محامى الشيطان

الإســــــــم فـــريد
والعمــــــر مــــديد
وعشـــان أغنـــام
الديب بقــى سِيد
والمهنــة محـامى
يــدافـــع ويحـامى
عن أى حــــرامى
فبلــــــــدنا أكيـــد
مقتـــول بـرصاصة
من إيـــــد قناصة
بأوامـــــر ساسة
والشعـــب شهيد
يدخـل بسيجــاروا
ما البقـرة إختــاروا
ينظـــــم أشعــاروا
ويقـــــــول ويعيــد
مبـارك ده حاميها
والثـــوره حــاميها
والثــــــروة جانيها
من كـــــــد إيديه
يــــــا شعب إتلم
سيبنالكـوا الحُكم
بـــــلا قتـل ودم
عــايزين تانى إيه!
طب راعـــم سِنه
غلبـان ياعين أمه
مقهـــــور إكمنــه
حــازز قـــوى فيه
الشعـب بتـــاعه
يلـــويله دراعـــه
من بعد ما باعه
عالفيــس والإيه
والقاضى حلاوة
واكــــل البقلاوة
الروس تتساوى
هنقـــــول أحيه
يا شعوب برياله
إحنــــا الحصاله
هتعيشوا كماله
للباشــــا والبيه

لاحظ الفرق بين الصورتين

أيوه إضحـــك وإبتســـــم

فالقـــــداس وإتــــــرسم

وفيوم ميـــــلاد نبينــــــا

بـــــــالإرهــاب تتهــــــم

كــــــل إلـــــى أمنو بيه

والأمـر ماهـــــو بإيدية

هتقولى بـــــرىء يا بية

لاء حــوش يا مُعتصم

فقــــورتة ياناس زبيبة

وأفكارة قـــــــال لبيبة

ده ولاء وبراء يا خيبه

للخــــــــــــالق يتحسم

يالى نزلنا وفوضناه

يالــــــــــــــــــى نـــزلنا وفوضنـاه
علشان يقضـــى على الإرهـاب
بعد سنــــــــة فالحكـــم معــــاه
خلى عشيتنـــا هبـــاب فهباب
وأهو دلــــــــوقتى بعد مــا وقــع
جه الأثيـــــــوبى وقفــــل الباب
حتــــــــى مفـــاوضة لا بيعبــرنا
لا يقـــدرنا وشكـــرى أهو غـاب
يالـــــــــى بعبطه ضيــــع نهرى
ضيــــــــع حقى وعرص ما تاب
شفتـــــوا إزاى عسكر خاينين
شفتــــوا إزاى ناهبين ملايين
ولا القاضــــــى واكلى نصيبى
وأنا من عبطى وسذاجة أهلــى
سيبت الجيش يحمى الميادين
حتــــــــــــى الثورة مستقصدها 
مستــــــــــــرصدها ما عيشهاش
يالــــــــــى بمُحنُه ضيع هيبتى
وزادت خيبتـــــــى ورحت بلاش

أثيوبيا نقولها تانى

يالالالـــى ويا لالالـــــى
 
يالالالـــى ويا لالالــــى

بالحــــــــب إتجمعــــنا
 
فوضنـــــــــا وبايعـــنا 

دكـر يأمن مــواردنــا
 
فضى فسينــا حدودنــا

وشهدا بيقعوا جنودنــا

وأدى العطش هيطول نيلنا

أثيوبيا

نقولها تانى

الشعب هيبيض

يــالى متخــــرج مالجامعه ومستنى التجنيد
يالــى معاك مـــؤهل عالى أو دبلوم بريد
نادوا أهاليكـــــم تصــوت وهتلطم أكيد
نيلنا بكرة هيبقى صحـــرا والمصرى هيبيض
ترارا والشعب هيبيض ترارا
ألف 100 مبــــروك علينــــا رئيـس هُمام

خلفيته عسكـــــــــرية مــافيش كـــلام

وإحنــــا شعـب طيب وأهطــــل ع الدوام

راحلهــــــم وقام موقع وخد تأيد جـديد

وعشــــان واحد يبقى ريس كله يعيش عبيد

صباح 30 سونية

        الأربع أبيات الأخرانيين دول كتبهم عبدالله الشريف ( الثاب أشرف)

صباح الباميـــــة والكوسة ومصر بلدنا موكوسه

وطـول ما الحُره محبوسه هتفضل مصر للظباط

فتحيــــا مصر والأَولَى يعـدوا الشعب م الأموات

صباح القَهره والخِيبه و صباحنا يوماتى بمصيبة

وطــول ما النُخبه حَبِيبَه تزيد الرشوة والعمولات

فتسقط مصـــــر فالوحله وتحيا طبقة البشوات

صباح قالب على مقلوب وقالب طوب قلبها وزاط
صبــاح الــــرز متلسوع من الحلة ولسعها وشاط
 
صبــاح مـــاتت ومادمنا بيحكمنــــــــا جزم برباط
فـتحيـــــــــــــــــــــــــــا مصر يا دولة تلات مرات

أديك تقول ماخدتش

أديك تقـــــــــول ما خدتش

وإن خـدت مـــــــــا تدنيش

وإن شفت واحـــــد مريش

ألقــــــــاة يا قضاء يا جيش

والشعب إن كــــان مطنش

علشان عــــــــــايز يعيش

أسعــــــــاره هتغلى بكره

وتقــــــــوله منين مفيش

وقنـــــــاة سويس جديدة

بوستـــــــــر ومعاه أفيش

وايــــــــراد هيغطى كُلفة

وإســـــــأل مهاب مميش

وهعمــــل طرق عشانكوا

من الزحمـة ما تشتكيش

ومليــــون وحدة راح أبنى

إعمـــــــــار إماراتى إيش

وكمــــــان هعمل مفاعل

للطـــــاقة من الحشيش

عشمان بحرير سيساوى

هيبـــــات وهدومة خيش

مع الإعتزار للفاجومى ورائعته عمار يا إسكندريه

أمطــــار يـــا إسكندريه
والعكـــــه هيـــه هيــه
وعـــد ومكتـــوب عليــا
لهنقلــــب سبـــــاكين
لهشمــــر رجلــى حبه
وأسلك بلاعــــه راكبــه
وهاتولى بسمـــه وهبه
تفـــــاجئنـــى بكلمتين
أمطــــارنا حاجـــه تانية
زعابيب وسيــول فثانية
وتعـــــــوم إسكنــدريه
فبحـــور و مجارى طين
وأمــــــــــا الوزير يصرح
صبــــرى بينفد ويطفح
عــــرص وقاعد مرحرح
والشعـــب المعكوكين
هيلا هيلا وهيلا بيلـــه
شايلين الهــــم شيله
وخيبيتنــا ياناس تقيله
والــــــــــوزرا مأنتخين

إشربلها حلبه يا برهامى

يونس مخيون
أمنجى مدهون
بزبيبه ودقون
ومعاه كام مرشد وحرامى
أفهم يا وديع
لحسن هنضيع
زحلقلى بديع
وإدخلى بياسر برهامى
كلها حسابات
فالإنتخابات
هات الشحات
ينزل ويبدل إكرامى
نادر بكار
مش إسم ده كار
عيل صرصار
وع الشاشه تشوفه ده إلزامى
طالبونا بشريعة
ومحاكمه سريعه
مليون تفريعه
تفتت فالصف الإسلامى
بشهادته الزور
بقى حزب النور
مثل كام دور
والشعب زهق مالأفلامى

إشربلها حلبه يابرهامى

مع الإعتزار لأوبريت سوا سوا

جـــــــاى بكرة حمــار جديد
نفــرح بيــــــه ويســرح بينا
يمــــــــلء الأرض بحـــــديد
تُــربه وكفن وين ما مشينا
بكــــرة نصحى من الأحلام
على عجـــز ودين يا سلام
يالـــــــــــه سوا سوا سوا
نلطــــــــــــم الخد بأيادينا

مين قـــــال أم الكـــــــون
راح تبقـــــــــى قد الكون
مين وعد بشبكة تغطينا
بطــــــرقها لوين ما نكون
دوريـات ويــــــــا الكماين
تصبــــــــح أمنة الطرقات
وفضــــــالهم رفح وسينا
وقتلنـــــا فى الخواجات

نقـــدر نفهــــــم فكر العرص
من لمبــه يحـــــــل الأزمات
وشبابنــــــا بجرجير وبخس
بعــــربية يلـــــــف محافظات
من غير علم ومن غير فهم
رقـــــوا حمار لرئيس أوطان
بدل الســــد هايبنوا سدود
والمصـــــــرى فرحان بوعود

برلمــــــانك يــــــــــــــا بلادى
فلــــــــــــــول ورجال للأعمال
دول هيبنوا مستقبل لولادى
زى حــــــــــاضرنا يا عبدالعال

يـــا بلدنـا يــــــا منحوسه
يـــا فقيــــــرة يا موكوسه
ليـــه الشعب يلبس خيار
ولجيشنا وقضائنا الكوسه
وأنا وأصحابى مســافرين
أحمد وعيسى وموسى
وإلــــــــــى الفيزا بتجيله
كـــــــل الشباب بيبوسه

شعب التهييس

شعب البلاليص

يرقص ويهيص 
مع أى رئيس 
وان حتى ماكلشى 
معاة ما تفرقشى 
الليله خميس
ونقول حريه
يقولوا عبودية
الحق يابوليس
وجميع وزارته
كدة زى حلاته
كتير قراطيس
المهم يكونوا
بولائهم نونوا
وينافقوا بyes
وفبرلماناته
يشتروا اصواته
بتموين ورخيص
وبعد ما صوت
ترقص وتزغرت
مع جوزها التيس
هنوا وباركولنا
فلول هيجولنا
نواب ورئيس

بكار

               مع الإعتزار لمحمد منير وأغنية بكار

من صغــره وصغـر سِنه
عــــــــارف بكــــرة إنـه
بالـــــدقن هيبقى سلفـى
ومفيش نقـاش يا حنفى
مناخيـر بلكيمى خالــوا
وأسـامة القوصى عموا
مخيـون بالكدب حصرى
وإرجع فكلام يــا قُصرى
تقاريــرة كتير كتير
فكــل إلى يحبهم
الامن الوطنى يأمر
بإشــــارة يلمهم
وموسيقى نشيد بلادى
مكنتش تهمهم
دستور أول وتانى
ودعايــــا وبرلمانِ
يا بلادى أنا إمتى هكبر
وبحــزب النور هسيطر
نـــــــادر بكار رسالتى
فعقول الشعب أطرطر

بمناسبة خطاب العرص فالأمم المتحدة إمبارح

أعلق يــــــــا عــرص بإيه
 والطبع فيــــــــك غالــب
الأقصى داســـه اليهـــود
ولا داينـــــه ولا شـــاجب
مش بـــس أســـدُ عَليه
لا فيـــه بيحــــــــــــــارب!
وإلـــــى يعـــارضه مُمَول
بأجندة يـــــــــا أجـــــانب
والشعب المغيب بطبعـــه
لاحس بيادة إلى غــالب
يفضـــل يطاطى ويطاطى
فالجحش يــركب وعاجب
بغباوة يمسك لجـــــــامه
وغمامه على كل حاجب
والطبــــــــل يدوى يبرطع
والــــزمر على كل جانب
حصانه فالـــــــوهم خانه
ورمـــــــــاه فالحلم قالب
مرصوص جنب إلى جاره
طـــــوبه فالحس سالب
بيشوف موت إلى حابه
وبــــــوده لحَمَاره حابب
يـا شعب حمير حصاوى
حاضـــــر هيقول لغايب
بكره السيسى هيطلع
هـــــــــوه وجولدا قرايب

الإسلام الوسطى الجميل

فى شرع مين
يـــــا معرضين
تبقـــى البنات
جنـــب البنين
خلـــوه شِمال
ديـــن اليمين
هسـأل سؤال
ويــــــرد مين
أزهــــــر بلدنا
وأوقــــافنا فين
غيــر فى شرعك
لــــــو مسلمين
وإن كنتوا كفره
أو ملـــــحدين
شريعتنا سمحه
والكُفــــــر دين
بس إلى يحكم
نقـــــــوله أمين

مصريتنا (مع الإعتزار لعبدالوهاب ومحمد ثروت)

مصــــــريتنـــــــــــا

خـــــــــــــربت بيتنا

وشعبنــــــــــــا تاه ..........أه وشعبنا تاه


غلــــــــــوا حياتنا

خـــدوا إلى حليتنا

وقلنـــــــــا الأه .......... أه وقلنــــا الأه

تحيا مصـــر يا نينا

لـــو هنمــوت كلينا

ممعهــــوش يدينـا

بس لجيشنــا معاه


يارب تـــــــاخد إيدنا

حضــــرتك تساعدنا

دعوة عــرص بلدنا

خلى بلدنا خُنه خنه

خُنةِ فى أرض الله


مصــــــريتنــا مغارة

وريـــاستها شتــاره

إدى لجيشنـا إشاره

يحمى الثورة كمان


وإلى خــــدوه أجدادنا

ناخدوا كمان ياولادنا

لــو هيزيد فى قيودنا

علشان قاضى بلدنا يعلى

يعلــى كمــان وكمان


مصريتنـــــــــا مَهـــانة

طبع أصيــــــــل جـوانا


سلطــــــــح ليــنا قفانا

على كـــــــل الأكمان


بنعــــــرف قيمة زاتنا

لو صُــــــــول بلدياتنا

بيمــــــــرمط كرامتنا

أى مــــــــــؤهل كان

أنا حران ومعلش يا عبدالحليم

مع الإعتزار لعبدالحليم ( بالأحضان)


أنا حـــران
أنا حـــران
أنا حـــران
تـــارا رارارا
أنا عــرقان
قــــــــرفان
مــــــدايق
أنا طهقان
تيــــرا رارا
فـــــــــى شــوارعِك مالحَر ولادك
يا بلدنا بتمــــــــــــــوت علشانك
كيناكومب مـــــــــا ينفع لفخادك
لازم تكييف يــــــــــــــــــــــا حران

الوهم المصرى

إنجــــــاز ورا إنجـــــاز
قنـــــــــواتنا بتقـولنا
والشعب شارب جاز
ولا حـد حاسس بنا

ده بختنـــــــــــا
مِحلب يحلبلنا
ويمـــص فدمنا
كلنـــــــــا كلنـا
محتـــاج الشعب لحقنه
مشـروع للـــوهم جديد
لو خدت فمليون سُكنه
فقنـاتنا هتـــاخدوا أكيد
والشعب فِــــــــرح بجدارة
ومخدش دهب يا خسارة
راح للــــــــــزعماء والقادة
والشعب إتشــــاله مرارة

عدى النهار 2015

شيلنـــــــــــــا الحمـــــار
والعربيه الجاهزة..تتعبى ورا.. فاكهه وخُضر
وعشان تبيــــع فالزحمه
شــــــــــــــــــــــــــــــــارك ف عربيتك نَــــفر
وشبـــابنا ع القهــــــوه بتندب حظها
سامعه الحوار وعيونها واسعه مبـرقا
ياهل ترى الشغل المتين
محتـــاج دراسة بالسنين
أبــــــــــوها دوله معرصين
أخــــرها رخصه وسواقين
يقدر يعــــــــوضنا إلى راح
أبـــــــــــو الفلاتر والحنين
أبداً أبداً
لا عمــــــرى أوافق ع القرار
ولا أحط نفسى بـدل حمار
ليه الى عَسكر ديباله دوب
وإلـــى تمدين لبس الخيار

مع الإعتزار للخال / عبدالرحمن الأبنودى

كلمة مصر

يا مصر وإن خيرونى ههج وأنسـاكى

مش لجــــل تتبسمى لازم أبـات باكى

تدينى بـــــس الخيار ولغيرى كنتاكى

بلدى ومالى إلا إنتى منيش فلسطينى

تهمــاه بفتح السجون ومطلعه عينى

الشرطة ويا القضاء بالزند تقاضينى

كُل الحلاوه يا شعب مصـــر بالكَاكىِ

كلاكيت تانى مرة ( لو كنا بنحبها) على طريقة تامر أمين وعمرو أديب

هو إيه الحكاية كل كلاب الإعلام عمالين يقولولنا إلى مش عاجبة ياخد باسبورة ويسافر أو يهاجر وحدود مصر مفيش أوسع منها....حد يقول لأبانا الذى فالمخابرات لما يوزع الإسكريبت يحاول يعمل فروق بين كل مزيع ومحطة والتانية عشان ماتبقاش مكشوفه قوى كدة... وكما قلت من قبل تعليقا على أغنية لو كنا بنحبها

كل الشبــاب هيسافر وهيهجر أرضها
كل العقــول النـــابغة أوروبــا تضمها
مصـــــــر إلى بتذلنا
حابسة الحياة فدمنا
نهـــرب منها بحياتنا
لـــــــــــــــــــــــــــــو كنــــــــــا بحبها

فالغـــربة وإنتــه بعيــد ليه تنسى عمايلها
تتعــــــب وتشقى أكيد وأوعى تانى تجيلها
دى علما من نبتها مساجين عشان رأيها
وكفاية بره يشوفوا العُهُر ده..... فى فنها

لــــــــــــو كنــا بنحبهــــــا نطلع على الحدود
حكــومتنــــا دى شعبهــا حبـــه قضاه وجنود
عايزه الشباب يولى و قيادات عواجيز تولى
وشعـــــــب فقير مدلى كـــــــــــرامتة بيذلها

لـــــو كنــــا بنحبهــــــــــا لازم نسيـب أمها
سيبهـــــــا لعبفتــــــاح فـى عيونه هيحطها
بس إبعت الحــــــوالات يا حلو بالدولارات
وأحنـــا ياننوس عيلتك فى عيونا هنحطها

أنا حقا أعترض

يا بلـــد الكيــــف والـــــرقاصه
يا شعــــب مفتـــح وخــلاصه
يا شعب بطبعــــه يحب الدين
وإن شـــــاع الكُفر يقوله أمين
بلد الفــــرعون وهامان لإتنين
والذل فطبعنــــــــــا ده وراثه
    فى بلاد الكيف والرقاصة
يا بلـــــــد الأزهــر والكاكولات
والديــن الوسطى فلإنتخابات
هتقولــى حجاب أو ملــتزمات
الشـرع فى حكمنا ده مياصه
    فى بلاد الكيف والرقاصة    
يا بلادى يا بلد الضيم والظلم
فين حــق شهيدك حق الدم
والقــــاتل عايش وخد الحكم
والمقتـــــول مدفون برصاصه
    فى بلاد الكيف والرقاصة
هتقولى شريف و عفيف ونضيف
يبقى تهـاجر يا تعيش هنا ضيف
ظاهر عـــــــــارض رأينا يا خفيف
ع الأسطــــــــح قاعدة القناصه
    فى بلاد الكيف والرقاصة
علشـــــان نعرف إيه الإسلام
لازم نســـــأل الشيخه إلهام
الفن رســــاله شفتوا الأفلام
العــرى فى رسالتنا سياسه
    فى بلاد الكيف والرقاصة
عبدالله يا بــــــــدر بجد حرام
كــــام واحد نام كام واحد قام
سنة شغل قليله حقك إعدام
ركب قــــــرنين عيش بحداثه
    فى بلاد الكيف والرقاصة
والقـــــدوة نشيلها بأستيكه
ونفبـــــــــــرك قصه وبوليكه
من فيـــــــن أموالك يا تريكه
ومبـــــــارك عاملوه كرياسه
    فى بلاد الكيف والرقاصة

إنتو مش عارفين .......ولا إيه!!؟

فــوضـونى فـــوضونى فــــوضونى
يأغلـــى عنــدى من نــــور عيونى
ولا تســـألونى ولا تحــــــاسبونى
أنــا مــــــاوعدتش وانتوا إخترتونى
لــــو فيها حساب ليه تستدعونى
كملت جميلــــــى ومحتاج إدونى
بجيلين هنضحــــى أعـــداد يا لمونِ 
قـــــد الدنيــــا دى يــــا مصر تكونى
كفتـــة عبعـــــاطى وشقق إماراتى
بـــس إنته تطاطـــى وتعيش مديونِ
ولإنــــك عـــارف وبعينــــــك شايف
هحـــفر ع النـــاشف بس إستنونى
ليــــه تقاسى النار قــــــاعد فالدار
إســــرح بخضـــــــار أوبيع بومبونى
وعبــــاس ده حكــــــايه بيعد معايا
بقـــوا كــــام حباية دة أكيد مجنونِ
فبــــــــــــلاد فقرانة محتاج لإعانة
شــــوفوا إيه ويانا يا رعاه ساندونى
تعا شرم الشيخ يــــا أمير ويا شيخ
رحنا المـــــــــــريخ ولبسنا صابونِ
والعــاصمة جديدة شوارعها فريدة
هـــــاديلكوا حديدة بس إفتكرونى

500 طن فوسفات فالنهر الخالد

فـــوسفات فالماية يا حضرات
ويــــــورانيوم جـــوا الشبكات
يا حلاوه الناوه كواناوه
يا بلادنا يـا أخر فتكات
بــوتيكات النات كونات
شبيك لبيك فتـــــح المنجــم
لبيــك شبيك الجيــــش عاين
إرجـــــــــــع للعرص أما إتكلم
عن رمـــــل وجبس بلا معادن
إشــــــــــرب وإتكرع يا مواطن
وإن مُت فداهية مفيش ضامن
مش عاجبك فالسجن مكانك
هتجــــــــــرش جنب البهوات
يا حلاوه الناوه كواناوه
يا بلادنا يـا أخر فتكات
بــوتيكات النات كونات
مين فينا ماصدقش السيسى
فـــــــــالعاصمة ورفع الأوطان
والشعـــــــب بدوره أخد فيها
زايـــــد مكتـــــــــوم و نهيان
إزاى مـــا هى كدبه ومفضوحه
على شعب كرامته ومسفوحه
مش عــــاجبك فطلع ع الدوحه
وتعـــــــــــــــارض جوا القنوات
يا حلاوه الناوه كواناوه
يا بلادنا يـا أخر فتكات
بــوتيكات النات كونات
هاتقولى الفقرا ومشاكلهم
دى بتــــاخد فالحل سنين
والحـــل أهو جاى لنا ربانى
نخلـــص من كل الجعانيين
طــــــرمخلنا هذا الموضوع
فالميديا ولا صوت مسموع
ووزيـــــــــر البيئة الجربوع
الماية زى الشربات

يا حلاوه الناوه كواناوه
يا بلادنا يـا أخر فتكات
بــوتيكات النات كونات

مع الإعتزار لهشام الجخ

أيوه فطير ... أيوه فطير
يعنى لا محشى ولا سمان
او فــــــــول تانى ولا بتنجان
بس فطير
ولى قالولك بطن الراجل ...سكة لقلبه سكه بطعم
خلق حمير
بطن الراجل إيوه مراحل... حبه بحبه بتصبح كرش
وإحنا صعايده ما بنفكرش
وكلنـــــــــا حامــــــــى.. ومشنا حامى ..وطبعنا حامى
وإلـــلى تخلــــــى صعيدى يتسوجلها.. يبقى يا غلبها
أصلنا ناس كده زى الطــــــــــــــوبه... بروس مقلــــــوبه
والنسوان فبلادنا جوارى... طب لو عندك جوز جلجاس
راح تكليهم كده يا إيناس
ولا هتطبخى فته عليهم.. لأجل الناس
يمكن حتى تقطعى ليهم جوز أناناس

عمار يا مصر

أيـــــــوة بجـــد يــا مصـر عمار
الأفكـــــــــــار دى بجـــد دمار
بعـــــد القعدة فبلدى ما طالت
بكــــرة أنا سـارح بقوطه وخيار
يالا يـــــــا مصرى بلاش تحتار
شهـــــــــــاداتك خبيها فالدار
وكفــــــائتك تظهر فى سواقة
والأســـــــــواق محتاجة أنفار
أحـــــــــــه بقولها بحرقه ونار
وإفتكــــــــــــــروها ليل ونهار
بكره دكاتــــره ملهاش شغلة
تقلــــــــــب تبقى صبى جزار
مصـــــــــــــــر بلدنا أم الدنيا
بكـــــرة ريحتها هتبقى خضار

مرثية حُب

عجبـاً للموتِ بأوطانى

مـــازال يُقلـبُ أحزانى

شيمـــــاءُ ُ تلقاه بوردِ

والجُند بنصب الأكمانِ

وصبـــــيُ يلقاه غريقاً

وفتــــاةُ تحت القضبانِ

ورجــــــالُ يَلقَوهُ بحبلِ

مــــربوطُ ُ حول الأذقانِ

ونساؤك ياوطنى ثكلى

وشبــابك رهن الإدمانِ

يـا وطنـــاً عشتُ أغازلهُ

وأضــاع العُمر بحرمانى

ووهبتـــك أملاً يحدونى

فرجعتُ ببئسِ أشقانى

عــــــذرا لحبيبِ أهجوه

قد مات الحُبُ بشريانى

أبو كريم الساعة 22:06 يوم 31/1/2015

بعتي يا مصر الشرفا بكام ( مع الإعتزار للشاعر صلاح عبدالله)

أدي رقـــاصــــة ودي ركــــلام
بعتــــي يـــا مصر الشرفا بكام
أصل مـواهبـــك فجـــــأة تضيع
هـــزي يا دينا وأرقص يا حسام
القتــــل مــــن الظـــابط غلطة
أمــــــــــــا من المظلوم إعدام
بعتــي يـــــا مصر الشرفا بكام
مـــــواهبنا فالــرقص شـديدة
إتعــــــــري وإرقصي يا فريدة
وإن مــوتي هتموتي شهيدة
فتــــــــوي فــإيدك إنتي تمام
اه يا بلد ماشية مع الماشي
وبكــــــــــرباج بتجر مواشي
بس إنتــه تعشي الإبراشي
وتقــــــــــــــرب حبة الإعلام
بعتــــي يا مصر الشرفا بكام

إنتحار شاب في العاشر من رمضان

مهمـا كات العيشه مُره
مهمـا كان الحـظ عاسر
لـــو ملكشي فيزا حُره
أو قدرت فيــــوم تهاجر
تكتئــــب 100 الف مَره
إجتهد جــــــــرب وعافر
أملي الحياة أمل فبكره
بس إوعي تسيبها كافر

إهداء لكريم عشان زعلان اني ما كتبتلوش زي ريم

وبقـــــول يـــــا كريم إياك تزعل
لـــو بــابـــا غيـــــابة فيوم طول
يـــــا حبيبي ففرحي إنته الأول
وميـــــلادك كان يوم فرحتنا
يــــــــــا كريم بنحبك من يومك
ضحكك ضحكي وهمي همومك
ناجـــــــــــــح وإيه ملو هدومك
دايمــا كدة معلي سيرتنا
يا كريم يا كركر يا سي كوكو
الـــــــــــراجل راجل بسلوكُو
وأبــــوك مالوش فالأفلامانات
ولاعمــــره دهن الهوا دوكوا
دغــري وخلي كلامك صدق
وإوعـــي تخاف من قولة لاء
الحُر مـــــــوتوا وقولة الحق
والعبد عـــــــايش بسكوتوا
يا كريم كريم ترعاة وتصون
وكـــــــل عيل مهما يكون
ده العمر أصلا مش مضمون
وإنته إلـــي عالم بحالتنا

إلي ريم

أجمل ما شفت أنـــــــــا بعنيه
يــا ريــــــــم يـا بنتي يا روميه
يــــــــا أحلي من كل الحلوات
يـــــــــا قمــــــــر منور ليالية
بلقــــــي فعنيكي بريق مني
مشبعــــــــش فيهم ملاغيه
ولا الخدود دي يا ناس شربات
100 بوسة مــــــايكفوش لية
لمـــــا تقــــول بابا وماما
قلبـي يــــرفرف مالفرحة
ويدعي 100 الف سلامه
لو مــــرة شِرقت فالكحة
وبدعي لأمي وأقول ياما
تعبت عشان نبقي بصحه
وأبـــــــويا يشفية ويعينه
عشـــانا ياما كتير ضحي
يالي معاك فالبيت أولاد
دي نعمة إوعي تضيعها

نعمة أوعي تضيعها

عجبي

كـــداب والكــــل عـــارف
بـــس مصهيـــن وخـايف
ليــــروح زي إلـــي راحوا
فإرهاب علي حفر ناشف

إعــــــلام بالكدب شايف
بكـــــــلام بالصدق زايف
وإلـــــــــي عايز لسـانهُ
يُعقد فـــــوقه الشفايف

على إسم مصر

مع الإعتزار لعمنا صلاح جاهين 

على إسم مصر المُــزيع يقدر يقول ما شاء
ماهى مصر أصــلا ويسِيه ومغيره الأسماء
يحكمهــــــا نـــاصر تِشَرَق
لسـاداتها تِحــــــود غــرب
ومبـــــارك خد إلى حيلتها
من غيــــــر عَمار ولا حرب
تخلصلهــــــــــا بحــــــــــــب تدرس فى ألفُُ باء
يخــــرطشوك يــــــــا حيلتها تبقى من السجناء
أسيبهـــــــا وأطفش فى درب وتبقى هى فدرب
ولمــــــــا تقع مـــــاتلاقيش غيرى جنبها فالكَرب
والعدل يجى وزيره يقولى لافى معتقل ولا ضرب
مصر العيال فالإشارة وبياعين الفل
وبهيجى ع القهـــوة بكرتونته يطل
ألاقى السبكى بيشَخَر لنا فالبيت
وسى تـــامر ساكت عَمِلى عبيط
فيها لاميس ساحبة البساط مالكل
وجــــــوزها بقرونه إلى شربوا الذل
ومصر فوق فالفراندة وأسمها كُوتَه ( فى فيلم بوحه)
والشعب بوحة متمرمط فميت حِته

مع الإعتزار لمحمد ثروت (عاشت بلادنا)

            مع الإعتزار لمحمد ثروت

عاشت بــــلادنا 
عاشت تحـــرق فولادنا
وولاد ولاد ولادنا 
لحد أخـــــــر الزمان
داســــت ولادنا 
قطورات عملاها جدودنا
وباصات فيها تلاميذنا
يمــوتوا قبل الأوان
عاشت للــــى حاميها  ..عـــــزبه يبرطع فيها
زى ماهى إديتله عنيها .. بدمع الحرقه كاويها
ومهجر سكانها وحالف .. لسينــــــــا يفضيها

مصر إلـــى مدواقانا
الــذل فوق المهانه
هتموت أخرك معانا
تعويض يجيب كوافيل

خليتنى أقــول لعصرى
لــــو ماإتــولدت مصرى
كنت أدفــع نص عُمرى
وأشوفلى بره كفيل

ده لــولاها لثكاناته الجيش
فالجامعة بقى بياكل عيش
والظـــــابط منفوش الريش
بيحرز توكه ومناديل

والحــــاضر بزمان موصول
الــــــريس دايما مشغول
لو عيل مات مش مسئول
الوزرا هما الدلاديل

مع الإعتزار لمدحت بيه صالح

ولا تســــوى تلوع
وعيشه فقر وجوع
إبعد عن مصـــر كدة وناسها
طــــب ليـــه تحتار
ده خروف ده حمـار
ماتسيبوا الكُرسى لحُراسها

يــــــــا سلام ع المحظوظ مِنينا
تأشيرتة أهى جت من وسطينا
هيهـــــــــــاجر بكرة على كندا
ولا عُمـــــــــــــــره يِعَبر أهالينا

يــــا حسرة إية إلى حيلتنا
غير ماضى نقوله فحواديتنا
أما الحاضــــــر غايب ضايع
والمستقبـــــــل زى ليلتنا

يا سلام يا شباب لو أراضينا
فالــــــدلتا والوادى و سينا
ياخــــدوها شبابنا يعمرها
نـــــــــزرع ناكل من أيادينا

لو كنا بنحبها بالطريقة الأبو كريميه

كل الشباب بيهاجر وبيترك أرضها
كل العقــول النابغة أوروبا تضمها
مصـــــــر إلى بتذلنا
حابسة الحياة فدمنا
نهـــرب منها بحياتنا
لـــــــــــــــــــــــــــــو كنا بحبها

فــالغــربه وإحنا بعيد
بننســــى عمــايلها
نعـــرق ونبنــى أكيد
مش ليهـا ده لغيرها
والسيسى بيحكهـا
وفلوسنــــــا بيلمها
عايز الحق بجد يا CC
يك كســـــر حُقَهـاَ

لـــــو حلمنا حِلمها
طلبـــة فعُمر الورود
مــا تحبسيش رأينا
وراء قضبان وسدود
خلى الشباب يعلى
وشيوخنا بيهم تصلى
وعيون صاحية تخلى
بالها مـــــــن أرضها

معارضتى لمحمد الحلو فى أغنية يابوى يا مصر

الأغنية الأصلية

يابوى يابوى يامصر أما الواحد بيسافر الغرب
منين مـاراح الناس عايشة حياتهم مالقلب
يستجــرى ميـن الى يزايد 
حـب الوطن فى دما الواحد
عايشين عبيد ويقولوا جاحد لو شعبنا هَب
يا بووووووى
انا واخده من ساسى لراسى
قــــــــاعد بجز على ضراسى
وزى زى بقيت ناسى.... لابسينة بالحُب!!
يا بوووووووى
قطر الحياة بيجرى بيجرى
وشبـــابنا هاجر من بدرى
وأنـــا مستعد أدفع عمرى وكرامتى تشب
يا بووووووووى
وعهد ربنـــا يـــــا بهية
أرواح شبابك دى هديه
طول مالى مات ملهوش ديه ..هتعيشى فكرب
يا بووووووى

مع الإعتزار لرائعة فؤاد نجم والشيخ إمام ( الفول واللحمة)

فى إنتخابات حمدين والسيسى
صـــرح مصـــــــدر قال مسئول
إن الجــــــــــــــو مــــــولع جدا
والأرصــــاد هــــــــى إلى تقول
إن الشعـــب المصرى خصوصا
فالضهــــــــريه ينـــام على طول
والصبحيــــــــــة مزاجه مقريف
مالطعميـــــــــــة وأكل الفول
ياخـــــدوا أجازة عشان ينتخبوا
يجيب بطيخــــــة ويصبخ غول
جبنة قديمــــــــــة ويقعد يعلف
يشبــــــــع يتقل يبقى مهول
يطـــــرى ببسى فإيدة ريموته
يسمـــــع طنط لميس بتقول
إنتخــــــــــاباتنا لجانها كثيفه
إنــــــــــزل صوت شارك دُول
ولا أشغل بالى فوسط عيالى
اليـوم ده أجازة فى حد يطول

ثم أضــــــاف الأستـــاذ خيرى
إن الشعـــب لازملـــــــه وعيد
متعود علـــــــى ملـــى المعدة
ومـــرحـــــرح فالبيت ده أكيد
والـــى مقــــاطع عندة غرامة
وفـــــــــــإيدة كلبشــــاته حديد
وإلـــــــــــى مراتة بتولد تولد
أوعــــى ده صوتك والله مفيد
والسيسى ده رئيسكوا رئيسكوا
وإنتخاباتنا يــــادوب تقــــــاليد

أعطنى الوِرك وهَوى

مع الإعتزار للسيدة فيروز ورائعتها أعطنى الناى وغنى

إهداء خاص / Alaa Mahmoud , Mohamed Abozaid

أعطنى الـورك وهوى
فالشوا أصـــل المزاج
وأريــــج الشوى يبقى
بعد أن يفنـــى الدجاج
هل إخذت الفول مثلى
مـــــأكلا دون الطيور
لمــــا تقعد أعذبانجى
أكل المطاعم ده يغور
هل تغــديت بمحشى
ولســــــاناً للعصفور
وشربت الكوكا كنزا
أو كوكتيلا أو عصير
هل جلست العصر مثلى
لائصا من التعب
ذاك فيتراكُ وهذا
بيض يا سالمون فالعِلب
هل فرشت العَيشَ جُبنا
وتلهفت الحٍساء
ذاكرا أمساً قريباً
من صحونٍ وطباق
طب عينولى بس وركاً
وأكتبولى فى رثاء
قد أكلنا وشبعنا
أما هذا ل بهاء 

ال... العربى

أجيـــــال ورا أجيال
عــــايشين عبيد كلنا
وإلــــى بننتخبة اليوم
لابسينة طول عمرنا
ده بختنــــــا
طول عمرنا
المنوفية تزلنا
كلنـــــــا كلنا
جــــايز كلام الليل مدهون بثورة إنما
يطلع نهارنا يسيح مانلاقى غير مكلما
ده حظنا
طول عمرنا
الميرى يضمنا
كلنا كلنا
الحُكــــم ماهو مستحيل
مادام للميرى أهو راح
من غير إشارات ودليل
أكيد لعبفتــــــــــــــــاح

قــــول إنتــــة ياواد يـا فكيك
من عينـة بنــــوره هـــــاديك
حـــــــاول فكـــــر وبتوصل
السيسى؟؟  الله ينورها عليك

عـــرف عيالك من يكون
بص لعيــــــونة وإنجذب
وإبعد مراتك ع التلفزيون
لـــو زاعله كلمة بالأدب

إتحـــــــدى اوباما وتمرد
مطمعــــــــش بحكم يزيد
وده مهما فحكمــة أتنمرد
شعبنــــا طول عمره عبيد

محتـــــــاجة بلدنا ليه هوه
علشـــــان دى بإسمة يابيه
مخطـــــــوطة وفتوه بقوه
علمــــــاء وشيوخ مواليه

والــــرقة فصوتة إشارة
والحــــــدة فطبعه أمارة
بيرهب يـــرعب وبيوعد
حسب الجمهور يا منارة

من أى مكان فالأرض
 بالعيــن والره والصاد
بيــــــزيد هشتاج العالم
بالنــــــــــــت وبالأيباد

أطفـــــالنا فكل مكان
فالمتــرو وعالجدران
كاتبين راسمين للعالم
رسالتنــــا فكل زمان

الهلالى

الإسم سعد ومقامه عالى
والنقب سبع فالدين هلالى
بالشرع عارف أشكيله حالى
يدينى فتوه متجيش فبالى
رقاصة ماتت والشغل غالى
أكيد شهيدة ياقوت عيالى
خد بق بيرة مزمز تلالى
حاسب لتسكر ليبوظ حلالى
يا شيوخ بلادنا ياقرع عالى
الكرسى زايل والحُكم بالى

ربى العيال

بسم المشـــــى جنب الحيط والخوف ع العيال
بسم كـل سبـــــع إتخرس وبلع لسانة وما قال
بسم التطبيل للــــى راكب وحرامه أصبح حلال
بسم الشيوخ إلــــــــى أفتت، خلت زنوبنا تلال
بسم الإعلام الحيادى لــو ماشيه أصبح شمال
بسم القضاء إلى شامخ وميزان بلدنا الى مـال
بسم الشرطة الشريفة لا رصاص ولا غاز يا خال
بسم الصحافة إلى كاشفة الفوله ف100 مجال
بسم أمريكا إلى خايفة من عواطف من نــــوال
بسم كل شهيد يا بلدى مات ودمه فداكى سال
عمرى ما هنسى حقه أبدا لو الجنية أصبح ريال

أم الدنيا قد الدنيا

إهداء منى ل50 الى ماتوا إمبارحيارب تعجبكوا / أبو كريم

أم الدنيـــــا بتنســـى فثانية
فيــــوم كـــرامتها إتباع النصر
أصل السيسى عايزها تكيه
شعـــب فحفله وشعب فقبر

يامــــا شباب فالثورة حَمتها
يــــاما شيوخ هـانت كرامتها
وإلى مامتش فعهد العادلى
جالـــــه العسكر يخرب بيتها

مصــــــــــر العسكر رفعوا الراية
حكمنا ماشى ملوهش نهاية
موت ثــــــوارها بإيد عسكرها
مش نهايتهــــا دى بس بداية

الحـــرية دى فين أراضيها
عشت ياعالم بحلم بيها
أم الدنيا ده ماضى وعدى
أم الحــــــاضر غايب فيها؟

مهما يكون التمن الصعب
قتلى وجرحى كأنا فحرب
ينزل شعب يفوض جيش
ينزل جيش ويموت شعب

وقـــــــت أدان المغرب راجع
من طول الصوم مفرفر واقع
ألاقى شارعنا سُكتم بكتم
أصل النــــــور متهبب قاطع

مصر حكايتك إية يا حبيبة
فـــــــــاكرة ولادك أم زبيبة
ولا العسكر ويــــــا أقباطك
همــا حلالك وإحنا العِيبه؟

هى دى مصر إلى بنعرفها؟
يســرا وإلهام هما شَرفها!
ولا حدش يقدر يســـألهم
كــــــام واحد بالفن زرفها :)

أم الدنيــــــــا أمــــــــا بتتكلم
أسمــــــــع للشعراوى وتعلم
ولا زويــــــــــل وشباب ثورتها
مين غيــــــــرهم بيهم تتقدم

هى دى مصر إلى بنعشقها
ولا عمــــــــــرك تفرح لفراقها
جيشها حاميها معلى رايتها
شعبها راضـــــــى بمُر عَرقها

الشريعة الإسلامية على الطريقة الإلهامية

إســــلام إلهــــــام هــــو الإســــــــلام
لا صــــلاه ولا صــــــــوم ولا حتى قيام
إتعــــــرى وبــــوس وإدينـــــــى فلوس
مش جـــــــوزى ديوث! أنا ممكن أنام
تلــــــــويلى البـــوز ! فالشــــرع يجوز
تمثيل يـــا خـــــــروف ماتقولش حرام
لية قَصـرتوا الـــدين فشمــــال ويمين
شعبنـــــــا مساكين محتــــــاج أفلام
الفيلم الـــــــواحد يهــــدى 100 واحد
مــن غير لا خُطب ولا حتــــــــى كلام
الفن ده مُتعه مــــــــن سته ل تسعه
شوف سوق المتُعه وإدعيلى يا مدام

السيسى ولجنة الخمسين حرامى

                                            مع الإعتزار لأغنية / الأقصر بلدنا
                                               

دُستور بلدنا فى داهية وراح
يــــا شعب نايم قوم صحصح
لجنـــــــــــــــــةِ أرايل عبفتاح
بمصيـــــــــــــــــر ولادك بدبح
فى دستور بلادنا

علــى رأسها اتعين أُسطى
مخمــور تملى من البَسطة
بسيجارهُ لينا ..ايــــــــو الله
مرسوم علينا..صحيح والله
مش بإنتخاب! لاء بالواسطه!
هنشوف بلدنا ياعبفتاح
ومهما توعد وتزور.. سارقين بلدنا

دُستور بلدنا فى داهية وراح
يــــا شعب نايم قوم صحصح
لجنـــــــــــــــــةِ أرايل عبفتاح
بمصيـــــــــــــــــر ولادك بدبح

دستور بلدنا بقى ورطة
لفوه فملاية من الغلطة
شايفين عجولها ..أيوا الله
خِيــــــرة عقولها .. أيو الله
زى الكلاب حوالين قُطة
والشمس تطلع كل صباح
على مصرى تانى بيتريح
فى إقسام بلدنا