الاثنين، 7 أكتوبر، 2013

أم الدنيا قد الدنيا



إهداء منى ل50 الى ماتوا إمبارحيارب تعجبكوا / أبو كريم


أم الدنيـــــا بتنســـى فثانية
فيــــوم كـــرامتها إتباع النصر
أصل السيسى عايزها تكيه
شعـــب فحفله وشعب فقبر

يامــــا شباب فالثورة حَمتها
يــــاما شيوخ هـانت كرامتها
وإلى مامتش فعهد العادلى
جالـــــه العسكر يخرب بيتها

مصــــــــــر العسكر رفعوا الراية
حكمنا ماشى ملوهش نهاية
موت ثــــــوارها بإيد عسكرها
مش نهايتهــــا دى بس بداية

الحـــرية دى فين أراضيها
عشت ياعالم بحلم بيها
أم الدنيا ده ماضى وعدى
أم الحــــــاضر غايب فيها؟

مهما يكون التمن الصعب
قتلى وجرحى كأنا فحرب
ينزل شعب يفوض جيش
ينزل جيش ويموت شعب

وقـــــــت أدان المغرب راجع
من طول الصوم مفرفر واقع
ألاقى شارعنا سُكتم بكتم
أصل النــــــور متهبب قاطع

مصر حكايتك إية يا حبيبة
فـــــــــاكرة ولادك أم زبيبة
ولا العسكر ويــــــا أقباطك
همــا حلالك وإحنا العِيبه؟

هى دى مصر إلى بنعرفها؟
يســرا وإلهام هما شَرفها!
ولا حدش يقدر يســـألهم
كــــــام واحد بالفن زرفها :)

أم الدنيــــــــا أمــــــــا بتتكلم
أسمــــــــع للشعراوى وتعلم
ولا زويــــــــــل وشباب ثورتها
مين غيــــــــرهم بيهم تتقدم

هى دى مصر إلى بنعشقها
ولا عمــــــــــرك تفرح لفراقها
جيشها حاميها معلى رايتها
شعبها راضـــــــى بمُر عَرقها

الثلاثاء، 10 سبتمبر، 2013

الشريعة الإسلامية على الطريقة الإلهامية


إســــلام إلهــــــام هــــو الإســــــــلام
لا صــــلاه ولا صــــــــوم ولا حتى قيام
إتعــــــرى وبــــوس وإدينـــــــى فلوس
مش جـــــــوزى ديوث! أنا ممكن أنام
تلــــــــويلى البـــوز ! فالشــــرع يجوز

تمثيل يـــا خـــــــروف ماتقولش حرام
لية قَصـرتوا الـــدين فشمــــال ويمين
شعبنـــــــا مساكين محتــــــاج أفلام
الفيلم الـــــــواحد يهــــدى 100 واحد
مــن غير لا خُطب ولا حتــــــــى كلام
الفن ده مُتعه مــــــــن سته ل تسعه
شوف سوق المتُعه وإدعيلى يا مدام

الأحد، 8 سبتمبر، 2013

السيسى ولجنة الخمسين حرامى

                                            مع الإعتزار لأغنية / الأقصر بلدنا
                                               



دُستور بلدنا فى داهية وراح
يــــا شعب نايم قوم صحصح
لجنـــــــــــــــــةِ أرايل عبفتاح
بمصيـــــــــــــــــر ولادك بدبح
فى دستور بلادنا

علــى رأسها اتعين أُسطى
مخمــور تملى من البَسطة
بسيجارهُ لينا ..ايــــــــو الله
مرسوم علينا..صحيح والله
مش بإنتخاب! لاء بالواسطه!
هنشوف بلدنا ياعبفتاح
ومهما توعد وتزور.. سارقين بلدنا

دُستور بلدنا فى داهية وراح
يــــا شعب نايم قوم صحصح
لجنـــــــــــــــــةِ أرايل عبفتاح
بمصيـــــــــــــــــر ولادك بدبح

دستور بلدنا بقى ورطة
لفوه فملاية من الغلطة
شايفين عجولها ..أيوا الله
خِيــــــرة عقولها .. أيو الله
زى الكلاب حوالين قُطة
والشمس تطلع كل صباح
على مصرى تانى بيتريح
فى إقسام بلدنا

الجمعة، 26 يوليو، 2013

مع الإعتزار لفؤاد المهندس وشويكار فى رائعة الخمس قارات


سيسى يا سيسى روح الإمارات
حــــــــــــــج وخدلك كام يوم عُمره
شعبنـــــا واعى ماهوش شعارات
ثــــــــــــــائر رافض عيشة السُخره
بتقـــــــــررلى وتمررلى كأنك شعب
و تهمشنى وتعيشنى كأنى فحرب
الشعــــــــــــب ده ميجيش بالضرب
ولا يقبـــل يتســـــــــــــاق لمظاهرة

إعقــــــــل إعقل إعقل إعقل إعقل
وإنــــــــــــــــــــــــويلك على عُمره

من شـرعية تقول قمعية
من ثورية تكون بوليسيه
إنته فـــــاكرنا لقمة طريه
عندك عقدة من المدنيه
ولا دة من تــــأثير الثورة


إعقــــــــل إعقل إعقل إعقل إعقل
وإنــــــــــــــــــــــــويلك على عُمره

كــل ما تلقى الشعب موالى
تطــلع تلقى خطاب جنيرالى
بالتهـــــديد مشحــون طوالى
والله أنـــــا خايف قومه رجالى
تديك درس يــا سيسى فمرة


إعقــــــــل إعقل إعقل إعقل إعقل
وإنــــــــــــــــــــــــويلك على عُمره

توكا توكا توكا ..توكا توكا
توكا توكا توكا.. توكا توكا
السيسى بيه
عـــامل إنـــزار
يا نفوض ليه
يا نموت بالنار
توكا توكا توكا..توكا توكا

يا ختى عليه لابس كاسكته
والنضارة تقـــــولش شاحتها
إبقى قابلنى فيوم يا حيلتها
مصر دى دولة بشـــــــرعيتها

oh non mon dieu
أن دو يـــانعيش فلـو
يـــانموت شعبنا كلو
ونسيبها حلو يا حلو
وياكلهــــا زى البونبو
oh oui

يا سلام على شعب القراطيس
لما السيسى يكــــــونله رئيس
إنمــــــــــــــــا لكن شعبنا فاهم
مش ممكن يقلـــــــــب بلاليص

oh my God
رئيسنا المؤقت رئيسنا المفيش
ياعينى هيعيط من كتر التهميش

أمــــــــــــــــا دى حِتة دستورية
عمرى ماشفت فحكمها واحدة
جــــابوا رئيسها بيادة لاحسها
ع الكــرسى محتاج لمساعدة

مين هنـــا مين يجى يشوف
ده انا مالثورة بقيت مكسوف

أنـــا جيت يالى تخميت وكمان خليت السيسى فالصورة
مــــاهو أصل سيادة الشعب فإيد الشعب مهيش مقهورة
الجيش ده مكانه حماية الشعب مش حكم ورأيه مشورة

قصدك إيه؟
تعرف ليه !

المـــــــدنية حكمنا
والقــــــانونية رمزنا
والأسلامية شرعنا
والمسيحية مننـــا
بتقول إية .. معاك يا بية معاك يا بية
علشان تعرف تبنى الدولة
لازم تبنــى أسس قانونية
ومفيش دولــــة تقدر تنتج
لــــو مبادئها بدون شرعية
متأسف يا حبيبتى
هتعلـم من خيبتى
إتعلمت خلاص.. وهفهم كل الناس
طيــــــــــــــب يـــــــــالة إتحرك يالة لم ولادى وعلوا مكانى
أنــــــــــــــا حبيت أديلك درس لاتنساه عمرك ولا تنسانى
يعنى مكنشى قصدى تموتوا فكل ميدان كدهو علشانى
أنا كان قصدى تشوفوا بعينكوا كــــــــام قواد بالعهر رمانى

الاثنين، 22 يوليو، 2013

عجبى




عجبى عليك يا وطن بتحط ناس فالحكم
وناس تموت ع الكفن والكــل سُكتم بُكم
وناس غلابة فى غابة ياعينى حالها يُغم
عايشين كدة فالمحن ولا داقوا لقمة ترُم
وناس كدة ألــــوان بجلــــــــود لكـــل أوان
وناس تواصل لحسها ( البيادة)
وناس متاجرة بدقنها
وناس غايتهـــا البلد وناس غايتها الحُكم

طبعا دى على وزن موال لعدوية مع تحيات أبو كريم

حتى لا تضيع إبداعاتى





المقامة الرمضانية والأحداث المضنية، للشاعر الحكيم بهاء أبو كريم


حدثنى صديقى الظريف المدعوا بعبداللطيف وقال: مابالك يا أبا كريم ، مهمومُ والهم عظيم
فقلت : ماعاد فالقلب من أفراح ، وماعاد يعلوا صوتُ غير النياح، فكم فى مصرنا الأن من قتلى ، وكم ذا من أم قد أصبحت ثكلى، والعجيب فى مصرنا المحروسه ، أن الأمور فى دورها معكوسة،
فقال ووجهه يملئه العبوس ، أتنى ماعندك يا موكوس؟ وبرغم الحنق والضيق ، قلت بما فية ينضح الإبريق.. فخذ عندك يا عبداللطيف .. ما أنا بصدده طلعلى الخفيق. منذ عامان وأكثر ، وانا أرى نفس المنظر، شباب فالميادين ، وتجمعات ُ بالملايين، وكل يوم فالمساء، يخرج علينا الأدعياء، فهذا ناشطُ سياسى ، هذا ناشطُ حقوقى، وذاك خبيرُ إستراتيجى ، وذاك محلل سياسى ، وبين هذا وأشباهه ، والشعب فى حيرة تائه، وكلما لعنا الفلول ، والفترة الإنتقالية تطول، وبين الفلول والعسكر ، إنقسم الثوار لألف معسكر، فهذا فصيل ام ترتر وذاك إإتلاف أم عنتر ، ولما حان الإنتخاب للرئاسة، لم يُعل شأن الثورة الساسه، فهذا حامدين وأبا الفتوح ، وخالد بن على الصرموح ، والمستشار البسطويسى ، كلهن طامعُ بأن يكون رئيسى، وبسبب الطمع والأنانية ، وقعنا فى حيرة مضنيه ، بين شفيقٍ ومُرسى ، من منهما أولى بالكُرسى، و ما أن حظى مُرسى بالكُرسى ، حتى أبعد المجلس العسكرى ، و فرحنا وفرح المصريون ، فلن يحكمنا العسكريون ، وبعد عام على الإطاحة ، ها قد عادت نفس المناحة ، وعاد الشباب إلى الشوارع ، ومات من مات والشعب ضائع ، ومازال الأدعياء فالقنوات يتلونون ، ومازال المحللون يبررون ، يمررون ، يتخابثون ، وأنا ومن بدرب السياحة جائعون، وما أن ذكرت الجوع ، حتى غُير الموضوع، وبعد نظرة العبوس الجائرة، كست وجهه فرحةُ حائرة ، قال: أنسيتنى يا جوعان ، أن أهنأك بقدوم رمضان ، فقلت : أوجاء الشهر الكريم ، فقال غداً يا أبا كريم.. فكل عام وأنتم بخير

الثلاثاء، 2 يوليو، 2013

مع الإعتزار لأغنية بلدى يابلدى


إن كـــــــــــان ع الشعب
خـــــــلاص سَلـــــــــــم
وإن كـــان ع الحـــــرب
جيشنـــــــــــا إتقســــم
لا منه بيحمى الشرعية
ولا منـــــــــه قادر يتكلم

بلدى ..بلدى يا بلدى..بلدى

يا بـــلاد الثورة السلمية
يا مصر يا وطن الحرامية
على كوبرى أكتوبر وميدانك
إتقتلوا شبــــــابك علشانك
يا ناكرة يابلدى يا بنت الكلب
يا رجال أعمال إعلامكم كدب
ماهو إنتى إن كنتى عملتى الصح
حبل المشنقة بردة شويه

بلدى بلدى يابلدى وبلدى

يــا بلادى يا ماية مقطوعة
والرشوة ليه لسه مدفوعه
إسألى يا بلادى عن حسنى
ورجــــال أعمال حزبه الوطنى
أنا كـــــــل ما بحلم وأصدق
يطلعلى براءة تــــرنج أزرق
والشـــامخ شامخ ومصدق
حلوة الثورة لو فلوليه

بلدى بلدى يابلدى وبلدى

يــــا بلادى يا قبلة سُياحك
فنك وحضارتك دى سلاحك
يا محلى الشهر الرمضانى
العُرى ده فيه موضوع تانى
بقى أحلى ما فينا لاعبينا
ورقــــــــص ومغنى فليالينا
هما إلى هياخدوا بأيادينا
للنهضة وعصــــــــر الحرية

بيان الجيش ومهلة ال48 ساعة

مع الإعتزار لأغنية خدنا أجازة يارب تعجبكوا


خـــــدنا بيادة خدنا بيادة خدنا بيادة
والبيــــــــــــــــادات تحكم دى العادة
وإتسوحنا وإتفسحنا 
لمدة سنتين وزيادة...خااااادنا بيادة

عـــــايز أسألكــــوا لماذا لماذا .... إحنــــــــــــا لماذا أخدنا بيادة
والسنتين دول ضـــــــاعم ليه .... فى إنتخابات مصاريف وزيادة
قولو لماذا؟
مش عايزين تصويت ومتاعب
طـــول السنة يسأل ونجاوب
دستــــــورية علــــى قضائية
تنفيذية علــــــــــــى قانونية
تشـــــــــــــــــريعية وتنفيذية
إخـــــــــــــوانية علـى مدنية
علمــــــــــانية على يسارية
كـــــل فصيل بياخدنا شوية
حيلكم حيلكم إهدوا شوية
دى المسألة كده أهو ودية
وإلى هيفهم هجيبله هديه
إن كان كدة نسمع أسألتك
ونجـــــــاوب على كل لماذا .. ونسميكــــــــــى كمان أستاذة

إنتة ياهذا قولى لماذا رضيت ببيادة؟
رد يا قومى على الأستاذة

هى دى يـاختى عايزة سؤال
دى المسألة سهلـة ومعروفه
البلد دى عــــــــــــــايزة رجال
تحمى حدود مصر المكشوفه
البـــــدو فسينا عاملة مصالح
شوفت الأنفــــاق جاى ورايح
والقومية والوطنية والعـــربية والثورية علشان هذا رضيت ببيادة

ده كـــــــــلام بردة يصح تقوله منتش عارف ...لع مش عارف
حكم السيسى ده إية تأثيرة منتش عارف ...لع مــــاخبرش
تتعب تنزل كدة فى مظاهرة
فالتحـــرير بشابابنا الطاهرة
وتنحــــــى المخلوع بإجازة .. وتمشــــــــــــــى العسكر بجنازة
يجـــى يرجع للحكم يا هذا ..بقى بالزمة دى تبقى مفـــــــازة

وإنته ياهذا قولى لماذا رضيت ببيادة رد يا بــــردع ع الأستاذه
أنـــــــا رئيس وكالة للطاقة النووية
بعرف أطلع كل النوايا المستخبيه
إية إلى قريته
كل رئاسة تكون شرعية
لازم تبقى ياناس مدنية
بإنتخابات حرة وشفافيه
بالصندوق ونزاهه قضائية
مـــــــاذا وإلا نعـــــود لقديم
حسنى مبارك عهده زميم
وانا مش عايز كرسى رئاسة ... الإخوان ملهاش فسياسه

أنــا عارفة أنك كداب و مبـادئك دى هلاميه
وتملى موارب الباب و بتهرب مالمسئوليه
تشعلل ولا تنزل ليه ياحبوب
أخــــــرك تويتاية ياعم البوب
وواخدها وجاهه وفاكرنا عتاهه
وانته وحق نفوذك هذا .. لازم تلبس مره إزازه

وإنته يا هذا قولى لماذا رضيت ببيادة
رد يا كنبة على الأستاذة

نـــاوى أسيب الكنبة وأصحصح
بعد مـــــــــا نمت ليالى طويله
أعمـــــــــــل واد ناشط وأتلحلح
علشان مصر دى حلوه جميله
مــــــــــره أهدد مره أكبر
وأعمل إنى أنا فيها بدبر
وأحلف بيها وأخلـف ليها وأفضل طول السنة على هذا
تبقــى بيادتة دى تلحس فيها بالطوابيرى
علشان جبت لنفسك تانى ياحلو الميرى
يبقوا عبيدك ساعة الثورة
وأما يفوقوا يقوموا بمناورة
والشعب المغصوب فجوازة ... بقى بالزمة دى تبقى مفازة

وانتة ياهذا قولى لماذا لبست بياده.. رد يا فنان على الأستاذه

أنــــا هقول كلمتين ومش عايز لماضه
أصل انا فنان ووقتى بقضية بإستفاضه
لان الشعب السليم فالفن القويم
وانــا فلاتى قديم وإصلاحى صميم
وأحـــــــب أفلام السبكى
والعـهر والإسفاف العقيم
إلهام يا شاهين
يسرا يا صابرين
ألعــــب بالكلمه وأفسد أجيال
لاهى فارقة رقابة والكل إتقال
ده الفن رسالة إفرحوا يا عيال
الفن سلعة والشعب سادة .. عشان هذا رضيت بالبيادة

كلكلـــــــوا ساقطين لم يفهم أحد
إجـــــــــاباتكم غلط وعقولكم غلط
خيبتم خيبة كاملة لم تأتى لأحد
إحنا مش لازم نسلم نفسنا
للبيادة تسوقنا تانى من جديد
نعتبرها كأى سلطة عندنا
بس الإرادة لشعب مصرنا المجيد
وأوعى ننسى نستفيد
من إلى مر فعام أكيد
ومن خلافنا نستمد
الإتزان ونستعد
للمواجهه الجاى للطامع الجديد
صح يارجال طبعا صح

الثلاثاء، 4 يونيو، 2013

من أشعارى القديمة


رُغماً عنا ستمضى خُطانا
ورُغمــــا عنا يشاء القدر
قـــــد أسلمنا للحب هوانا
قــــــد أذهلنا جمال القمر
فلـــم نرى فالدرب سوانا
ولم نُعـــــــــــر للعقل أثر
فلا أفلـــــــح بالحب لُقانا
ولا أجدُ مــــن البعد مفر
ســـــوى أن ننس ذكرانا
وأن نبقى رفـــــاق عُمُر

الأربعاء، 22 مايو، 2013



بمناسبة الإمتحانات بهدى الأغنية دى لأخويا محمد مع الإعتزار لمنير


إيديا فيهــا رعشة وكمان مضطِرب
ماسك كتابى الوقت عـدى وهرب
شــــربت مجين شاى ولسه كده

يقولولى أذاكر ع السريــــر أنقلب

المتابعون