- لو حسيت إنك مهما تعمل بتتفهم غلط؟
- لو حسيت إنك فى وادى وإلى بتحبهم فوادى؟
- لو كنت بتعمل كل إلى فى وسعك عشان ترضى إلى حواليك وبرده فى نظرهم إنته مقصر؟
- لو تبعد عن عيلتك عشان هدف معين وتعمله والحمد لله ويتقالك إنك ما بتحبش إلا نفسك؟
- لو أقرب الناس ليك عشان بعدت عنه يصدق كل إلى بيتقال من وراك مع أنه متأكد إنك مش كدة؟
- لو .........................................و لو............ ولو..................
إحساس بجد قمة فى الظلم وإحساس إنك مهما هتعمل برده هتبقى مقصر فى حقهم ( مش لازم أقول مين) بس قيسوها بقى على اى حد بتعزوه أو بتحسوا انه قريب منكوا
قولولى بجد تعملو إية لو كنتم مكانى بدون سؤال عن تفاصيل؟
حسبى الله ونعم الوكيل
هناك 29 تعليقًا:
ضيف لكل ده سؤال .. تعمل ايه لما كل حاجة كويسة عملتها معاهم تتنسي وتشن الحملات الجماعية لتشويه صورتك ؟
الاجابة عن كل ده فوض امرك لله وانتظر الايام هتثبت حقيقة كل انسان
ومهما يكن عند امرئ من خليقة وان خالها تخفى على الناس تعلم
الصبر .. وفي كل الاحوال اوصلهم حتى لو قطعوك
هقف مع نفسى للحظة و ارجعها
يمكن فى غلطة مش باينة و انا مش واخده
بالى منها
هرجع تانى اهتم بالناس اللى قريبة منهم
عشان يبدوا يحسوا انى معاهم
و لسه زى ما انا
حتى انا هبقى محتاجة الخطوة ديه
عشان ارجع احس تانى بالامان
و احس انى لسه عندى اللى يخاف عليا
ثالثا و دا الاهم لازم استحملهم شوية
عشان هما بيستحملونى كتير
و ربنا بيعين
و خليك دايما راضى عن نفسك
خد الامور بالسياسة وبكره يعرفوا انك عملت كل ده عشانهم
وفعلا حسبى الله ونعم الوكيل اجمل حاجة تتقال بس لو جت لك الفرصة توضح موقف اقف وبلاش سلبية ووضح موقفك مادام انت صح
تحياتى ليك واتمنى ان يزيل الله همك ياصديقى
تعرف بجد احساس صعب قوى انا عن نفسى مريت بأمر منه
ربنا وحده اللى عالم بحالى
ويلا الحمد لله على كل حال
وعزائى الوحيد
حسبى الله ونعمة الوكيل
ربنا يكون فى عونك لانى حاسه بيك قوووى
وياريت م تزعل انا كنت لسه برد على التعليقات والله ومأقدرش انساك ابدآ لانك ابن بلدى ربنا يكرمك ويخليك كيمو يارب
ويلا انا هعمل بوست الوقتى
وعاوزاك اول تعليق
ههههههههههههههههههه
سلام ياقمر
ضيف بقى لكل ده ماذا تفعل لو كنت مكاني
لو حسيت بالغربة وانت في وسط اهلك ومع اقرب الناس ليك
لو اتجرحت واتهنت من اقرب الناس ليك
اقولك انسا الدنيا وروق بالك واوعى تفكر في اللي جرالك وسيب كل حاجة للايام
تحياتي
ابو كريم
كلنا بنحس بكده في اوقات كثيرة
بتدي بس مش بيتقدر اللي انت بتعمله
كنت في البداية بزعل على نفسي و اقول انهم ميتاهلوش اني اعمل ده عشانهم
لكن برجع من ثاني و بعمل من اجلهم من ثاني عارف ليه
عشان عرفت ان العطاء الحقيقي لا ينتظر ان يرد بعطاء اخر
و على فكرة في مثل بيقول : كن على طبيعتك تريح و تستريح
مودتي
اخي
طالما احسسنا ببعض من الظلم والحزن اللذي يخترق قلوبنا
ينهش جسدنا بتلك المشاعر الظالمه
يبعدنا عن من اهم اعز الناس على قلبك
بمجرد انهم يحكمون عليك باحكام ليست بك
اخي
كن دائما مناره تتهدي بها الجميع
شاركهم فرحهم وحزنهم
اشكي لهم همومك وشاركهم همومهم
سوف تجد الراحه وسوف تفهم
وجهت نظرهم بك
لاننا لا نعرف كل انسان ما هو
ولا كيف يفكر فقط بمجرد ان تعترف لهم
ما هو اللذي يؤلمك منهم
سوف ترتاح ومش حيعيدوها تاني
وانا هاي رايي وحاول تعمل هيك
اختك
رحيل
\\\\
\\\
فلســـــــــطين
بصراحه مش عارفه أقول ايه
لأنى تقريبا بسأل نفس الأسئله دى
ف بالتالى الموضع انا حاساه أوى
وأكيد تصرفات الناس مش زى بعض
ربنا يهدى الأحوال ان شاء الله
أولا .. حاول تكون بسيط ومرتب علشان محدش يفهمك غلط وتجنب الأفعال والكلمات التي تكون ذات معنيين
ثانيا .. صارح من تحبهم بحبك لكي يقرروا هل يستمرون معك في واديك أم ماذا؟
ثالثا .. أرضي ربك وذاتك ولا ترضي أحد غيرهم ... ستجد من حولك يرضون عنك
رابعا ...
خامسا ...
سادسا ...
كن مع الله يكن كل شئ معك
مع تقديري
مانت لازم تفهمهم انت بتعمل ايه؟؟
وتوضح وجه نظرك دة الحل
UNIQUE
أضافتك أو سؤالك برده والله حسيت بيه
طبعا لازم أصبر وكده كده مفيش غنى عن الى مزعلينى... ربنا يهدينا جميعا وشكرا على مرورك..وجزاك الله كل الخير
نورتنى
Selfmeaning
كلامك عقلانى قوى وانشاء الله هاخد بيه
أنا إمبارح لما نزلت البوست كنت بجد شايط..بس دلوقتى أحسن..بس المشكله انى بعيد ومش لاقى فرصه اتكلم واعبر عن رأى بس انا نازل يوم السبت الجاى ده أجازه وأدعيلى ربنا يهدينى ويهديهم
متشكر جدا جدا على نصيحتك
وجزاك الله خيرا
مى
والله بحاول بكل سياسه بس السياسه فى البعد دى مش نافعه لازم ابقى موجود وسطهم عشان ما حدش يلعب فى ودانهم لأنى بعيد وهما مش شايفين الى بيحصل هنا فلازم أنزل لهم وربنا يقدم الى فيه الخير
شكرا على دعائك وجعل الله لك خيرا منه
شكرا لتعاطفك يا صديقى
أنوش
منورانى يا بلدياتى
الإحساس ده بجد مفيش أغبى من كده ويحسسك إن لسانك مقطوع يا اما الى قدامك أصم
حاجه كده
لا انا مش زعلان بس كنت بهزر ومعلش مدونتك الناس بتفترى فى التعليقات على ما جيت أعلق لقيت 88 سبقونى
تشرفى دايما وسلامك هيوصل لكيمو يوم السبت لما انزله
منورانى
زهور الأمل
لا مش للدرجه دى.. دى تبقى كده أسودت
ربنا ما يكبرها قوى كده... معلش لو الإحساس ده عشته الله يكون فى عونك..بس المشكله انى مابعرفش انسى الدنيا واريح بالى ...ودايما بفكر فى إلى جرالى
ربنا يكرمك يارب ويوفقك
أتشرف دائما برؤية تعليقك على المدونه
جزاك الله كل الخير
إيسافو
عرفت ان العطاء الحقيقي لا ينتظر ان يرد بعطاء اخر
و على فكرة في مثل بيقول : كن على طبيعتك تريح و تستريح
كلامك صح
بس لما يبقى من أهلك او من أقرب الناس ليك بتوجع قوى
ربنا يوفقنى يارب يوم السبت
جزاك الله خيرا يا صديقى
أختى رحيل
على فكره كلمه أختك رحيل من فلسطين دى فرحتى وربنا قوى قوى قوى
أول مره أفرح بتعليق كده
وانشاء الله انا هعمل كده يوم السبت لما انزل لهم وأخد أجازتى من الشغل
ربنا يكرمك يارب وجزاك الله خيرا
وثبت الله وربط على قلبك بالإيمان
أنت وكل إخوانى بفلسطين
والله الذى لا إله غيره برنامج عمرو خالد إمبارح عن حب المسجد الأقصى خلانى مش عارف انام..أعذرى تقصيرنا بس وعد ربنا حق وهنسعد بيه انشاء الله
يارب تبقى على تواصل
لانى بجد أتشرفت بتعليقك
butterfly
تقريبا كلنا عشنا نفس الإحساس
بس بالنسبالى انا كان صدمة لانه جاى من حد عمرة ما خاب ظنه فيه وحد كان على طول جنبى...بس اقول ايه كتر الزن على الودان أكبر من السحر...وياريته مدينى فرصه أشرح...ياله الحمد لله
نورتينى بتعليقك
وجزاك الله خيرا
كرسى إعتراف
كم أود أن أجلس على كرسى إعتراف أمامهم ليعلموا انى ما فعلت شىء مما قالوا عنى فى غيابى..والله عارفين انى بحبهم..بس جايز انى بعيد عن ربنا ومقصر فى حقه بسبب شغلى.. وأكيد إنى مقصر..عشان كده هنزل أجازه فى العشره الأواخر مش هيبقى قدامى حاجه الا الإعتكاف وأنهم يرضوا عنى
إدعيلى وجزاك الله خير على نصيحتك
نورتينى
كيكى عوو
صح لسانك
ده الى هعمله بإذن الله يوم السبت
منورة المدونه لأول مره يارب ما تكونش الأخيره
جزاك الله خيرا
السلام عليكم ورحمة الله وبركاتة
توبيك بجد جميل واسئلة اكيد كلنا اتعرضنا لها لان المؤمن مصاب بس المهم نطلع منهابأذن الله وبرضاة انت طبعا بتعمل اللى عليك وتتأكد انك مش غلط لانك لو غلط لازم تصلح من نفسك لكن لوصح انت بتتكلم وبتقول الحق اللى عندك
دة رايئ وردى عليك
فى كل اسئلتك دى ولومافيش فايدة انت ربنا معاك وشاهد وشايف اللى فى ضميرك المهم ربنا ارضية هو هيرضى عنك ومتقصرش فى طاعتك لية ولا لآهلك ولا لزوجتك وفى الاول والاخر بنقول الحمدلله على كل حال وربنا يبعد عنا الظلم يارب وربنا يكرمك ويبعد عنك الشر يارب
تقبل مرورى
heba
هبه
وعليكم والسلام ورحمة الله
كلامك صح وإنشاء الله ربنا يهدينى ويهدى الجميع لما فيه الخير شكرا على مرورك ونصيحتك وجزاك الله كل الخير
تحيتى
أبو كريم
هما مين دول ان شاء الله
)وش عامل عبيط)
ههههه
يا سيدى اللى يعيش ياما يشوف
يلا بقا اهلك هتعمل ايه فيهم ههه
قشطه
مستنيك يوم السبت علشان اسلمك كريم تفضل شايله ليل ونهار
ياااااه مستنى يوم السبت بفارغ الصبر
هههههه
انا فاهم بوستك قوى طبعا واكتر واحد يفهمه انا :)
عموما يا سيدى عادى كله بيعدى
اصبر سنتين كمان على ما اتخرج هههه ونشيل الهم سوا
يلا سلام
يا أهلا يا أهلا
لولو باشا أخيرا ظهر
جايلك يوم السبت ياد وهستلم كوكو
فاهم طب ما تسيحش فى البلوج أصلى عارفك لسانك زالف
ياله انته على النت فين؟
الجهاز مش هيتصلح الا بعد العيد يامان
ياله تصبح على خير
والله اللى ميقدرنيش مايلزمنيش
ريمان
إزيك وعاش من شاف تعليقاتك
ياريت ينفع !! مش أى حد نستغنى عنه
تحياتى ليكى
لابد من سيل من القبلات والصفعات حتى يشعر كل فرد أنه قال ما عنده
احييك بشدة
حاول تفتكرنى
شكرا على تحيتك ورأيك
دمت زائرا أعتز به
شكرا وجزاك الله خيرا
بسم الله الرحمن الرحيم
السلام عليكم ورحمه الله وبركاته
الله يعينك عليهم.إن كانوا اهلك او اصحابك.
لكن كن كما تحب ان تكون ولا تلتفت لما يقولون.
ومشاعرك عالجها ...يا ابو الشعراء
كل سنه وحضرتك طيب .
وحمداً لله علي سلامتك *أجازه سعيده*
إرسال تعليق