يـــومَـــاتي بَفطـــــر أمــل
وأتعَشـــي بـالإحبـــــــاط
خيبتـــــي بِتـــركب جَمَــل
ودمـــي ريحتـــــه شِياط
فى خيــــر كتير فالبلد
لكنـــــــــه مش للبلد
وإيش ياخد إبن البلد
من مجلـــــــــــــس الظبــــــــــاط؟؟
وحشاني يا مُتعِبه
فى الحرب أو فالسلم
يا بعيـدة وقُـرَيبه
وحبيبه قـــوي للعلم
أنا وإنتي يا طَيبه
مَعمُــول علينا الفيلم
وأنا حيلتى إيه غير حلم
والـــــــــــــدعوه فالصلـــــــــــوات!!
أنا فى التاريخ بَتعِرف
ماضى ومش حــاضر
وأنا ع الورق بِعتِرف
ماضي ومش حــاضر
ولمـــــا جيت أختِلف
كتبـــــونى قال حاضر
حاضـــــر لإمتي بقى
ده الريــــح مــــــــــــــــا سبش بلاط؟!
ما تسيبوا حَبه فَرَح
يتســـــــرسِبوا فِينا
نَصَبتوا ليه الفَـرَح
وفـــرحتوا ليه فِينا
دم الشهيد إتمسح
بس الجِـــرَاح فِينا
فينا مكفينا فبـــــــلاش بقى إستعباط
يوماتي بفطر أمل وأتعشي بالإحباط
