يا سادة ياكرام هذه تذكرة دخول حفلة العارفه بالله بيونسيه الطاهره وقد وقعت فى يدى صدفه وعندما قرأت السعر قررت ان أعمل لها scan عشان تشوفوا المسخره..التذكره اشترتها الشركه التى أعمل بها لاتنين مصريين هيحضروا مخصوص من هولندا عشان يروحوا الحفله وطبعا حجزنالهم ليله فى انتر بالاس بورت غالب وترانسفير وكله متظبط يشاء السميع العليم انهم يجلو الطياره وتضيع عليهم التذاكر والمشكله الأكبر انهم دفعوا خلاص وماينفعش نرجعها المهم عارفين التذكره بكام 2000 جنيه يعنى دفعوا 4000 جنيه ده غير الإقامه والطيران والتنقلات!!!
وكمان مفاجأة مكتب الحجز لما اتصلنا بيهم عشان نشوف ينفع نرجع التذاكر قالنا انهم مشوا ناس كتير كانوا عاوزين تذاكر بلاتينيم وخلوهم يشتروا التذاكر العاديه ولما سألناه فى كام واحد فى الحفله قالوا انهم عدوا 20000 واحد وسلملى على الأخلاق
ياله سلام بلا حرقه دم
هناك 27 تعليقًا:
أبو كريم ، أشكرك علي تعليقك الرقيق علي إعترافي ..
وبالنسبة الي تذاكر الحفل ، توقع ذلك وأكثر من ذلك في بلدنا الحبيبة إيجبت
تقبل مودتي
انا اتحرق دمى
تعالى نقرا الفاتحه على الاخلاق
الله يرحمها كانت ست طيبه
بيونسيه مين ؟
هههههههه
متزعلش يا ابو كريم
هههههههه
يعني في اشياء ما فهمتها
بس الحمد لله ما عنا اساسا شي
ولا حفلات واي اي شي
مرتاحين يا عم هههه
مين الاخت بيونسية دي
انا اول مرة اسمع عنها
طب يتعمل ايه طيب
عايزين نفهم يعني
هههههههههههههه
والله الواحد هيتجنن
طب ما تجيبوا منهم 500 جنيه نجيب بيهم كسوة الشتا طيب
تحياتي يا ابو كريم
والنبي ابقى سلملي على كريم
وعلى بيونسية
ماتزعلش ولا تحرق دمك
اصبح لكل شئ ثمن حى اخلاقهم اصبحت برخص الثمن
:)
دا الطبيعى انما الامم الاخلاق ما بقيت فان ذهبت اخلاقهم ذهبوا واظن انها ذهبت من زمان اوى
اهى مشيت**
المهم انت فين؟؟
السلام عليكم ازيك عامل ايه موضوعك هايل بصراحة بيثبت قدايه فى ناس تافهة قوى عايشين وبيدفعو مبالغ زى دى عشان يحضرو تافهات والله بجد عالم فاضية ربنا يهدى دة حتى اسمها يدى على دواء كحة ههههههههههههههههههه وهى مضرة بالصحة اصلا ههههههههه ربنا يـــــهدىىىىىىىىىىى يارب
تقبل مرورى
heba
سلام... حقيقي
بلاش حرقه دم
سلام
لا حول و لا قوة إلا بالله
تأكد أنه زى ما فيه كده ، فيه كمان شباب جاد و الحمد لله
ربنا يوفقناو يوفق الناس لما ينفعنا و ينفع أمتنا
كرسى إعتراف
لا شكر على واجب يارب نفوق من الى احنا فيه عشان حالتا يتصلح
تحياتى
ريمان
مش أكتر منى وربنا
الله يرحمنا برحمته
تحياتى
ماما أموله
بيونسيه دى مرات البواب
هههههههههههههه
منورانى دائما
رحيل
أحمدى الله على هذه النعمة وبارك الله فى بلادك المناضله وثبتك الله
زهور الأمل
هسلملك على كريم من عنيه بس بيونسيه محتاجه تذكره والتذكره غاليه انا بقول أجيب بيها كسوه العيد لكريم ومامته احسن
تحياتى ليكى
جارة القمر
كلامك للأسف صح بس المشكله ان التمن رخيص بالنسبه للى بيعملوا كده وغالى علينا احنا
تحياتى
طوببه فضه وطوبه دهب
قالها شوقى ساخرا على الوضع فى زمانه ولو عاش زماننا لقال شيئا أخر!! صح ولا إيه
منورنى
كيكى عوو
الحمد لله غارت
أنا والله مشغول لشوشتى من بورت غالب للقصير ثم الغردقه والأقصر ثم ختاما بأسوان بس رجعتلكوا تانى لانكوا وحشتونى ووحشنى بوستاتكوا وتعليقاتكوا
سلام
هبه
دى مش دوا كحه دى بنص لو تعرفى البنص الى بيتلبس فى الرجل والله العظيم الدنيا كانت مقلوبالها فى مطار مرسى علم وبورت غالب ولا كانها فاتحه من الفاتحين ربنا يهدينا جميعا ويرحمنا بما فعل السفهاء منا
منورانى
فركشاوى
وحشتنى ياريس غبتى طالت شويه ازيك انته
وبلاش حرقة دم
تأثر الفراشه
ماهو الأمل فى دول بس الزن على الودان اكتر من السحر خوفى ان البلاوى الى بتحصل حوالينا والضجه الى معاها تحول الشباب الجاد لحاجه تانيه
ربنا يستر
حاجة تحرق الدم فعلا
ربنا يسترها معانا الايام الجاية
و يسترها مع الاجيال الجاية
self meaning
فعلا حاجه تحرق الدم
ربنا يكون فى عونا جميعا
تحياتى
مش عارفة الناس هتبقى في غفله لحد امتى
ربنا يهدينا جميعا
انت لو هيتحرق دمك في كل حاجه يبقى كدا هتفضل طول عمرك دمك محروق :)
نصيحه مني كبر دماغك
green ezes
كلامك صح بلاش حرقة دم وخصوصا بعد الى حصل فى الجزائر
كل سنة وانتى طيبه
إرسال تعليق