بلدنا
بلـــــــــــدنا بتعلى الهلفوت
وتعمـــــــل هيبة للشرموط
وإلى يعيشها سليم وبشرفه
دغرى كرامتة عليها تفوت
بلــــــد مثاليتها فى رقاصة
ورجـــــولتها دلع ومياصة
والبلطــــــــجى ويا الشمام
أصبـــــح ليهم شأن وصوت
يا بلـــــــــــدى عايز نتصارح
لية بكــــــرة مش زى إمبارح
طول ما النخيل عالى وطارح
يا مصريين أبشروا بالموت
الإعلام فى مصر
قبل ما مصر تقـــع وفطيس
بص يا عمرو وقول للميس
إحنا نعـــارض كدة فالظاهر
بس لا نحشـــد ولا نتظاهر
طفوا الولعه بشغل مظاهر
ده توجهنا حكومة ورئيس
بص يا عمرو وقول للميس
راح نطلع ع الشاشة نعيط
والسيسي لا وافق ولا فرط
ونحش البـــــرسيم ونخرط
خلـــو الشعب جوافة فكيس
بص يا عمرو وقول للميس
مصـــــــــر بلدنا فإيده أمانة
بس الشيلة دى عايزة إعانة
هيكمـــــــــــــل بجميله ويانا
غصب يا شعب من البلاليص
بص يا عمرو وقول للميس
مين غيره بيسهر على راحتك
خوازيقه دي صــب فمصلحتك
غني يا شعب وقول بفصاحتك
أنا عــــروسة وهو عريس
ليست هناك تعليقات:
إرسال تعليق