إنتي مين فيهم؟
ما بين مجازفة والمضمون
بنتشكل بشـــــــــــــر ألوان
وفينا إلى بكــرامته مصون
وفينــــــــــا إلى قابل يتهان
وفينا إلى راكبله قــــــرون
وفينا النـــــــــدل والسلطان
وفينـــــــا إلي يعيش مديون
عشان غيرة يعيش منصان
وفينــــــا إلى هواه مرهون
بفضـــــل زيادة أو نقصان
فخلى الخلق للخــــالق
ده هو الواحد الـــديان
وكون نفسك وعيش حلمك
ولا يهمك كلام إنسان
مدام النية دى صـــافية
ومدام الجسم فيه عافية
تعدى الصعب والأحزان
مهرجان البراءة للجميع؟!
يعنـــى ينهب فلى جالنا
وما فــــاق الشعب حبه
لـَــــــم نًفسه وإستخبى
أصله عارف لسه حالنا
قُوت عِيالنا إلى فــبالنا
شَعب مَرضَان بالأطِبه
وإلى عندة صِحه دَابه
بَردوا نَقصاه الجراءة!
يعنى إيه ياخد براءة؟
يعنــــــى عَين كُله تَبعك
وإلى دلدول يبقى سبعك
وإلى عاملين فيها قادة
بالــــــرشاوى والبيادة
ينحنـــوا ويقولوا أمرك
يالى حامي بلدنا عمرك
ده إحنــــا خُدام السِيادة
مَداس خُدودنا أو زيادة
بالفكاكة والحداقة!
كلنــــا هناخد براءة
