الجمعة، 4 مارس 2016

كل شىء فمصر وارد

وارد فى مصر الموكوسه
أحمد موسى
ع الشاشه يهيص
وتلاقى دلاديل مرصوصه
فمجلس تهجيص
مهما الخلاف كان متاجج
نائب ورئيس
ساعة السؤال مين هيوافق؟
يقلبوا بلاليص
والجحش بيبرطع فينا
ونازل ترفيص
والشعب كفران من غلبه
والليله خميس!
بالشهوه راح ينسى همومه
وينسى الكوابيس
والفقر فاكرة ومش ناسى
مين غيره وريث

الخميس، 25 فبراير 2016

صبح على مصر بجنيه




يا مصرى صبح يا مصرى طل
بجنيـــه ملحلــح راح نبقــى فل
شوف قـــــد إيه هنلم وراك
لو كل يوم تجيب إلى معاك
عشان دى بلدك وإلى حماك
يا حلو ..يحميك مصحصح
يا عينى مـال الرئيس مربوك ومتوتر
قولوله بدرى عليك الحيرة يا مسيطر
وحق حفـــــر القناة والغاز وإنتاجوا
شعوبنا حلــــوة بسرعه الكدبه تتبخر
يا سيسى إدبح يا زند كُل
يا شعب إفرح بغلاء وزل


الأربعاء، 24 فبراير 2016

مع الإعتزار لصفاء أبو السعود ( مع إنه خشب )



مع إنــــة كــدب وكـدب وكدب
إنمــــــــا الشعب طاطاله ركب
نـور عينـة إزاى يــا شعب إنته!
وسيـــاستة معـــــاك تلاقيح جته
إنما للحـــــق نستـــــــاهل الدق
عايشين بالزق ولاقــــولناله لاء
علشان كدة إيـــــــه دايما تلاقية
حبــــوب طيوب بيفضى جيوب
شعبى يا أيوب راح تاكلوا عِنب

الجمعة، 5 فبراير 2016

قصيدتى للحر / محمد ناصر على



حمـــــــــــــدله ع السلامه
إشتقنـــــــــــــــا والله ياما
يا ابو مالك فى انتظـارك
الشاشـــــــــة آخر رخـامه
عديت خميــــس وجمعــه
والسبــــــت دعيت بدمعه
سلامات يابو كلمه طالعه
توجـــــــــــــــع وببتسامه
تماسيــــــح ظهرت فنيلنا
وفكفــــــر الشيخ يا ويلنا
فيـــــــروس الإيدز جالنا
والعـــرص عامل حمامه
وبيت اللـــــــوح مصرح
كل المساجيـــــن هندبح
وبموتهم مصــر تصبح
احســــــــــن من المنامه
وطــــــرقنا حفرها ياما
ده لصالحك مش تلامه
الســــرعه تجيب ندامه
نشــــــوفك يوم القيامه
وياسلاملــم ع الكبارى
بتشــرخ ولا حد دارى
مهندسها الإستشارى
من جيشنا ي100 ندامه
وعمـــــــــــرو معاه منير
رجعــــــــولنا بألف خير
بيغنــــــــــــــوا وبضمير
للقـــــاهرة بروس نعامه
وفذكرى موت الألتراس
بهتافهــــم خاف ليفطس
طلع الممحون يمحلـــس
فى مداخله لناس لمــامه
والنيل نقصت مناسيبه
والمركزى نفض جيبه
والشعب إن طال تغيبه
هيفوق ولفوقته علامه

الأربعاء، 3 فبراير 2016

القاهرة إلى أنا شايفها مش بتاعه عمرو دياب ومحمد منير

كــــــــأنها عاصمه جميلة غَمى كدة عينيك
وبلاش بولاق والشرابية عِيش فى الزمالِك
يا حوستى أنا
من كــام سنه
لِبست انــــــا
القاهرة إلى أنا منها.. بقول عنها.. أيوه جميله ليوم ليله بس رزيله علـى ساكنها
القاهرة تجيلها تحنلها عشـــــــــــــان سايح ليله ورايح بس فضـــايح وعايشينها
هنـا ناس تشيل عنك دعمك وبيحنـــوا عليك
شعبه إلى فوض وإختاره وكان ضى عينيك
فى ناس وحوش ماليين كروش مابيبانوش
غير فالقاهرة إلى أنا منها ..بنوا فيها ..مدينتهم تَجَمُعهم بأموالنا وإعلانهم بيقتلنا
القاهرة التانية دى ناس تانيه فلوس ياما قصور ياما ودنيتهم غير الدنيا بأموالنا

الأحد، 10 يناير 2016

محامى الشيطان


الإســــــــم فـــريد
والعمــــــر مــــديد
وعشـــان أغنـــام
الديب بقــى سِيد
والمهنــة محـامى
يــدافـــع ويحـامى
عن أى حــــرامى
فبلــــــــدنا أكيـــد
مقتـــول بـرصاصة
من إيـــــد قناصة
بأوامـــــر ساسة
والشعـــب شهيد
يدخـل بسيجــاروا
ما البقـرة إختــاروا
ينظـــــم أشعــاروا
ويقـــــــول ويعيــد
مبـارك ده حاميها
والثـــوره حــاميها
والثــــــروة جانيها
من كـــــــد إيديه
يــــــا شعب إتلم
سيبنالكـوا الحُكم
بـــــلا قتـل ودم
عــايزين تانى إيه!
طب راعـــم سِنه
غلبـان ياعين أمه
مقهـــــور إكمنــه
حــازز قـــوى فيه
الشعـب بتـــاعه
يلـــويله دراعـــه
من بعد ما باعه
عالفيــس والإيه
والقاضى حلاوة
واكــــل البقلاوة
الروس تتساوى
هنقـــــول أحيه
يا شعوب برياله
إحنــــا الحصاله
هتعيشوا كماله
للباشــــا والبيه

الخميس، 7 يناير 2016

لاحظ الفرق بين الصورتين





أيوه إضحـــك وإبتســـــم
فالقـــــداس وإتــــــرسم
وفيوم ميـــــلاد نبينــــــا
بـــــــالإرهــاب تتهــــــم
كــــــل إلـــــى أمنو بيه
والأمـر ماهـــــو بإيدية
هتقولى بـــــرىء يا بية
لاء حــوش يا مُعتصم
فقــــورتة ياناس زبيبة
وأفكارة قـــــــال لبيبة
ده ولاء وبراء يا خيبه
للخــــــــــــالق يتحسم

الأربعاء، 6 يناير 2016

يالى نزلنا وفوضناه



يالــــــــــــــــــى نـــزلنا وفوضنـاه
علشان يقضـــى على الإرهـاب
بعد سنــــــــة فالحكـــم معــــاه
خلى عشيتنـــا هبـــاب فهباب
وأهو دلــــــــوقتى بعد مــا وقــع
جه الأثيـــــــوبى وقفــــل الباب
حتــــــــى مفـــاوضة لا بيعبــرنا
لا يقـــدرنا وشكـــرى أهو غـاب
يالـــــــــى بعبطه ضيــــع نهرى
ضيــــــــع حقى وعرص ما تاب
شفتـــــوا إزاى عسكر خاينين
شفتــــوا إزاى ناهبين ملايين
ولا القاضــــــى واكلى نصيبى
وأنا من عبطى وسذاجة أهلــى
سيبت الجيش يحمى الميادين
حتــــــــــــى الثورة مستقصدها 
مستــــــــــــرصدها ما عيشهاش
يالــــــــــى بمُحنُه ضيع هيبتى
وزادت خيبتـــــــى ورحت بلاش

الأحد، 3 يناير 2016

أثيوبيا نقولها تانى



يالالالـــى ويا لالالـــــى
 

يالالالـــى ويا لالالــــى

بالحــــــــب إتجمعــــنا
 

فوضنـــــــــا وبايعـــنا 

دكـر يأمن مــواردنــا
 

فضى فسينــا حدودنــا

وشهدا بيقعوا جنودنــا

وأدى العطش هيطول نيلنا

أثيوبيا

نقولها تانى

الشعب هيبيض



يــالى متخــــرج مالجامعه ومستنى التجنيد

يالــى معاك مـــؤهل عالى أو دبلوم بريد
نادوا أهاليكـــــم تصــوت وهتلطم أكيد
نيلنا بكرة هيبقى صحـــرا والمصرى هيبيض
ترارا والشعب هيبيض ترارا
ألف 100 مبــــروك علينــــا رئيـس هُمام

خلفيته عسكـــــــــرية مــافيش كـــلام

وإحنــــا شعـب طيب وأهطــــل ع الدوام

راحلهــــــم وقام موقع وخد تأيد جـديد

وعشــــان واحد يبقى ريس كله يعيش عبيد

مع الإعتزار لمدحت صالح


  1. الجيش مكـــــانة ع الحدود

    يحميلنــــا سينا من اليهود

    يا يكـــــــــــون رمز الأمان

    يا يبيع سِلع كُشك فميدان

    السيسى عرص الأمريكان

    ويا الصهاينة عميـــل كمان

    يــــا يسيب فاضية الحدود

    يـــــــــا يموت فيها الجُنود

    والشــــــــــرطة ويا الخفر

    بإكشاك لحـــــوم أو خُضر

    والشعب مهمــــــــــاً كَفَر

    عَليه مـــــــــــا يسألشى

صباح 30 سونية


        الأربع أبيات الأخرانيين دول كتبهم عبدالله الشريف ( الثاب أشرف)


صباح الباميـــــة والكوسة ومصر بلدنا موكوسه
وطـول ما الحُره محبوسه هتفضل مصر للظباط
فتحيــــا مصر والأَولَى يعـدوا الشعب م الأموات
صباح القَهره والخِيبه و صباحنا يوماتى بمصيبة
وطــول ما النُخبه حَبِيبَه تزيد الرشوة والعمولات
فتسقط مصـــــر فالوحله وتحيا طبقة البشوات

صباح قالب على مقلوب وقالب طوب قلبها وزاط
صبــاح الــــرز متلسوع من الحلة ولسعها وشاط
 

صبــاح مـــاتت ومادمنا بيحكمنــــــــا جزم برباط
فـتحيـــــــــــــــــــــــــــا مصر يا دولة تلات مرات

المتابعون