الخميس، 9 ديسمبر 2010

مجلس الحزب ( الشعب سابقا) ولا عزاء للمصريين





إنتخــــــــابات إنتخابات إنتخابات

تارا تارارا

اإنتخابــــــــات يــــــــاولاد الجزمه

دى إنتخابات

فى معـــــــــــــــــادك يتلموا كلابك

يـــــابلادنا ويعضـــــــــــوا ولادك

أصـــــــــــــواتهم مقفوله عشانك

وأخـــــــــــــــرتها أهو جالنا العار

********

انــــــــا طفشان يا حبيبتـى يا أمى

يـــــــابلادى مـــن الحزب الوطنى

علـــــــــى صوتى كده مش متهنى

والجحش هيتـــــــــــــــرقى حمار

مع الإعتزار لعبدالحليم وأغنيه بالأحضان

الاثنين، 15 نوفمبر 2010

عيد الأضحى المبارك



كل سنه وانتوا جميعا بخير وبصحه وأتم حال

الأربعاء، 15 سبتمبر 2010

إخترناه إخترناه

إخرتناه إخترناه
يوم ما نجى م العــــرض إيــــــــاه
إخرتناه إخترناه
مـــــــــن أول وعد سمعنـــــــــــاه

إخرتناه إخترناه
وعلــــى حياتنـــــــا إستئمناه
فأستعبدنا يـــا حــــــــول الله

وده تكتيف مش تكليف ولا مريسه ولا حكم وجاه
حمـــــل تقيل وهموم جيل جاي واجيال جايه وراه

أه كرهناه أه كرهناه

فقرى كاوينى مطلع دينى ومخبى على حره عينى
ليشدونى ويعشونى... وبقولها ورزقى على الله
لا انا ولا عيلتى بنتمناه


أه كرهناه أه كرهناه

بعد سلامنــــا ورفــــــــع علمنــــا
بقى نص العـــــــــــالم مخاصمنا
حتى الاخــــــــــــــوه أهل النخوه
كرهوا سرتنا وقالوا الأه

علشان كده إحنا كرهناه


قولنا وقالوا ما طول بالـه
و قفل للكـــــاتب جرنــاله
وهيتعذب لمــــــــــا يكدب
كــــــل كلامه إلى سمعناه
علشان كده احنا اكرناه


اول مــره يا مصـــر يا دره
نبقى عبيد فبلادنــــا الحره
بعد مــا دبر حبـــــه وقرر
ابنه جمال يورثنـــا معاه
علشان كده إحنا كرهناه


وفــى لقـاءاته ومؤتمــــــــراته
بيــــرمى علينــــا خيلياته
نصحــــى نلاقى بطاله ووكسه
وش أبــــــــــــــونا بيبقى أفاه
علشـــان كده إحنا كرهناه


كله صــــــــراحه وزوق وسماحه
ومصمص دمنـــــــــــــــا بالراحه
وبيشكلنـــــــــــا مــــــــن مشاكلنا
وخصخصلنا البير وغطاااااااااه
علشـــان كده إحنا كرهناه


عدنا فى زنقه وعوزه وخنقه
وديـــــــــــونا تكتيفه وشنقه
قســــم التورته حطه يا بطه
كــــــل نصها والوزرا وراه
علشـــان كده إحنا كرهناه


فتــــــــح السكه وفكها فكه
باقى فى جيوبنا شويه فكه
وهنتمـــــــرمط لما يخطط
للمستقبل واحنــــــــا معاه
علشـــان كده إحنا كرهناه


ده بيخدعنــــــــا و بيطمعنـــــا
بكلام إنشـــــــاء ملهوش معنى
ولا يوعدنــــا غيـــــــر بديونا
هـــــــــو أغتنى وجياع رعياه
وعلشــــــــان كده إحنا كرهناه



الأحد، 22 أغسطس 2010

أخر ما خطه القلب من كلمات... فى ليله عيد جوازى الى فات



دقــــــــــات قلبى عندما
أراك حلمـــــــــــا مثلما
طيـــــــرا تعانقه السما
وبــــــــريق عينى كلما
نظــــــرت لوجهك إنما
تـــــــرقى لعشقك سلما
وأنيــــــــن أشواقى لما
تلقــــــاه من سحر كما
قد ســــــار حبك فالدما
ولسانى يعلــــن والفما
نســـــــقى بشهد ريثما
لــحروف إسمـك تمتما
فلربما ولعلما ولـــيتما
قسمـــــا بربى والسما
لــــــولاك قلبى ما نمـا
إلى أم كريم وكل سنة واحنا دايما مع بعض

الاثنين، 5 يوليو 2010

حمزاوى.....مستر جمال بيقولك غير الشعار

ميلودى تتحدى الملل قديما
وتتحدى قلــة الأدب حديثا
وتصدر المسخــــره حاليا

السؤال إلى بيفرض نفسه.... مادام التغيير سنة الحياه ومستر (جمال!!!) بنفسه الى بيطلب التغيير ليه مستر( أبو جمال!!!) واقف ضده

بيقولوا فيه مخرج مكـــــــار
على ميلودى دايمــــــا محتار
الواد ده قــــــرنى وقـــــــواد
وتفـــاهته وخدينها ستــــــار
وإشمعنى الــــواد ده إل يغير
لك يــوم تتغير يا حمـــــــــار

مع الإعتزار لرائعه إيمان بكرى بحبك يا حمار


الثلاثاء، 15 يونيو 2010

بجد بجد...... بلدنا دى مفيهاش حد


مش عارف أقول إيه... حاولت أعمل حاجه بقالى يومين تلاته بس حاسس ان مفيش فايده .... والله الى مصبرنى ان فى يوم والناس دى هتموت ومش هيهربوا م الموت وساعتها هيعرفوا أى منقلب ينقلبون... الأبيات الى جايه دى للإمام / للشافعى
دع الأيــــــام تفعـل مـا تشـاء
وطب نفسا" إذا حكم القضـاء
ولا تجــــــزع لحادثـة الليالـي
فمـــــــا لحـوادث الدنيـا بقـاء
وكن رجلا" على الأهوال جلدا
وشيمتك السمــــاحـة والوفـاء
وإن كثرت عيوبك في البرايا
وسرّك أن يكون لها غطــــاء
تستـر بالسـخـــــــــــــاء فـكـل
عيب يغطيه كما قيل السخـاء
ولاتـــــــــر للأعـادي قــط ذل
فإن شماتــــــة الأعـداء بـلاء
ولاتـــرج السماحة من بخيـل
فمـــا في النار للظمـآن مـاء
ورزقك ليس ينقصــه التأنـي
وليس يزيد في الرزق العناء
ولاحــــــــزن يـدوم ولاسـرور
ولا بؤس عليـك ولارخـــــاء
إذا مــا كنـت ذا قلـب قنـوع
فأنت ومالـــك الدنيـا سـواء
ومن نزلت بساحتـه المنايـا
فـلا أرض تقيـه ولاسمـــــاء
وأرض الله واسعة ولكـن إذا
نزل القضاء ضاق الفضـــاء

الثلاثاء، 18 مايو 2010



قال هيرودوت : مصر هبة النيل

وبعد إتفاقيه دول حوض النيل ، النيل كل سنة وانتو طيبين!! : فياريت بقى نحافظ على هبه

غنت عفاف راضى : مصر هى أمى ..نيلها هو دمى

فرد عليها أسامه غريب.. مصر مش أمى ..دى مرات أبويا
وقال المواطن: احنا مابقاش عندنا دم ولو فى يبقى ملوث

غنت شرين عبدالوهاب : مشربت من نيلها .....طب جربت تغنيلها

وبعد أن وضعت مولودتها الاولى بامريكا..عرفنا انها كانت تغنى للمسيسبى

قال شوقى : قف للمعلم وفه التبجيلا ...كاد المعلم ان يكون رسولا

وبعد القبض على مدرسين بيحششوا فمدرسه..
خد للمعلم سيجارة وحشيشا...ورص حجرا تعميرا للشيشا

قال سمير زاهر : ال سى دى فجيبى وسأفضح الجزائر أمام الفيفا

وبعد خسارته مقعد نائب الرئيس فى الأتحاد العربى لكرة القدم
نحن فى إنتظار العقوبات التى سيوقعها الفيفا على مصر بعد أحداث أم درمان
تعديل......... وقعوها خلاص يا معلم واول ماتشيين هيبقوا خارج العاصمه وغرامه 750 ألف فرنك سويسرى

................................


سورى مش قادر أكمل ..فعم سيد حجاب هو الى هيكمل


هنا القاهرة الساحرة الآسِرة الهادرة الساهرة الساترة السافرة


هنا القاهرة الزاهرة العاطرة الشاعرة النيّرة الخيّرة الطاهرة


هنا القاهرة الساخرة القادرة الصابرة المنذرة الثائرة الظافرة



صدى الهمس في الزحمة و الشوشرة


أسى الوحدة في اللمة و النتورة


هنا الحب و الكدب و المنظرة


نشا الغش في الوش و الإفترا


هنا القرش و الرش و القش و السمسرة


هنا الحب و الحق و الرحمة و المغفرة



و انا ف قلب دوامتك الدايرة بينا


بصرّخ بحبّك يا أجمل مدينة


يا ضحكة حزينة .. يا طايشة و رزينة


بحبّك و اعفّر جبيني في ترابك


و اعيش في رحابِك و أقف جنب بابك


جنايني أروي بالدم وردة شبابك


يا زينة جنينة حياتنا اللعينة


بحبّك يا بنت اللذين


بحبّك


الخميس، 13 مايو 2010

my favourite song


http://www.youtube.com/watch?v=BJN8QPF-_jc


If only you could see the tears in the world you left behind
If only you could heal my heart just one more time
Even when I close my eyes
There's an image of your face
And once again I come to realise
You're a loss I can't replace

Soledad
It's a keeping for the lonely
Since the day that you were gone
Why did you leave me
Soledad
In my heart you were the only
And your memory lives on
Why did you leave me
Soledad

Walking down the streets of Nothingville
Where our love was young and free
Can't believe just what an empty place
It has come to be
I would give my life away
If it could only be the same
Cause I can't still the voice inside of me
That is calling out your name

Soledad
It's a keeping for the lonely
Since the day that you were gone
Why did you leave me
Soledad
In my heart you were the only
And your memory lives on
Why did you leave me
Soledad

Time will never change the things you told me
After all we're meant to be love will bring us back to you and me
If only you could see

Soledad
It's a keeping for the lonely
Since the day that you were gone
Why did you leave me
Soledad
In my heart you were the only
And your memory live on
Why did you leave me
Soledad

السبت، 10 أبريل 2010

معدتش تفرق

السلام عليكم ورجمة الله وبركاته
أنا عارف إنى مقصر فى حقكوا جميعا بس بجد انا تايه وفدوامه من أكتر من شهر بغير السكن بتاعى فالغردقة ومتبهدل..لدرجة ان عيد ميلادى كان الاربع الى قبل إلى فات ومعرفتش إلا دلوقتى وانا داخل على الفيس بوك ..متشكر لكل الى هنونى وإلى مهنونيش لأنى مبتفرقش معايا قوى الحاجات دى.بس ع العموم انا بقيت 28سنه للى عايز يعرف..وبقالى فتره كده بكتب على الموبايل حاجات وانا بشتغل او حتى وانا مهييس فقلت من باب التجديد للمدونه الى اصبحت كالبيت الوقف أنزلهالكوا عشان متحسوش انى بعدت قوى قوى بس يارب تعجبكوا


أنــــا المواطن
عـــــايش ولكن
فـــالفقر ساكن
محتــــــاج كتير
محتـــــاج مكان
ستــــر وأمان
مش مستهـــــان
لــو أعيش أسير
محتـــــاج لقوت
محتـــــاج لصوت
يطلـــــع يفوت
لأكبـــــر وزير
محتــــاج وظيفه
تكــــون شريفه
وإيــدين عفيفه
تــــرفض حرير
محتـــــاج كرامه
محتـــــاج شهامه
بــــره الكنانه
لــــو أكون أجير
محتــــــاج للمه
فحضــــن أمـــه
تجمعهــــــا سنه
وكتــــــاب منير
محتاجلــــه هوه
يكـــونلى قدوه
من غيــر لا قوه
وحــــــرس كتير
فتحــــــت عينى
يــــــارب فينى
لقتــنى بحلــــم
علـى الســـرير

الاثنين، 15 مارس 2010

هم يضحك وهم يبكى...يوميات شاعر فى أجازه



وحشتونى وحشتنونى وحشتونى...بقالى كتير مش متابعكم ولا برد على تعليقاتكم بس الحمد لله أخدت اجازه وسمعت كلام عمرو أديب ( وروحت) على نفسى وروحت لبيت العيله!! الحمد لله وصلت بالسلامه الواد كريم بهدلنى فى الطريق واخد برد على ما وصلت من الغردقه لميت غمر.. المهم الحاله الى كنت فيها الحمد لله روحت (ههههه) وكنت قاعد إمبارح بليل مع العيله وكان كلامنا كله على الواد علاء اخويا ( صاحب مدونه عجبى) الى اتنشر له قصيده فى الكتاب بتاع مهرجان النشر الجماعى وقعدوا يفكرونى بقصايدى الى كنت بكتبها فى الى بيدايقونى وحبيت افتكر شويه منهم هنا يمكن تضحكوا زينا...وياريت ما توحشونيش كده تانى


قصيدة الموظف المثالى
كتبت فى 20 يناير 2009 بعد إختيارى الموظف المثالى بفرع الغردقه لعام 2008


من بعد طـــــــــول إنتظار
وحلم طــــــــــول الليالى
وقـــــــــــع عليه الإختيار
وأكـــــــون موظف مثالى
إسمى فى لوحـــة الشرف
رجع من تـــــــانى يلالى
سنة بكل مــــــــــــا فيها
طلعت فيهــــــــــا العالى
وبين منـــــــاديب الفرع
قالـــــــــولى إنته الغالى
وشهـــــــــــــاده للتقدير
يافـــــــــــرحتى يا أمالى
وكمــــــان مكافأة كبيره
تظبط جميــــــع أحوالى
وعشت ع الحلـــــــم ده
أرسم وأعيش فخيـــالى
إنـــــــــــى صبحت أمير
أو حتى سعد الدالـــــــى
وتــــــــانى يوم الصبح
أبوجــــــابر قام وندانى
قــــــــالى المكافأه جت
إفتح وريح بـــــــــــالى
أخدت منتــــــه الظرف
وخــــــرجت بره لحالى
أدارى علـــــى شمعتى
يمكن تقيد طــــــــوالى
ألاقيها 250 لحلوح
وياعينى على جرالى
وأصحــابى من فزعتى
ســــــألونى إيه مالى؟
صــــرخت من قهرتى
أغنى مـــــــــــــوالى
وعــــــــدتنى بالحلق
خـــــــرمت انا ودانى
ونصيبى لمــا أتخلق
للفقــــــــــــر ودانى
والبحــــــر لو ينفلق
هحلف وقــــــول تانى
فقرى..وفقرى نصيب
وزمــــــــــانى قلهالى



الثلاثاء، 23 فبراير 2010

إستحملونى كمان وكمان

بــلادى بلادى بلادى
لكى حبـــى و فؤادى

مصـــــر يا أم البلاد
أنت غايتى و المراد

و على كل العمــــاد
كم لنيلك من أيــــادى

مصـــــر يا أم النعيم
فـــزت بالمجد القديم

مقصدى دفع الغريم
و علــى الله اعتمادى

مصر أنت أغلــى درة
فوق جبين الدهر غرة

يا بلادى عيشى حرة
و اسلمى رغم الأعاد
مصر أولادك الكرام
أوفياء يرعوا الزمام

سوف نحظى بالمرام
باتحادهم و اتحادى




ان هذا النشيد الوطنى من تأليف الشاعر الراحل يونس القاضى و قام بتلحينه الفنان الخالد سيد درويش و لكنه عندما أكمل تلحينه مات قبل أن يسمعه ملحنا
و قد استشف الشاعر يونس القاضى كلمات هذا النشيد من كلمات الزعيم الراحل مصطفى كامل قد قالها عام 1907 و كانت " بلادى بلادى لك حبى و فؤادى .... لك حياتى ووجودى , لك دمى , لك عقلى و لسانى , لك لبى و جنانى , فأنت أنت الحياة ... ولا حياة إلا بك يا مصر"و قد اتخذت مصر هذا النشيد "بلادى بلادى" نشيدا قوميا ووطنيا لها بعد حرب أكتوبر المجيده تحديدا عام 1979

سامحينى يا بلادى وسامحنى يامصطفى ياكامل أنت ويونس القاضى
******

بــــــلادى بــــلادى بلادى
ضــــــاع أملــى ومــرادِ
مصـــر يــــــا أم البلاد
زاد ظلمــك والفســــــاد
وعلــــــى كــــل إمتداد
لانـــــــرى غيـــر الاعادِ
مصـر يـــــــا أم النعيم
أرحمـــــى شعبـــــا يتيم
صابرا كَـــــــــرها مُليم
نــومه بالليـــــــل زادِ
مصـــــــر أنت أغلى دره
فى فــــــــؤادى دمت حره
إن سجنت ألــــــــف مره
روحى فـــداؤك للـــجهادِ

الثلاثاء، 16 فبراير 2010

إستحملونى

الخنقه الى الواحد فيها اليوميين دول مش نافع معاها أى جرعة تفاؤل ولا أى بصيص أمل
الشغل مبقاش زى الأول ولا الدخل برده والمتطلبات عماله تزيد، والحكومه النظيفيه نضفت كل ما تبقى من مدخرات لدينا والغالى غلى علينا أحلامنا، والتلفزيون أه من التليفزيون وأعلاناته الى بتكسبك عربيات وألاف الجنيهات بمجرد رنات وبرامج التوك شو إلى مفيش بديل عنها إلا قناة موجه كوميدى، وزى ما الصورة الى تحت دى بتقول... هنضحك يا حكومة ومش هنوريكى دمعتنا وإنشاله تقوم قيامتنا

قال شاعر حلمنتيشى لا أعرفه معارضا شوقى
............
سلوا قلبى وقولوا لى الجوابا…لماذا حالنا أضحى هبابا؟
لقد زاد الفساد وساد فينا…فلم ينفع بوليسٌ أو نيابة
وشاع الجهل حتى ان بعضاً…من العلماء لم يفتح كتابا
وكنا خير خلق الله صرنا…فى ديل القايمة وف غاية الخيابة
قفلنا الباب..أحبطنا الشبابا…فأدمن أو تطرف أو تغابى
أرى أحلامنا طارت سرابا…أرى جناتنا أضحت خرابا
وصرنا نعبد الدولار حتى…نقول له(إنت ماما وانت بابا)
وملياراتنا هربت سويسرا…ونشحت م الخواجات الديابة
ونُهدى مصر حباً..بالأغانى…فتملؤنا أغانينا اغترابا
وسيما الهلس ِ تشبعنا عذابا…وتشبعنا جرائدنا اكتئابا
زمان يطحن الناس الغلابة…ويحيا اللص محترماً مهابا
فكن لصاً اذن أو عش حمارا…وكل مشّاً اذن أو كل كبابا
ودس ع الناس أو تنداس حتى…تصير لنعل جزمتهم ترابا
أمير الشعر عفواً واعتذارا…لشعركَ فيه أجريت انقلابا
وما نيل المطالبِ بالطيابة…دى مش دنيا ياشوقى بيه… دى غابة

الاثنين، 8 فبراير 2010

إلى إبنى كريم


كــــــريم يا أمل الفؤاد ونبضهِ

أنت الشفاء لحزن قلبى وعيدهِ

تلك العيـــــون عشقتها بقدرة

صـــــــــــــــــار الصغير كأمهِ

إن داعبت هذى الانامل وجنتى

طبعت شفـــاهى قبله فى ثغرهِ

ببراءة يلهـــو وترقب زوجتى

وإن إجتمعنـــا فاللقاء بحضنهِ

الأحد، 17 يناير 2010

الشعر الحلمنتيشى

الشعر ( الحلمنتيشي ) نوع من الشعر الفكاهي ويعتبر الشاعر حسن شفيق المصري أول من أطلق هذا السم عليه ويبدو من الكلمة أنها كلمة منحوتة . أي أنها نحتت من كلمتين ( حلا ) من حلا الشيء حلاوة . و ( منتيشي ) من ( نتش ) الشيء إذا جذبه . والنتاش في العامية المصرية هو الفشار أو الكذاب . وبهذا تكون الكلمة اما ان تعني النتش الحلو أو الفشر اللذيذ
أما شاعرنا هنا فهو ياسر قطامش ننقل له من ديوانه ( القلب في ورطة بين ليلى وبطة ) . وربما عرفنا به عما قريب
الجهـــــــــــــــل أكثـر أرباحا من الكتب
في حده الحد بين العــــــــــــــز والجرب
الله أكبــــــــــــر كم في عصرنا ارتفعت
رايات من تاجروا في ( الهلس ) واللعب
!لــــــــــــو كان عندي شريط للغنا مثلا
لصــــــرت أعظم من كسرى فيا عجبي
لــــــو كنت أعرف فن الرقص لانفتحت
لــــــــــــــــي البنوك فيا ويلي وييل أبي
فالــــــــــراقصات يعشن الآن في ترف
يـــــــــــــــأكلن شهذا من التفاح والعنب
ولاعبــــــــــــوا الكرة الأفذاذ كم جمعوا
جـــــــــــــوائز اللعب بالدولار والذهب
فمـــــــــــــــــرحبا بغبي صرت أحسده
فليس عـــــــــــار عليه أن نقول : غبي
!مـــــــــــــــــــــادام يملك أمولا نعظنه
وندعي أنــــــــــــــه من خيرة الحسب
أضعت عمـــــــري لأجل العلم يا أبتي
وليته ضــــــــاع بين الرقص والطرب
يــــــــــا ليتني لاعب أو مطرب وكفي
أو ليتني أنتمي للــــــــــرقص بالنسب
لكــــــــــــــان حالي إذا عزا وميسرة
مـــا أتعس الحال بين الشعر والأدب
هذا كـــــــــلام صحيح يا بني وطني
ولــــــــــو كذبت تعالوا احلقوا شنبي
*********
سلامات يا انتخابات
. ( مرارتي فرقعت ) والنار في كبدي
من منظر اليفط البيضاء يا ولدي
ياليت من رشحوا بالمال أنفسهم
قد وفروا كسوة للشعب في بلدي
فهذه ( البفتة ) البيضاء لو صنعت
منها الجلابيب ما احتجنا لمد يد
!مال الدعاية هذا لو نوزعه
على الغلابة صاروا مثلما العمد
وما وجدت لدينا حافيا أبدا
وما وجدت فقيرا عاري الجسد
يا من لأجل انتخابات بات في قلق
ويبتغي عوضا في الفوز بالزبد
كم ذا صرفت من الأموال في سفه
وما شعرت بهم الناس والنكد !
وفر فلوسك واكنزها بلا عدد
وللأونطة والتبكيش لا تعد
إن الذي بقلوب الناس متصل
يُسعى إليه ولا يسعى إلى أحد
أما الذي بوعود طعمها عسل
قد غشنا فسيهوى فاقد السند
وسوف يسقط ( يا عيني عليه ) غــدا
وحاله لو ترى غلبان يا كبدي
!يشكو وزوجته تبكي مولولة
: " مكنش يومك يا سبعي ويا أسدي

الثلاثاء، 12 يناير 2010

أحب هذه القصيده لخليل مطران

دَاءٌ أَلَمَّ فخِلْتُ فيــــهِ شِفَــــــــائي

من صَبْوَتي ، فتَضَاعَفَتْ بُرَحَائي

يَـا لَلضَّعيفَينِ ! اسْتَبَدَّا بي ، ومَا

فـــــي الظُّلْمِ مثلُ تَحَكُّمِ الضُّعَفَاءِ

قَلْبٌ أَذَابَتْــــهُ الصَّبَابَةُ وَالجَوَى
،
وَغِـــــــــــلاَلَةٌ رَثَّتْ مِنَ الأَدْوَاءِ

وَالـــــــرُّوحُ بَيْنَهُمَا نَسِيمُ تَنَهُّدٍ

في حَالَيِ التَّصْوِيبِ وَالصُّعَدَاءِ

وَالعَقْلُ كَالمِصْبَاحِ يَغْشَى نُورَهُ

كَدَرِي ، وَيُضْعِفُهُ نُضُوبُ دِمَائي
***
هــــــــــــذا الذي أَبْقَيْتِهِ يَا مُنْيَتِي

مِـــــنْ أَضْلُعِي وَحُشَاشَتِي وَذَكَائي

عُمْرَيْنِ فِيكِ أَضَعْتُ ، لَوْ أَنْصَفْتِني

لــــــــــــــَمْ يَجْدُرَا بتَأَسُّفِي وَبُكَائي

عُمْرَ الفَتَى الفَانِي ، وَعُمْــــرَ مُخَلَّد
ٍ
ببَيَانِـــــــــهِ ، لَوْلاَكِ ، في الأَحْيَاءِ

فَغَدَوْتُ لَـمْ أَنْعَمْ ، كَذِي جَهْلٍ ،وَلَمْ

أَغْنَمْ ، كَذِي عَقْلٍ ، ضَمَــانَ بَقَائي
***
يَــــــــا كَوْكَبَاً مَنْ يَهْتَدِي بضِيَائِهِ

يَهْدِيهِ طَـــــــــــــالِعُ ضِلَّةٍ وَرِيَاءِ

يَـــا مَوْرِدَاً يَسْقِي الوُرُودَ سَرَابُهُ

ظَمَــــــــأً إِلَى أَنْ يَهْلِكُوا بظَمَاءِ

يَا زَهْرَةً تُحْيي رَوَاعِيَ حُسْنِهَا

وَتُمِيتُ نَــــــــاشِقَهَا بلاَ إِرْعَاءِ

هَذَا عِتَابُكِ ، غَيْرَ أَنِّي مُخْطِىءٌ

أَيُــرَامُ سَعْدٌ في هَوَى حَسْنَـــاءِ ؟

حَاشَاكِ ، بَلْ كُتِبَ الشَّقَاءُ عَلَى الوَرَى

وَالحُبُّ لَــــمْ يَبْرَحْ أَحَبَّ شَقَـــاءِ

نِعْمَ الضَّلاَلَةُ حَيْثُ تُؤْنِسُ مُقْلَتِي

أَنْــــــــوَارُ تِلْكَ الطَّلْعَةِ الزَّهْرَاءِ

نِعْمَ الشّفَاءُ إذَا رَوِيتُ برَشْفَــــةٍ

مَكْــــــذُوبَةٍ مِنْ وَهْمِ ذَاكَ المَــاءِ

نِعْمَ الحَيَـــــاةُ إذَا قَضَيْتُ بنَشْقَةٍ

مِنْ طِيبِ تِلْكَ الـــــرَّوْضَةِ الغَنَّاءِ
***
إِنِّـــــــي أَقَمْتُ عَلَى التَّعِلَّةِ بالمُنَى

فـــــي غُرْبَةٍ قَالُوا : تَكُونُ دَوَائي

إِنْ يَشْفِ هَذَا الجسْمَ طِيبُ هَوَائِهَا

أَيُلَطِّفُ النِّيرَانَ طِيبُ هَـــــــوَاءِ ؟

أَوْ يُمْسِكِ الحَوْبَاءَ حُسْنُ مُقَامِهَا
،
هَـــــلْ مَسْكَةٌ في البُعْدِ لِلْحَوْبَاءِ ؟

عَبَثٌ طَوَافِي في البلاَدِ ، وَعِلَّةٌ

فـــــــــي عِلَّةٍ مَنْفَايَ لاسْتِشْفَاءِ

مُتَفَــــــــــرِّدٌ بصَبَابَتي ، مُتَفَــــــرِّدٌ

بكَـــــــــــــــــآبَتي ، مُتَفَرِّدٌ بعَنَائِي

شَاكٍ إِلَى البَحْرِ اضْطِرَابَ خَوَاطِرِي

فَيُجيبُني برِيَــــــــــــــاحِهِ الهَوْجَاءِ

ثَـــــاوٍ عَلَى صَخْرٍ أَصَمََّ ، وَلَيْتَ لي

قَلْبَــــــــاً كَهَذِي الصَّخْرَةِ الصَّمَّاءِ
!
يَنْتَــــــــابُهَا مَوْجٌ كَمَوْجِ مَكَارِهِي
،
وَيَفتُّهَــــــــــا كَالسُّقْمِ في أَعْضَائي

وَالبَحْـــــــرُ خَفَّاقُ الجَوَانِبِ ضَائِقٌ

كَمَدَاً كَصَدْرِي سَـــــــــاعَةَ الإمْسَاءِ

تَغْشَى البَرِيَّةَ كُــــــــــدْرَةٌ ، وَكَأَنَّهَا

صَعِدَتْ إلَى عَيْنَيَّ مِـــــــنْ أَحْشَائي

وَالأُفْـــــــــــــقُ مُعْتَكِرٌ قَرِيحٌ جَفْنُهُ
،
يُغْضِي عَلـــــــــَى الغَمَرَاتِ وَالأَقْذَاءِ

يَـــــــــــا لَلْغُرُوبِ وَمَا بهِ مِنْ عِبْرَةٍ

لِلْمُسْتَهَــــــــــــامِ ! وَعِبْرَةٍ لِلرَّائي
!
أَوَلَيْسَ نَزْعَــــــاً لِلنَّهَارِ ، وَصَرْعَةً

لِلشَّمْسِ بَيْنَ مَـــــــــآتِمِ الأَضْوَاءِ ؟

أَوَلَيْسَ طَمْسَاً لِلْيَقِينِ ، وَمَبْعَثَــــــاً

لِلشَّكِّ بَيْنَ غَـــــــــــلائِلِ الظّلْمَاءِ ؟

أَوَلَيْسَ مَحْوَاً لِلوُجُودِ إلَــــى مَدَىً
،
وَإِبَـــــــــــــــادَةً لِمَعَالِمِ الأَشْيَاءِ ؟

حَتَّى يَكُـــــــونَ النُّورُ تَجْدِيدَاً لَهَا
،
وَيَكُـــــــونَ شِبْهَ البَعْثِ عَوْدُ ذُكَاءِ

***
وَلَقَدْ ذَكَرْتُكِ وَالنَّهَــــــــارُ مُوَدِّعٌ
،
وَالقَلْبُ بَيْنَ مَهَـــــــــــابَةٍ وَرَجَاءِ

وَخَـــــوَاطِرِي تَبْدُو تُجَاهَ نَوَاظِرِي

كَلْمَـــــــى كَدَامِيَةِ السَّحَابِ إزَائي

وَالدَّمْعُ مِنْ جَفْني يَسِيلُ مُشَعْشَعَاً

بسَنَى الشُّعَــــاعِ الغَارِبِ المُتَرَائي

وَالشَّمْسُ في شَفَقٍ يَسِيلُ نُضَارُه
ُ
فَـــــوْقَ العَقِيقِ عَلَى ذُرَىً سَوْدَاءِ

مَــــــــرَّتْ خِلاَلَ غَمَامَتَيْنِ تَحَدُّرَاً
،
وَتَقَطَّــــــــــرَتْ كَالدَّمْعَةِ الحَمْرَاءِ

فَكَـــــــــــأَنَّ آخِرُ دَمْعَةٍ لِلْكَوْن ِ قَد
ْ
مُــــــــــزِجَتْ بآخِرِ أَدْمُعِي لرِثَائي

وَكَـــــــــأَنَّني آنَسْتُ يَوْمِي زَائِلاً
،
فَــــــرَأَيْتُ في المِرْآةِ كَيْفَ مَسَائي

الأربعاء، 6 يناير 2010

خد بالك ...وإوعى يتنصب عليك

أولا السلام عليكم ورحمة الله وبركاته ....إمبارح أخويا الصغير كلمنى وقالى إنه جاله ع الأميل أنه كسب طرد فيه لاب توب وموبايل وحاجات تانيه وإن واحد إنجليزى كلمة من رقم دولى وقاله ان شركته لازم تستلم 1500 دولار عشان تبعت الطرد...المهم اخويا معرفش طبعا يفهم من الراجل حاجه إلا إن فى 1500 دولار ويجيله اللابتوب والطرد..فقلتله يابنى أبعت للراجل إلى كلمك ده وقوله ده اخويا هو الى معاه الفلوس كلمه...تصدقوا بالله فى خلال 5 دقايق كان مكلمنى وطبعا فقسته لان الرقم إلى مكلمنى منه 0234805914225
وإنجلترا بتبدأ 0044 المهم قلتله انته منين قالى من إنجلترا وأخوك قالى اكلمك عشان تبعت ال1500 دولار عشان اخر ميعاد لشحن الطرد بكره قلتله يعنى أخويا كسب طرد فيه لاب توب وموبايل وهدايا تانيه من غير مجهود ..قالى أيوه قلتله انته كداب لان الرقم الى بتكلمنى منه مش من إنجلترا ..إرتبك وقالى احنا فى جنوب إفريقيا بس الشركه إنجليزيه قلتله أكيد قالى اه قلتله طب إدينى عنوان الشركه فى إنجلترا لانى شغال فى السياحه والوكلاء الإنجلييز الى شغاليين معانا ممكن أخليهم يروحوا ويدفعولى الفلوس لو كلامك صح ...الزبون خلع وقفل السكه
خدو بالكوا من النصبة دى لا يناصيب ولا الكمبيوتر إختارك والحاجات دى كله فالكليتش!!! فتكوا بالعافيه
بقلكوا إيه سمعتوا الحته دى للفاجومى
مـــــــر الكلام زى الحسام يقطع منين ما يمر
أمـــا المديح سهـــــــل ومريح ينفع لكن بيغر
والوعد دين من غير إيدين بس الوفا ع الحر

الاثنين، 4 يناير 2010

كيف تصبح رئيس دولة ...بدون عناء

أولا السلام عليكم جميعا ومتأسف جدا على عدم المتابعه الفترة إلى فاتت بسبب الشغل ..الكريسماس والسنة الجديده بقى فى شغلانتى دى يعنى مفيش نوم ..بلاش نق خلاص الهوجه راحت ورجعنا للفضا تانى... وحشتونى وربنا وبمناسبة الى حاصل اليوميين دول من تعديلات وتظبيطات للترشيح للرئاسة أحب اعرفكوا ازاى تبقوا رؤساء دول بطريقة بسيطه وسهلة وغير مكلفه ...إخترعها أحمد مطر
أحضر سلة
ضع فيها " أربع تسعات "
ضع صحفا منحلّة
ضع مذياعا
ضع بوقا
ضع طبلة
ضع شمعا أحمر
ضع حبلا
ضع سكينا
ضع قفلا .. وتذكر قفله
ضع كلباً يعقر بالجمله
يسبق ظله
يلمح حتى اللا أشياء
ويسمع ضحك النملة
واخلط هذا كله
وتأكد من غلق السلة
ثم اسحب كرسيا واقعد
فلقد صارت عندك ..دولة

المتابعون