك فلوس ... بس النهارده عشان الشهر 31 يوم الكل بيسأل القبض نزل فى المكنه ولا لسه قصدهم بطاقه الصراف الألى كل فرد فى شركتنا الموقره بيسألنى !! الى فى اجازه والى فى رحله عشان انا الوحيد القريب من بنك الCIB مش عاوز اقول كام مكالمه لدرجه انى حسيت بمسئوليه تجاه الناس دى وقلت ايه الى ممكن يحصل لو المرتبات اتأخرت عشر أيام..أنا واحد من الناس هتسوح جمعيات لسه بسد فيها ( من ساعه ما اتجوزت) من سنه وشهر وغيرى كتير ..طب غير كده مصاريف البيت وأيجار الشقه ...إلخ



شوفتوا قد إيه أول الشهر فرحه ما بعدها فرحه، بس يافرحه ماتمت نيجى لاول مساوء طلعه الشهر





  1. البدايه انك تبعت الفلوس لأهلك وخصوصا هنا فى الغردقه كله مغترب وبيبعت ولا طابور العيش


  2. لا قدر الله لو كنت مستلف من شغلك على مايجى اول الشهر المحاسب يشوف خلقتك ويقولك منور


  3. تروح البيت تعبان تلاقى صاحب البيت بيقولك قبضت ولا لسه يا أستاذ اصلى هطلع بدور لعساف ( ابن صاحب البيت)وبعد ما يقفش الفلوس مفيش، بليل تروح تشترى من عنده ( سوبر ماركت) يقولك وصل النور جه!!


  4. تطلع تنام ومفيش فى جيبك إلا الى يمشيك لحد يوم 15 عشرين فى الشهر بالعافيه يمكن عشان رمضان يزق معاك كمان يوم ولا أتنين عشان كده انا بحب رمضان


  5. تنام وتحط راسك على المخده مراتك تتصل بيك ( مستنى الأتصال ده النهارده بليل) هو القبض كام ( قال إيه ماتعرفش) طب مفيش حاجه عشان العيد!! المهم تقولها على الحقيقه تقولك خلاص خلى معاك كذه اصلى عرفاك الفلوس بتقرصك وابعتلى الباقى عشان احتمال نشترى هدوم لكريم ( لسه مجبش شهرين وعنده لبس الدنيا مالبسوش) وطبعا لازم تقول حاضر عشان تلخص فى الدور اولا وعشان الموبايل الى فاتورته بتقطم الوسط من مكالماتها الكتير


  6. اروح انام وكل الى فبالى فرحت قدام الصراف الألى شويه ونمت وجيوبى مفضيه




وكما قال ياسر قطامش معارضا أمرىء القيس مع بعض التعديل من العبد لله



قفـــــــــا نبك من ذكر الغلاء المشعللى
فلســــــــــــت أراه عن قريب سينجلى
بدكـــان أبو عساف أرى كل حاجتى
ولكن بأسعــــــــــــــــــار تفوق تخيلى
أمــــر عليه كــــــــــــــــــل يوم وليلة
ولمــــــــــا يجدنى قادما كم يبص لى
يقول تعالى الأن يا بهاء كـــــى ترى
زبيبا وجـــــــوز الهند بيضاء فللى
وعندى من التمــــــــر اللذيذ ذكائب
وتين مـــــن دمشــــــــق وموصلى
ومـــــــــــازال يغرينى بكل طريقة
حتى قلت له رحماك يابن القرندلى
******
ياصاحبى لا تشته الياميشا
يكفيك أن الخبز ليس دشيشا
الجوز واللوز اللذيذ لغيرنا
فأحمد إلهك إن أكلت قريشا
وأحزر من الحاتى تمر أمامه
بدل الكباب ستأكل التلطيشا
لاحق عندك أن تشم أريجه
قد يندهون لمثلك الشاويشا
*****
فـقـلـــت إشمــــــــــــــعنى أنـــا
أتحمـــــــــــــــــل الفقر والضنا
بينمــــــــــــــا على سبيل المثال
أرى صــــــــــــديقى عبدالعال
الـــــــــــذى خاب فى المدرسه
قــــــــــــــد كون ثروة كويسه
ولأنــــــــه فى كل شىء سالك
إستطـــــاع أن يجمع الأساتك
وكأنمـــــا كتب الهم والشقاء
على المـــــــــــــدعوا بهاء
*****
إن كـــان يجمع بالأساتك خزنة
وترى مـــــرتبك الهزيل قروشا
فربأ بنفسك أن يغـــــــرك جاهل
يقتات تبنا أو يلــــــــوك حشيشا
وأكتب كما شئت القصيد روائعا
وتغن وأبن من الخيال عروشا
يــــامن تحب من الحياة فلوسها
إنى لأبصــــر كل ذاك فشوشا




ورمضان كريم وبينا رحيم

الخميس، 27 أغسطس، 2009

الإمام الشافعى


من كتاب من وصايا الرسول اقرأوا هذه القصة
يحكى ان بعض فطاحل العلماء فى العراق كانوا يحقدون على الامام الشافعى (رضى الله عنه) ويكيدون له وقد كان متفوقا عليهم فى العلم والحكمة ، وكان متربعا على قلوب أكثر طلاب العلم الذين يحرصون على مجلسه ويقتنعون برأيه وعلمه ولهذا اتفق هؤلاء العلماء الحاقدون على الامام الشافعى فيما بينهم على تحضير بعض الاسئلة المعقدة وفى اسلوب الالغاز حتى يختبروا بها ذكاء الشافعى ومقدار تطلعه وإدراكه أمام الخليفة الرشيد الذى كان يحب الشافعى ويثنى عليه كثيرا،وبعد ان وضعوا الاسئلة أخبروا الخليفة الذى حضر المناظرة واستمع الى الاسئلة التى أجاب عليها الامام الشافعى (رضى الله عنه) بكل فطنة وفصاحة .. والتى كانت على النحو التالى:
س1 ما قولك فى رجل ذبح شاة فى منزله ثم خرج لحاجة وعاد ، فقال لأهله: كلوا انتم الشاة فقد حرمت علىٌ .. فقال أهله: ونحن حرمت علينا كذلك؟
ج1 إن هذا الرجل كان مشركا فذبح الشاة على اسم الانصاب وخرج من منزله لبعض المهمات ، فهداه الله تعالى إلى الاسلام وأسلم فحرمت عليه الشاة ..وعندما علم أهله باسلامه أسلموا هم أيضا فحرمت عليهم الشاة كذلك..
س2 ما قولك فى رجل هرب له غلام فقال: هو حر ان أكلت طعاما حتى أجده .. فكيف المخرج له عما قال؟
ج2 يهب الغلام لبعض أولاده ثم يأكل ، ثم بعد ذلك يسترد ما وهب..
س3 شرب مسلمان عاقلان حران الخمر .. يحد لأحدهما ولا يحد للآخر؟
ج3 إن أحدهما كان بالغا والآخر كان صبيا
س4 لقيت امراتان غلامين .. فقالتا: مرحبا بابنينا وزوجينا وابنى زوجينا؟
ج4 إن الغلامين كانا ابنى المرأتين فتزوجت كل واحدة منهما بإبن صاحبتها .. فكان الغلامان ابنيهما وزوجيهما وابنى زوجيهما
س5 أخذ رجل قدح ماء يشرب فشرب نصفه حلالاً ، فحرم عليه بقية ما فى القدح؟
ج5 إن الرجل شرب نصف القدح ورعف (تساقط الدم الفاسد من انفه) فى الماء الباقى من القدح فاختلط الدم بالماء فصار محرما عليه
س6 زنى خمسة نفر بامرأة .. فوجب على أولهم القتل وثانيهم الرجم وثالثهم الحد ورابعهم نصف الحد وخامسهم لا شىء عليه؟
ج6 استحل الاول الزنا فصار مرتداً فوجب عليه القتل..والثانى كان محصناً (متزوجا).. والثالث كان غير محصن..والربع كان عبداً..والخامس كان مجنوناً..
س7 رجل صلٌى ولما سلم عن يمينه طلقت زوجته ، ولما سلم عن يساره بطلت صلاته ، ولما نظر إلى السماء وجب عليه دفع الف درهم؟
ج7 لما سلم الرجل عن يمينه رأى شخصا تزوج هو (اى المصلى) امرأته فى غيبته فلما رآه حضر طلقت زوجته منه..ولما نظر عن شماله رأى نجاسة فى ثوبه فبطلت صلاته..ولما نظر الى السماء رأى الهلال وقد ظهر فى السماء وكان عليه دين ألف درهم يستحق سداده فى أول الشهر من ظهور الهلال..
س8 كان إمام يصلى مع اربعة نفر فى مسجد ، فدخل عليهم رجل وصلى عن يمين الامام ، فلما سلم الامام عن يمينه ورأى ذلك الرجل وجب على الامام القتل وعلى الاربعة المصلين الجلد ووجب هدم المسجد الى اساسه؟
ج8 إن الرجل القادم كانت له زوجة وسافر وتركها فى بيت أخيه ، فقتل ذلك الامام هذا الاخ وادعى ان المرأة كانت زوجة المقتول فتزوج منها وشهد على ذلك الاربعة مصلون ، وأن المسجد كان بيتاً للمقتول فجعله الامام مسجدا..
س9 أعطى رجل لأمرأته كيساً مملوءاً مختوماً وطلب اليها ان تفرغ ما فيه بشرط الا تفتحه أو تكسر ختمه أو تحرقه .. وهى إن فعلت شىء من ذلك فهى طالق؟
ج9 إن الكيس كان مملوءاً بالسكر او الملح وما على المرأة إلا أن تضعه فى الماء فيذوب ما فيه
س10 رأى رجل وامرأة غلامين فى الطريق فقبلاهما ولما سئلا فى ذلك قال الرجل: أبى جدهما وأخى عمهما وزوجتى امرأة ابيهما..وقالت المرأة: أمى جدتهما وأختى خالتهما؟
ج10 إن الرجل كان أباً للغلامين والمرأة أمهما
س 11 كان رجلان فوق سطح منزل فسقط أحدهما فمات فحرمت على الآخر امرأته؟
ج11 إن الرجل الذى سقط فمات كان مزوجاً ابنته من عبده الذى كان معه فوق السطح .. فلما مات الرجل أصبحت البنت تملك ذلك العبد الذى هو زوجها فحرمت عليه..
إلى هنا لم يستطيع الرشيد الذى كان حاضرا تلك المساجلة إخفاء إعجابه من ذكاء الشافعى وسرعة خاطره وجودة فهمه وحسن إدراكه ، وقال: لله در بنى عبد مناف .. فقد بينت فأحسنت وفسرت فأبلغت وعبرت فأفصحت ..
فقال الشافعى: أطال الله عمر أمير المؤمنين إنى سائل هؤلاء العلماء فى مسألة .. فإن أجابوا فالحمد لله .. وإلا فأرجوا أمير المؤمنين أن يكف عنى شرهم ، فقال الرشيد: لك ذلك وسلهم ما تريد يا شافعى ..
فقال الشافعى:مات رجل عن 600 درهم فلم تنل أخته من هذه التركة إلا درهماً واحداً ، فكيف النظر فى توزيع التركة؟
فنظر العلماء بعضهم إلى بعض طويلاً ولم يستطع أحدهم الاجابة على السؤال وأخذ العرق يتصبب من جباههم ، ولما طال بهم السكوت قال الخليفة: قل لهم الجواب يا شافعى ..
فقال الشافعى بعد أن تورط هؤلاء العلماء حين أرادوا أن يفقدوه مكانته عند الخليفة لعلمه وتقواه:مات هذا الرجل عن ابنتين وأم وزوجة واثنى عشر أخاً وأخت واحدة ..فأخذت البنتان الثلثين وهو: 400 درهم..وأخذت الأم السدس وهو: 100 درهم..وأخذت الزوجة الثمن وهو: 75 درهم..وأخذ الاثنا عشر أخا 24 درهم..فبقى درهم واحد أخذته الأخت...
فتبسم الرشيد وقال: أكثر الله فى أهلى منك وأمر له بألفى دينار فتسلمها الشافعى ووزعها على خدم القصر وحاشيته
هذا الموضوع هو من كتاب وصايا الرسول وشكرا على متابعتكم. منقول

الثلاثاء، 25 أغسطس، 2009

حتى لا تضيع خواطرى القديمه 4

تكملة لما قد بدأته فى تدوينات سابقه من أشعار وخواطر كتبت من زمن ليس بالقليل، وخوفا عليها وعلى ذكرياتها من الضياع إالى الأبد ..فمن حين لأخر كلما تذكرت شيئا دونته هنا حتى يتم الإحتفاظ به ولا يضيع مع النسيان..يمكن الرجوع للتدوينات السابقه بعنوان حتى لا تضيع خواطرى القديمه 1 و 2 و3 لمن يريد قراءة المزيد



**************

لـــــو تسألى قلبى
لأجــــابك بـــــأنى
مــــازلت أهواكى
وبــــــأننى طيــــر
قد ســاقة القـــــدر
لسهـــام عينـــــاك
يـــا شهد أيامـــــى
يــا كــــــل أحلامى
دعينــــــى ألقــــاك
فــــــالبعد أشقــانى
والهجــــــر أعيانى
وشفائــــى رؤياكى

****

لا تلــــــــومونى ولوموا ذلك القلب

إشتـــــاق إليها فأرغمنى أن أعفو

وهــــل فـــى ذلك شىء من العيب

تــــــــــــرون أنى بمخطىء! لكن

للقلب أحكــــــــــــام إن لنت لها

ستظــــل هكذا حتى مبلغ الشيب

وأنا تملكنى قلبى فصرت له عبدا

ومثلى صــــار قلبى؟ لكن للحب

فصـــــــــــــار كالعصفور مخير

بين العيش فــــــى قفص ذهبى

أو التحليق حـــــــــــــــــــــــــرا

فى عكس إتجــــــــــــاه السرب

*********


أجــــــب ياقـــــلب ماذا دهـاك

هــــــــل هو الحب فى مقلتاك

قد عشت عمرا خالى الجوف

وجـــــــــاء يوما ليقتص منك

هـــذا الـــذى مـــــا أبدا أتاك

أتــــاك يسعى بدون إذن

ودق بابك فى غير هون

فصرت تمشى وراء حب

هــــــــــوالذى يهدى خطاك


السبت، 22 أغسطس، 2009

عزومة رمضان أعاده الله علينا بكل الخير

تكثر العزومات فى شهر رمضان وما أشهاها من مائدة تلك التى تعمر بها بيوت المسلمين كافه وفى و مصر خاصه مما تشتهيه الأنفس..... ولكن!..... كلنا يعلم أن معظم هذه الموائد يفيض عن حاجة الكثير منا ومصيره المزبله ولا حول ولا قوة إلا بالله ووجدت تقريرا على موقع مصراوى يقول أن مصر تنفق مليار جنيه يوميا على المأكولات فى رمضان وأن 60 بالمئه من الطعام يرمى للحيوانات أو القمامه وتذكرت تلك المقامه الرمضانيه للمبدع ياسر قطامش التى مازلت أحتفظ بقصاصتها منذ أن كنت بالثانويه العامه عن عزومة رمضان المشأومه لأحد الصائمين عند صديقه وأدعوا الله جل جلالله أن يهدينا جميعا لعدم الإسراف وعدم البخل وأن نكون بين ذلك قواما................... اللهم أمين
******
عــزمنى صديقى بخشوان


على الإفطار فى رمضان


وقــال : ياعزيزى يا


صديقى فى غد هيا إليا


ذاك عنوانى فجئنى


أيها الغالى عليا


وأقبل الإفطار عندى


رائعا حلوا شهيا


هل ستأتينى أجبنى


قلت حاضر من عينيا


وكان العنوان غى منطقه شعبيه، من المناطق العشوائيه، فى مجاهل إمبابه، التى تشبه الغابه، لما فيها من الحمير والكلاب، والبعوض والذباب، والجارى الطافحه، والحشرات السابحه، ففكرت فى أن أرجع وأخلع، لولا إقتراب المدفع!! ثم فوجئت بحاجه مخيفه، ترتطم برأسى كالقذيفه، إكتشفت انها كيس زباله، ألقاه عليه أحد الحثاله، من بلكونة منزل، لأنه كسل ينزل، وبعد قليل ، فوجئت بمياه غسيل، ترمى على من طشت، مسكاه واحدة ست، من فوق سطوح، بتقولى وسع يالوح، فقلت حاضر ياهانم، اللهم أنى صائم، وأبتعدت عن هذه السنكوحه، فوقعت فى بالوعة مفتوحه، ولولا لطف البارى، لغرقت فالمجارى، ثم وجدت أطفالا فى خناقه، وهم فى غاية الصفاقه، فتدخلت بينهم وزعقت لهم، فأحاطو بى وشتمونى، ومرمطونى وبهدلونى، ثم أكتشفت أنهم نشلونى، ومن محفظتى جردونى...فمشيت كالعميان، حتى وصلت للعنوان، وقلت إلحقنى يابخشوان، فقال حقك عليه، وأقبل الأفطار لديه
وكان الطعام حلوا جميلا
خشافا وبيضا ولحما وفولا
وكنت جوعانا فقمت إليه
لأنهش منه كما دراكولا
ومن الكشرى أكلت كثيرا
وكم ذا شربت من الكوكاكولا
وبعد دقيقه، شعرت بحريقه، تندلع فى أمعائى، وتقطع فى أحشائى، فصرخت إلحقونى، وللدكتور خذونى..فقال عندك تسمم، ولكن ربنا سلم، فقلت: لماذا لا يصاب الأخرون، بهذا التسمم الملعون، فقال: لأنهم يعيشون وينامون، فى هذا الجو الموبوء، الملىء بكل سوء، فأحمد إلهلك على النجاه، فقلت الحمد لله، الذى لا يحمد على مكروه سواه
ياسر قطامش

الأربعاء، 19 أغسطس، 2009

أحمد بخيت كلاكيت تانى مره... قصيدة قمر جنوبى فى رثاء والده الحداد البسيط

لا أمل من سماعه يلقى تلك القصيده ولا امل من التحليق معه بتعبيراته الصادقه عن مدى إفتقاده لأبيه وكم أعجبنى إعتزازه بمهنه والده والله إنك لتسيل شعرا يا أحمد ولكم أود أن نتقابل لأشرف بالحديث معك ورب الكعبه أنت أمير الشعراء ولو أخذها الموريتانى عبر تصويت الموبايل. لسماع أحمد بخيت يلقى قصيده ويحكى قصة قصيدته أضغت هنا وبدورى قد كتبت القصيده هنا لمن يهوى قراءة القصيده وهو يستمع للإلقاء لكى يرى مدى الشعريه التى وصل إليها هذا الشاعر المصرى الوفى لبلده ووالده والله إنى لأحبك فالله دون أن أراك وأدعوا الله أن يجمعنا على طاعته وفى مستقر رحمته ودار مغفرته إنه على كل شىء قدير وإليه المصير




قمر جنوبى


****




هـــــــــــــون عليك فــــــلا هناك ولا هنـــا


وجهـــا لــــوجه قـــــل لمـــــــــوتك ها أنا


ضــــع عنــــك عبئـك وألق خصمك باسما


فعلـــى جســــــــــــارته يهـــــــــاب لقائنا


إن لــــــــــــم يكــن فالعمـــــــر إلا ساعة


علــــــــــــم حيـــــــاتك كيف نكرم موتنا


لا تنتظـــــــــــــر خصمــا اقــــل شجاعة


وأرفــــــــــــــع جبينك مثلمـــــــا عودتنا


تتبــرج الدنيــــــــــــــا ونكســـــر كبرها


ونقـــــــــــــول يا حمقـــــاء غرى غيرنا


لا نستجيـــــــــــــــر من الجــــراح وإنما


من فــــــــــــــرط نخوتنا نجير جراحـــنا


لـــــــم يرتفع جبــــــــــــل أمـــام عيوننا


إلا لنـــــــــــــــــــــــــــرفع فوقه أكتافنا


إنــــــــا وقـــــــــــد نهب الظلام نجومنا


نهدى الصبــــــــــــاح لمن سيأتى بعدنا


فــى ظفــره الفـــــــــرس الأخيرة قبلما


يأتـــــى إعتذار الموت عن موت المنى


سنقـــــول للــــــــــــــــرحمن جل جلاله


فلتعطنــــــــــــــــــــــا موت يليق بمثلنا


يـــــاطائـــــــــــر الغربات عشك موحش


فأهــــــــــــــــــــــــدأ لعلك ياغريب لعلنا


سيقول طفـــــل مـــــــــــــــــا لدمعة أمه


ســـــاعى البــــــــريد غدا سيطرق بابنا


سأنــــــــــــــــام كى يأتى الصباح مبكرا


وسنشتــــرى لعبــــــــــــــا ونخبز كعكنا


نم يـــــــــــا ضناى الطفل أصبح شاعرا


وأبــــا وظــــــل الحلم غضـــا لينـــــــــا


عشــــرون عامـــــــا فى إنتظار الملتقى


ثـــم إلتقينـــــــــــــــــــــا كى نتم وداعنا


هــــون عليك وأعـــط مــــــــــوتك فرصة


وأشكــــــــــــره أن وهب إغترابك موطنا


يــــــانائيا عنـــــى بمتـــــر واحــــــــــــــد


الأن وسعــــــت المســـــــــــــــــــــافة بيننا


نحن حـــــولك يـــــــا أبـــــــــى نلتف حولك


فأبســــــط عبــــــــــــــــاءات الحنان وضمنا


قــــل مرحبــــــــــــــــــا قل أى شىء طيب


لا تتــــرك الكــــــــــــــــــابوس يفسد حلمنا


كنا نــــرى الأبـــــــــــــــــاء حول صغارهم


نشتـــــــــــــــــــــــاق أن تأتى وان تحكى لنا


يـــــاما أنتظـــــــــــــــرتك وأنتظرتك يا أبى


الأن بــادلنـــــى الحــــديث مكفنــــــــــــــــــا


زرنــــــا ولــــــو فى كـــــــــــــــــل عام مرة


وأجلــــس قليـــــــــلا كى تدبـــر حالنــــــــــا


جـــــىء ضاحكـــا أو ساخــــرا أو غاضبـــــا


دلــــــل طفـــــــــولتنا وعــــــــاتب طيشنـــــا


سمــــــــر شتـــــائى وشـــــــاى ســــــــــاخن


وسعـــــــالك الحنــــــان يــــــؤنس بيتنــــــــا


أخشــــى مـــــن النسيــــــــــــان قد يأتى غد


وتصيـــر وحـــــدك فــــــــى الغياب ووحدنا


إنـــــا قصــــــائدك الجميلـــــــــــــــة يا أبى


اللـــــــــه أبدعنــــــــا وأنت رويتنــــــــــــــــا


نثــــــــــر هى الأيــــــــام نثـــــر بــــــــاهت


وتصيــــــر شعـــــــــــــــــــرا كلما إتقدت بنا


يبقـــــى معــــــى منـــــك الحيــــــــاة قصيدة


والمـــــوت شعـــــــرا والخلـــود مؤذنــــــــا


أتــــــــأمل الحـــــــداد فى ســـتـــيـــنـــــــــه


قمـــــرا جنوبيــــــا يـــــــــرنق حــــــــــولنا


ويقـــــــول يـــــا ولـــــدى تعبت فخذ يــــدى


ثقـــــل الــــحديد علــــــى والظهــــــر إنحنى


أنصت لصــــــــوتى فيك صدقـــــــــــا جارحا


فالمـــــوت يعجــــــز أن يبــــدل صـــــــوتنا


لا تحمـــــل إسمـــــى فـــــوق صدرك صخرة


أسمـــــــائنا وطــــــــن يعمــــــــــــــره السنا


كن مــــــــــــــــــــــــا أحبك..كم أحبك فارسا

!
لا ينحنـــى فقــــــــرا ولا يطغـــــــــــــى غنى


لا يشبـــــــه الشعـــــــــــــــــــــــراء يشبه شعـــره


إن البنــــــاء الفــــذ يشبـــــه مـــــــــــــــن بنـــى


لا دمـــــع يبقـــــى كـــــل دمع زائـــــــــــــــــــل


إلا الـــــذى بالـــحب يغســـــل صدرنــــــــــــــــا


دمـــع المنــــاحة دائمـــــا متـــــــــــــــــــــــأخر


فـــى نطفـــــه الميـــــلاد نحمــــل حتفنــــــــــــا

هون عليك
****************
رمضان كريم على كل مسلم ومسلمه

الاثنين، 17 أغسطس، 2009

هل تذكر شيئا مما تعلمت فى المدرسه



أهات عصفورة

*****



مساء الخير يا أختي


مساء الخير يا جارة


وقفت هنا على الشباك


أستجديك منهارة


فهل ترضين أن تصغي


بلا ضيق إلى ألمي


وترتاحين آونة


من الأوراق والقلم


وتستمعين في عطف


إلى شكواي يا جارة


لقد غادرت أبنائي


لأعلو الأفق مسرورة


فرغم أمومتي أني


كما تدرين عصفوره


اجل حلقت في الآ فاق


صاعدة ومنحدرة


وحين رجعت بعد العصر


لم اعثر على الشجرة


فأين أريح أجنحتي


وأين أنام يا جارة


وحين رجعت يا ويحي


!! ولم اعثر على بيتي


رأيت على الثرى شبحا


تمدد في دجى الصمت


فكيف وكيف يا أختي


وأنت أمامها دهرا


سمحت لساعد الحطاب


أن يغتالها قهرا


لقد كانت لأبنائي


مع الأحلام أرجوحه


وكل وعودها كانت


لهم بالأمس ممنوحة


وكانت بالثياب االخضر


تحميهم من العين


وتعقد ندوة في الليل


بين الغصن والغصن


فيستمعون للأسرار


منسجمين يا جارة


وكانوا يرمقون الأفق


في نظرات مبهور


وينتظرون مسراهم


بأجنحة من النور


فأين الآن أبنائي


وأين العش يا جارة


******



وجدتنى أتذكر أبيات قليله من نشيد كنت درسته فى فتره الإبتدائى وما ان بحثت عنه على النت ووجدته وأثناء قرائتى له شعرت بإحساس جميل وكأنى عدت صبيا صغيرا مولعا بالأناشيد وكنت أحب تلك النظره بعينى مدرستى ووالدى عندما ألقى عليهم ماحفظت من أناشيد وقمه سعادتى عندما القيها فى إزاعه المدرسه التى لم تفارقنى حتى المرحله الثانويه

أرجوا من كل من يتذكر شيئا من مرحله الإبتدائى أن يكتبه لى ولو كان مجرد بيت واحد أو أى شىء تعلق بذاكرته من تلك المرحله الجميله من أعمارنا النقيه التى لم يشوبها أى خبث أو كذب


رمضان كريم
تعقيبى على تدوينه أمة الله عاجبك حالنا
****
أعاتبك بس ليه
وأعاتب فيكى إيه
ولو حبيت أعاتب
أعاتبك إنتى ليه
طول عمرك كنتى قاهره
ومن القذاره طاهره
وإسطى جنب بيه
أعاتبك بس ليه
كنتى التاريخ بدايته
وللعالم نور هدايته
ونيلك سر فيه
أعاتبك بس ليه
****
راجعيلك يا بهيه
بس انتى تصفى ليه
أشرب من نيل هواكى
وأحنى كفوف إيديه
وأزرع فالأرض ورده
تسقيها دموع عنيه
تكبر بالحب شجره
بفروع كتير عفيه
يشوفوها الناس يقولوا
أدى مصر الحلوه أهيه
رجعت بتوبها لأخضر
والشال والجلابيه
تقول لولادها قوموا
الشمس بنورها جايه
أدى الطريق قصادكوا
فرشاه برموش عنيه
وأنسوا الضلام ويأسه
الفرحه جايه جايه

المتابعون