كريم

بعد فتره إنقطاع ليست بالقلبله عن التدوين عدت بعد التحديث والبركه فى الأخ علاء بس ده كله عشان كريم الابن البكر ليه ولى كله أنا ..طبعا مش هقدر أقول قد إيه الإحساس ده جميل خصوصا لما تشيل حته منك وتبوسه والله أجمل من اى بوسه فى الدنيا!! متفهمنيش غلط بجد طعم واحساس تانى ربنا يمن على كل الناس بالابناء والاحفاد الى يرفعوا شأن الإسلام.....أمين

تسع شهور مستنين
يهل كوكو وسطنا
ويدوب جنابه من يومين
قرر يشرف عندنا
.......
نسخه ولقيته حته منى
إلا الودان ويا العنين
سألت قالوا زى مامته
من مامته! يانى أروح لفين
......
أول حفيد لجده هوه
يعنى فعليتنا زادوا واحد
وبقيت ياكوكو فقلبى جوه
أغلى عندى من أى واحد
( واحد مش واحده يا أم كريم)
......
وانتى عندى بردوا غاليه
يا ام كوكو يانور عنيه
انا ايوه قلت كوكو غالى
بس انتى برده الباقيه ليه