من إبداعاتي القديمة ( قصيدة مناطق الكويت) أيام الكول سنتر

 حَدثنا : عَبـــــدالله السَـــــــــــالم

ونَحن جُلوس علي إِحدي الوَلائم 

وقَـــال: عِندي حِكاية ظَريفه 

حَدثت مع صَديقي أبوحِليفه

لأبــــــــو حليفه إبنة إسمها هَدية

تَسكن مع أبيها فالشُيوخ السَكنية

ولما كـَــــــان الوالد على عُسر من الحال

فقد عوضه الله بإبنة على قدر من الجمال

ورزقه بأخرى عاشقة للحلوي

قد أسمتهـــــــــــا أمها السَلوي

والأم ذات الأنســاب

إسمها لأبها الرحاب

وكانت لهم فالمسكن جاره

توقــد فى كل عش شراره

إسمهـــا أم الهيمان

وبعلها منها طفشان

وفى ليلة من ليالى الأنس

همست لجارتها فى خبث

فقد أقسمت لجـــــــــــــــارتها الرحاب

أنها قد رأت أبنتها فى سيارة مع شاب

وأخذت تسألها: إلى أين يذهبون؟

ويـــــاترى ماذا بطيشهم يفعلون!

ثم تركــــت جارتها وودعت

بعد أن أحرقت قلبها وولعت

وما أن عــــــــــــادت لشقتها تهيج

حتى على فى بيت جارتها الضجيج

بعد أن علم الوالد بالقضية

وعلى صراخ إبنتهم هدية

ولحقتهـــــــــا شروخ فالزور

بعد أن على جسدها القصور

والأب يصرخ: سمعتى بقت حطين

وعيـــــون الناس هتشوفنى بقرين

ريحتكم صارت للجيران فايحه

وما عنتى للمدارس رايحة

إذا صار العلم للبنت نزهه

تقعد فالدار غصب وكرهه

وكــــــــــــانت الأم كالمهبوله

بمداوة كسور إبنتها مشغوله

ثم سألتها فى ضيق

أهو حبيب أم صديق؟

فأجابت بصوت غير جلى

وقالت: إسمه جابر العلى

يسكــــــــــن فى منطقة خيطان

ووالده صاحب مصنع صبحان

فذهب الـــــــوالد كالعميان

حتى وصـــــــــــل للعنوان

وصـــــــرخ مناديا: يا جابر

ففتح له الباب الشاب الحائر

فلطمــــه لطمــــة قــــــــــــــــويه

وقال: ماذا بينك وبين إبنتى هديه

فهرع الوالد صبحان يولى

لرؤية ولده وعيناه حَولى

ومد يدة لأبو حليفة بالسلام

وأخَـــــــــــذه للداخل للكلام

فصرخ: إبنـــــك البصباص

جعلنــــــى كالفنطــــــــــاس

وبعد أن كنت من الفحاحيل

أصبحــت بين جيراني ذليل

ولا يسلم الشرف فى عرف القبيله

إلا إذا كـــــــــــــانت الدماء مسيله

ولا نـــرضي ببناتنا هذي المسايل

يا أخـــــى صبحان إيش إنته قايل

قال: بالحسنى نتقدم ونتعرف

وبالخطبة نزيد قرب ونتشرف

إبنى وايـــد يبغـــــــاها

وبنتك يـــازين محلاها

ريتهـــــم سوا فالدوام

ووعدتهم ينول المرام

بس يخلصــــوا الكليه

وجــــابر وافق وهديه

وبما أن القصه صارت فايحه الأن

فلابد للخطبــــــــــــــــــة من بيان

نمهرها بمال يملى ألف سره

وشبكتها كما تبغاها هى حره

وأنا وعدت ولدى وما بدى أرجع

ومالى يا رجال فالبنوك مستودع

ومؤخرها ضيعه فالسالميه

ومقـــدمها بيت فالروميثيه

فأفاق جــــابر بعد أن عَمـا

من أثــــــــر اللطمة وغَمي

وقــــال: إيش تقول يا عَمي

أحضــــــــر مع أبوى وأمي؟

إنتــــــه كلك ذوق ورقة

وكفــــــــك كالنسيـــــــم

وهدية معى تعيش بنعيم

بينــــــا نعلــى البيان

والعرس فــالقيروان

ولا يفرح فينا شمتان

خصوصا أم الهيمان

بنت البنيد والجـــار

تخرب بيوت وديار

كل الطرق بتؤدي إلى روبا للشاعر الكبير / هاني البريدى

 كُـــــــل الطُرق بِتُـــؤدى إلى رُوبَا

كُـــــل الخَطاوي مِلَبَخــــة فالطِين

مِين إلى جَاب دَاغِــك يا مَخروبه

مين إلى بـَـــاع الجِتة للشَيــــاطِين

مَركُوبة طُـــول عُمرك ومَكرُوبه

ومَهمن بَــــرَكتى بيفضلوا شَابطين

ويِمُصوا ضَرعك و إنتى كَركُوبه

فَـــــــــــرث بوَجَع بالدَم مِختِلطين

مَغلُــــــوبه على أَمرك ومَصلُوبه

وكِفـــوف جَناب الجَلادين فِرطين

رَايِتـــــــــــك لِيوم الحَشر مَقلوبه

بِيسَلِمــــك أَوغَــــــــــاد لِمُنحَطين

والــــزَمر طِيط والحَفلة مَنصوبه

والسَلطَنة عَلى دَقــــــة السَلاطين

حَتى المَنَــــــــــابر مَحض سَبوبه

والكِذب حَشـــــوة سَائر القَفَـاطين

كُـــــــل الشُهُور مُنذُ الَأزل طُوبه

نَشــــع الرِطُوبه مِتَكتِك البَطَاطِين

يَا أَيُهَـــــــــــــــا الغَايبين فِغَيبوبه

يَا مَعشـــرالظَايِطين مَع الظَايِطين

يَا سَيدى المَحشُــــــور فى أَنبُوبه

إِيَاك تِــــــــــزَود فِالعَشم يَا فَطين

قَال يَعنى رَاح تَنجـــــوا بِإُعُجوبه

وهَتِنبسط وَيــــــــا إلى مِنبِسطين

الحُــــــــــــوت كَلك والبَر أُكُذوبه

والظِل دَه يَحمُوم مَهُوش يَاقطِين

كل الطرق بتؤدى إلى روبا

إهداء للفنانة / هيدى كرم ومعاناتها علي طريق الساحل!!

أَدى المُعَــــــاناة ولا بَلَاشِــى

صُوتك يَا مَصرى مَا يِعلَاشِى

لا تِقُول طَوابير

وغَلاء فَــواتِير

دَة بجـــــد كتير

هِيدى تَعبانة مَا نقصـــاشِي

قَلقَانة يَـــا عِماد

عَشــــان الأولاد

مِش نَقص مِداد

لا كُتر سَفر وطريق مَاشي

خليك يا صَبور

فالحـــر جَسور

لو قَطعوا النُور

إحمد ما المَايه مَا قطعاشِي

يَــــــارب دَعيت

وكِتيـــــر صَليت

عَ الهِجرة نَويت

بس ما أعيشي فوسط مواشى

إن قالوا ساحل قول يا خراشي

مع الإعتزار لصفاء أبو السعود وأغنية أهلا بالعيد كتبتها فى 12/9/2015

 

أَهـــلاً أَهـــــلاً مَمِيش

مَرحب مَرحب مَمِيش

هيــه هيه هيه

ههيه هيه هيه

تِمشى وِزارة

تِيجِي وِزارة

شَعبنا رَاضى بِذُله سَعيد

سَعــدِنا بِيها

تِرعَه بَانِيها

ولِسه هَيِحفُر تَاني أكِيد

غَنـــو مَعايا غَنوا

قُولوا وَرايا قُولوا

كَتــــر يَارب ف لِوَاءتنا

ومُحَافظِينا المِيرى وزِيد

جَـــانا مُهاب لَقبوا مَمِيش

يَعنى مَفيش هَتجر مَفيش

أَهـــلاً أَهـــــلاً مَمِيش

مَرحب مَرحب مَمِيش

هيــه هيه هيه

ههيه هيه هيه

بـَــاركُوا وِهَنوا

طَاطُوا وإِستَنوا

بُكـــرة بِيُتكوا بِغَازنا تِقِيد

جِينــــا بِـالقُوة

لِيك إنته وهُوه

نُحكم تَاني بنــــار وحَديد

غَنـــو مَعايا غَنوا

قُولوا وَرايا قُولوا

لا واللِه مـَـــا حُكمِنا عَسكر

حُكمِنــــا مَدَنى بِطَبع فَريد

جَـــانا مُهــاب لَقبوا مَمِيش

يَعنى ياشَعب هَتِلبس خِيش

كتبتها يوم 24/10/2021

 

زَي اللَبــوءة فحب الصيد

ولا النهــر فموسم الفيض

حُكُــــومِتنا بِتِحلب فِجِيوبنا

لَمـــــا العِين قِصرت والِإيد

والمَسؤول ولادارى بِحَالنا

وبقَـرَارَاتة عَلينا يِحِيض!!

بِتَصَالحُه وأَخد إلِى حِيليتنا

وضَــرَايبه مِقَاسمة فِلُقمِتنا

والصَب مِوَرَم تُــــــــــوتِتنا

وفقعوا يامصر كمان البيض

ما تحل الشعب يا تيحه

 فى عِز الصَهد يا تِيحَه!

بتعلي فأم شــــــــريحه؟

مَا كِفايه خَلاص كِفايه

شِبعنا ياعَرص جِبايه

عَلمتوا بإيدكوا قَفَـــايا

والشَعب قَلبتوا مَديحه

مَا تحِل الشَعب يا تِيحه

ياحقول يا أبارنا ياغازنا

محطـــات توليد ونجزنا

عَــــروا عَلشانها طِيَازنا

وقَالولنــــا الفَايدة مُرِيحَه

مَا تحِل الشَعب يا تِيحه

راح فيـن الســـد العــالى

يا سِيد النَخـــــل يا غَالى

فَشَخُونى وفَشَخُوا عِيــالى

وسَابونى أَقُول يَا فِضِيحَه

مَا تحِل الشَعب يا تِيحه

فَتــــوح عَبــــــدالفَتاح

سَلِمنــــــــــــاه المُفتَاح

بكَرَارنا القُط أهو رَاح

وهَبش مــن كُل صَفيحه

مَا تحِل الشَعب يا تِيحه

مَا تِفُوق يَاوَاد إِنته وهِية

بـِــــديون عَلَى الإِدَارية

وإخـِـــواله من اليَهودية

هَيِخُشــوا بَلدنا صَريحه

 

قصيدة ( فى حب مصر) كتبتها فيوم 19/1/2024

 يا مصر يا سَاكنه شُريانى

وكُـــــــــــل كَيانى مِستَني

أَشُوفك مــَـــــــرة شَريَانى

عَايش جـُـــــــواكي مِتهني

ولــــــــــو بَغلط مِسَمحَاني

عَشــــــان عَارفه أكيد إِني

بَحبـــــــــك وإنتي ظَلماني

وشَـــــــاطرة لغيري تتبَنى

أنـــــــــا المَولود على نِيلك

وأنـــــــــا المَيت فِدا جِبينك

ومين سـَــــاعة النِدا يِجيلك

يا مَاليــــــــــه عِنيه والنِنى

بحبك مَهمـــــــا قَفلوا الباب

وأحبك لـــــو يِحُطوا كِلاب

هَتلقى هَـــــوايا ع الأَعتَاب

بإسمك لســــــــــــــه بيغني

يا مَصــر يا سَاكنة شُريانى

وكُـــــــــــــل كَياني مِستني

أه يا شعوب بتموت فالكيكي

 بعد ما كان هربان يا صديقى

راجع تــــاني بدور ميكانيكي

جـــــاي ومعاه شنطتة والعِده

بعد مــا عبـوا خلاص المِعده

جاى للشعب يشيـــــــل العِده

والشفط هيصبــــح توماتيكي

أه يا شعـوب بتموت فالكيكي

أونكل يوسف بطرس غالى

نسبة مأصـل وطنى وعالى

جدة القاضى عَدملى عِيالى

عمه خازوق رشقة الأمريكي

أه يا شعـوب بتموت فالكيكي

 هَـات تَعميره وصُب الشَاي

وإرجــــــــع ويايا لدنشواي

رَاح تِفهـم دُغرى يا مولاي

إن الغــَـــــــرب نايكنا حقيقي

أه يا شعـوب بتموت فالكيكي

https://ar.wikipedia.org/wiki/%D8%AD%D8%A7%D8%AF%D8%AB%D8%A9_%D8%AF%D9%86%D8%B4%D9%88%D8%A7%D9%8A

حمالة الحطب وأبو مناخير خشب

 ناس وقعت فالحب كتير

وناس فرحت وناس بكيو

وناس فالعشق زى الطير

قصصهم عنها ناس حكيو

لكـــــــن لفيت

ورحت وجيت

كتيــر ما لقيت

فى زيك حــــــد يا بينوكيو

إفرحى يا لميس

وإجهزى لخميس

مأذونه إبليس

والتورتة عليها أي لاف يو

وأنت يا عمور

خليــــك شطور

وإلبس طرطور

وغنى لمجدى شي كايو

شي كــــايو يا شي كايو

ده عـــريسنا مفيش زيو

من إبداعات عمنا فؤاد نجم الله يرحمة ( أفندينا)

 

أفندينـــا يَعنى فى لَحظة تَجَلى

تَعَطف تَلَطف وقَـــــــرر يِخَلى

مِسَاحة الغَلابة تِزيد سِته مِلى

ويَاكلوا بــِـــدال التُراب الظَلط

أفندينا أَعلن صُدور القَــــرار

وقَبل أَمَا يِنجح فى أى إِختبار

فُوجئنا بزَفه ومـــــــولد وزَار

قَصايد جَــــــــرايد بَرامج يُفط

تُـــؤَكد بــــإن الحُكـــــــــومة بِذَكاء

ومن حِزمة وَاحدة قَضت ع الغَـلاء

ولَابد يِبقــــــى لَدينــــــــــــا إِنتماء

ونَـــــاكل ونِشـــــرب ونِلبس خِطط

عُقبـــال النِمو إلى قَالو عَليه

وحَايشينه عَنا مَانِعرفش لِيه

مَا تِلمح مَكانة فمِراية عِينيه

ونِقدر نِدوق مِنــــــــــه حَتى النُقط

مَا دَام كُل حَاجة تَمام ع الوَرق

مَفيش أى دَاعى عَشــان القَلق

ولو مِش مِصدق خَلاص إِتفَلق

ورقنـــا إلى صح وكلامـــــــك غلط

قــَـــــــالى مُواطن عَليم بالخَبايا

أَفندينــــــــــــا قَرر تِزيد الجِباية

عَشان شَعبة جَاحد قليل الرِباية

بيــــــــــاكل ويِنكــــــر زي القُطط

إذا الشَعب صَدى بفعل البَارومـة

هَتِعمل حِسابة فى إية الحُكــومة

وهى إلى جَاهزه بكُرباج وشُومة

عَشان لَـــــــو فِواحد فِعَقلة إِتخَبط

تِعيش مَصر دَايما فى عِز وجَمال

يِعيش المـُــــواطن شَديد لِإحتمال

وأَمن تَماماً مـــــــــــــن الإِشتعال

وأَقصى مَـــــــــــــا عَندة يِنكت فَقط

يالى مش غرمانة لالى

 يالى مش غرمانه لالى

وإِفــــرحى بوَكسة عِيالى

العَيــــــــــل يِجيبوه لدُنيا

دَولته تِـــــــرِاعية فثانيه

لَجل أمَا تِبقى فحته تانيه

مُستقبلهـــــــــــــــــا كَـــــدولة عَالى

 يالى مش غرمانه لالى

يَعني عَشان مَولود ومَصري

أَلبس الخَــــازوق و حَصري

بالديون حَــــزمتوا خَصـري

أه يــــــا حُــــــــــــوستى يالهو بَالى

 يالى مش غرمانه لالى

تملى صابر وبحب دينى

بس البلد كسرالى عيني

شمس المذلة نقش فجبيني

لا سابونى أهاجر ولا رحموا حالى

برج الحمل

زُحَل في بُرجك يا حَمـــل

إِفرح خَلاص مَفيش زَعل

هيبشــــروك ويعشمـــوك

ويقولــوا فَكوا 100 عَمل

ماتصدقوش ولا تِحلموش

كُل كــــلامهم ده فاشوش

وإلى بيفهـم فى الوشوش

هيقول خلاص مفيش أَمل

 

مش بالنسب

أصل الشرف مش بالنسبوحاجات كتير لو تنحسبهتعلي ناسوتحط ناسوفي الأساسشرفنا سمعه بتكتسب!جد الحسين قال كلمتينيا مسلمينعملك لوحده هيحتسبيوم الشهادةمالوش شهادةيا جنان يا سادةياجحيم عليها بتتسحبمش بالنسب بل بالسبببعد الرسول شفنا العجب
أبو كريم

مع الإعتزار للفنان هاني شاكر وأغنية غلطه ( بمناسبة جلطة بن زايد)

 جلطه

الله عليها

َبارِكله يارب ِفيها

ِتصبَح شَلَل رُبَاعى

والشَخَه مَايدرى بيها

جلطه

طَبَعت مع الكَيان

وَفتحت الباب كَمان

ولا شَعب من الجِيران

إلا ولَاَعِبلُه فِيها

شَعبى وسَرقت حَقه

وسُودان فَرَقت شَعبه

واليمن  رَغم غُلبُه

مَوَانيه وسَطيت عَليها

جلطه

إدعوووووله

بتنين فوقيها

قصيدة (أحيه يا دبي)

 هذا الشعار دليل العار

ربك ستار ولا زيه زي 

يمهل لسنين

 ولا يهمل دين

ف الأخذ متين إحسبها يا خي 

إلا الخاينين 

بايعين الدين 

حق فلسطين جايلنا اهو جي 

يا أهل الإمارات 

فكوا الغترات 

رمي الجمرات من جوا الحي

بعتوا العربان 

لجل الشيطان 

ولا فاد قربان لأميركوا الغي 

ذلات بالحيل 

من شعر لديل 

وسترتوا راشيل عرولكم مي 

أحيه يا دبي

يا خسارة يا 100 ألف خسارة

 حَبــة شَيــــاطين

كَفَـــــره ومَلاعين

ع الناس راسمين

الواجهه تمدين وحضارة

حق الحيوان

ويا النسوان

حُرية كمان

والدين خليه بس ستارة

ماهو كله يجـوز

مع 100 أراجوز

ع الشاشة يفوز

عيسي وبحيرى وجعارة

وتجـــــادلوا فمين

يا شعوب جَاهلين

حــَــــــق فَلسطين!

خُدلك مِني أَحلى خِيارة

أصل الخِيــارات

زي الإِمــــارات

من بَرة حَاجات

من جِوة لَعينة ومَكـارة

جيفــري إبستين

كان وجهه لمين؟

خَليكوا ساكتين

لما التمر هيملى الحـــارة

وأَصحـــــــاب الدار

يِقلبوا أنفــــــــــــار

هِبه نِيلها أَهو غَار

وبهيــــة هتقلبها دعارة

يا خسارة يا 100 ألف خسارة