المقامة الرثائية للمهن السياحية

حدثنى صديقى الصدوق ، أحمد ابن فاروق وقال : مالها فالمهن ساحة ، حرفتنا فالسياحه ، فكل صباح ومساء ، أرى وضعنا يزداد إستياء ، ولست أرى فالنفق من شمعا ، وأحمرت خدودى من كثرة اللطم والدمعا ، وكلما خرجت من بيتى فالصباح ، مرتديا يونيفورمى والعطر فواح ، يقابلنى بواب العمارة ، وكأننى مدرس قد رجع من الإعارة ، فأحمد الله لستره عيوبنا ، و ما قد أفضت إليه جيوبنا، فقلت ليه صاح .. من بعد ليل صباح.. ومالى أراك تنوح .. وكانك ديك مدبوح.. أقول لك قولة لا توزن بذهب أو فضه ... ولا يقدر على حملها ألف طائر للنهضه... القناعة بما فاليد خير من ألف يد تمد ... فأحمد إلهك على كل حال .. والصبر يفضى لنيل الأمال... اخوك فالدرب القويم.. والمدعو بأبو كريم

يا طائر النهضه
ما ترسى على شجرة
فالثــــــــورة ضاع عينى
علشــــان أشـوف بكرة
الفقـــــــــــر مالـه مكان
ولا جهـل ولا حـــــــرمان
فى عيــون جمال سمرا
القمــــــــــــــح مــن فـــــــاسه
أفكـــــــــــــــارة مــن راســـــــة
فــــــى العلــــم لــــــــــه ذكرى
يــــــا مـــــــــــرسى قول إمتى
النهضة راح تطرح ويبانلها ثمرة
صــــــدقت أنــــــــــــا الدعايات
صــــــــــــــــــوت فى إنتخابات
وأخــــــــــدت أنــــــــــــا العِبرة
يــــــــــا نهضتى عدى
ضحيـت ومش مرضى
خـــــــايف أموت قبلك
مـــــا تلمنيش أرضى.. يا بلادى يا قمرة

أول إبداعاتى بعد النطق بالحكم فى قضية مبارك

مصــــــــر يــا أول دول الدنيــــــــــا تضيــع حـــــق شهيـــــد
ضحـى بـــــروحه فــــداكى فثانية حـــــــــــــر فشعب عبيد
علاء من هنا وجمال من هنا ليه أسكت أنا والعادلى يزيد
خـــــرجنا لها ومـــــوتنا لها وقـــــــــــولنا يا مصر دمانا فإيد
أول مـــا نسينا يـــا مصر إنتى
إختـــــــرتى الميرى وظبطتى
أول ظلـــم إنتى إلى ظلمتى
لمــا العسكر هانلى كرامتى
قــــــدام ماسبيـرو وطنشتى
والإنتخــــــابات بـردوا سكتى
وفلـــــــــولك رجعـوا ونفضتى
والشرفا طلعــــــــــوا وزورتى
لقينــــا البقر بــــواقى البشر بتدى أصــواتها لعم شفيق
يابلدى ليه كده لبوس فالغدا وبكره عشانا يكون خوازيق

أوبريت الرئيس المجهول مع الإعتزار لليلى مراد

اوبريت الرئيس المجهول مع الإعتزار للرائعه ليلى مراد ( اوبريت حبيبى المجهول)

مصر : اللي يقدر على حسنى يشنقه وأنا أجري وراه
واللى يقدر على عزمى يجلدة وأنــا أعيش وياه
وساعة إيدى ما تيجي فى إيديه
أحس بقلبـــــــه وأشوف بعيينيه
أنــــــــــــــــــــــــا أشوف بعينيه

عمرو موسى
أهو أنا .. أهو أنا .. ولا حد ينفع إلا أنا
شكلي صحيح حرس قديم
لكنــــى محمى وفالسليم
حسنى فايتلى فى البلد .. فلول كتير مالهاش عدد
كــــــان حزبنا كامل العدد .. مفضلـــش منهم إلا انا
والجـــــــــــــامعة ديه سيبتها .. والخـارجيه كرهتها
ومواقفى عارفه ملـــــونه .. مع الى يركب ببقى انا
بس ارحمى .. بس اقبلي .. ما تضيعيش مستقبلي

مصر
كلام عويل .. وكلام مسطول .. رئيـــس فلول حد يلمه
لكن خيال رئيسى المجهول مش لاقيه فيك حاجه منه

أحمد شفيق
من ناحية لبسى ولون شرزى ريس شيك موت
والـــــريس حسنى محلفنى ع الكرسى لفوت
طيار ومدقدق وإدارجى وبتاع مطارات
وافهم فالثورة المصريه والإعتصامات
نـــــــــــدرٍ علي لو قلتي أيوة لأخلّي شعبك فعيونه دمعه
وأفقع مرارته وأخلى حسنى ريس عليهم خميس وجمعه

مصر
كلام عويل .. وكلام مسطول .. رئيـــس فلول حد يلمه
لكن خيال رئيسى المجهول مش لاقيه فيك حاجه منه

منصور حسن
سيبك منهم ده ما فيش غيري قيمة ومركز ووظيفة ميرى
متعين فى الإستشارى ومعايا خبرات
ومرشــح مجلس أعلى غيــر الوزارات
لا راح أحكم كده ولا كده ولا صفى حساب
ولا لــــــى دعوة لابده ولابده والكل أحباب
يعنى الــــــرئاسه بدون تحقير
هسيبهــــــا برده فإيد المشير
ما الشعب أصلا شعبب حمـير
مبارك ماماتشى فى منه كتير

عمر سليمان
جيتك من بعد البركان .. ماهدى والشعب كمان
احظى برئاسة الأركان .. ومخابراتى فكل مكـان
وحياة هالراجل المسجون .. فى دروبك عامل محزون
وحياة هـــــــالولد المزيون .. بترنجه الغالى المضمون
نبقى بكرة فى حته واحده احنا الإتنين
فقصــر ريس ومستشارة يا ضى العين
نحكمها والصعب يهون .. والشعب ياحبات عيون
مالقهــــــــــرة هيعيش مجنون .. يعيش مجنون

مصر
كلام عويل .. وكلام مسطول .. رئيـــس فلول حد يلمه
لكن خيال رئيسى المجهول مش لاقيه فيك حاجه منه

ثم يظهر بوستر للشيخ / حازم صلاح ابو إسماعيل
فمصر تقف وتقول:

رئيسى...
عمـالة أدور عليك وأتاريك هنا جنبى
مافضلش فيه حته صورك ملت قلبى
كلمينى .. يا شاغلنى
طمنى يا شاغلنى ...


أبوكريم 2:38 فجر الإتنين 26/3/2012

معارضتى لإمرىء القيس

معارضتى لقصيدة أمرىء القيس
قفا نبك من ذكرى حبيب ومنزل بسقط اللوى بين الدخول فحومل
يارب تعجبكوا 8/3/2012 الساعه 6 مساءا

قفا نبك من سوء حظ حــــالكِ
بدروب مهنتنا دواليـــك دوالكِ
بمطلعٍ العـــــــــــامِ أتتنا ثـورةُ
وجلسنا بالبيت وقلنا يــا رازقٍ
ودعنا أبو علاءَ , كســـرنا قلةُ
سعدنـا برحيلٍ ،قد بــــات تشككِ
وفلــول أذناب قد فقدت رأسهــا
فبكـــــــــــل ناحيــةِ تثيرُ تفــرقِِ
وأنين أصواتٍ قد ضاق صمتها
تنادى بعطاءِ من غيــــر تملـقِِ
موطنها التحرير قد صار كسلمِ
بنهاية الإسبوع لمــــن يتسلقِ
هذا مناضلُ شاشةِ ، هذا رفيق
حشاشة، هذا وزيرُ ســــــابقِ
وبعد عــــام شائكِ ، وإستفتاءٍ
وإنتخـاباتٍ بألف ســــــــرادقِ
جاء مجلسنا المـوقرُ كـى نرى
لجــــــــان تحقيـقٍ تُزيدُ تحققِ
والشعب المُكلبُ بالحديد لقوتهِ
قد ضــــــاق زرعا بكل منافقِ
من ذا الرئيسُ ومن ذا ينتوى
هذا تقى وهذا ردُ ســــــوابقِ
الكـــــلُ يملءُ بالوعودِ حديثه
ودمُ الشهيدِ بكــــل كف عالقِ
يـــــارب غيرك مالنا، ومصر
فــــــى حفظــك انت يا رازق

sonnet 18 ( William Shakespeare) my favorite

للإستماع للقصيدة بإلقاء رائع

Shall I compare thee to a summer's day?

Thou art more lovely and more temperate:

Rough winds do shake the darling buds of May,

And summer's lease hath all too short a date:

Sometime too hot the eye of heaven shines,

And often is his gold complexion dimm'd;

And every fair from fair sometime declines,

By chance or nature's changing course untrimm'd;

But thy eternal summer shall not fade

Nor lose possession of that fair thou owest;

Nor shall Death brag thou wander'st in his shade,

When in eternal lines to time thou growest:

So long as men can breathe or eyes can see,

So long lives this and this gives life to thee.


ألا تشبهيـن صفـاء المصيـف
بل أنت أحلى وأصفـى سمـاء
ففى الصيف تعصف ريح الذبول
وتعبث فـى برعمـات الربيـع
ولا يلبث الصيف حتـى يـزول


وفى الصيف تسطع عين السماء
ويحتـدم القيـظ مثـل الأتـون
وفى الصيف يحجب عنا السحاب
ضيـا السمـا وجمـال ذكــاء
وما مـن جميـل يظـل جميـلا
فشيمـة كـل البرايـا الفـنـاء


ولكـن صيفـك ذا لـن يغيـب
ولن تفتقدى فيـه نـور الجمـال
ولـن يتباهـى الفنـاء الرهيـب
بأنـك تمشيـن بيـن الـظـلال
اذا صغت منـك قصيـد الأبـد
فمادام فى الأرض ناس تعيـش
ومـادام فيهـا عيـون تــرى

فسوف يـردد شعـرى الزمـان
وفيـه تعيشيـن بيـن الــورى