بعتي يا مصر الشرفا بكام ( مع الإعتزار للشاعر صلاح عبدالله)

أدي رقـــاصــــة ودي ركــــلام
بعتــــي يـــا مصر الشرفا بكام
أصل مـواهبـــك فجـــــأة تضيع
هـــزي يا دينا وأرقص يا حسام
القتــــل مــــن الظـــابط غلطة
أمــــــــــــا من المظلوم إعدام
بعتــي يـــــا مصر الشرفا بكام
مـــــواهبنا فالــرقص شـديدة
إتعــــــــري وإرقصي يا فريدة
وإن مــوتي هتموتي شهيدة
فتــــــــوي فــإيدك إنتي تمام
اه يا بلد ماشية مع الماشي
وبكــــــــــرباج بتجر مواشي
بس إنتــه تعشي الإبراشي
وتقــــــــــــــرب حبة الإعلام
بعتــــي يا مصر الشرفا بكام

إنتحار شاب في العاشر من رمضان

مهمـا كات العيشه مُره
مهمـا كان الحـظ عاسر
لـــو ملكشي فيزا حُره
أو قدرت فيــــوم تهاجر
تكتئــــب 100 الف مَره
إجتهد جــــــــرب وعافر
أملي الحياة أمل فبكره
بس إوعي تسيبها كافر

إهداء لكريم عشان زعلان اني ما كتبتلوش زي ريم

وبقـــــول يـــــا كريم إياك تزعل
لـــو بــابـــا غيـــــابة فيوم طول
يـــــا حبيبي ففرحي إنته الأول
وميـــــلادك كان يوم فرحتنا
يــــــــــا كريم بنحبك من يومك
ضحكك ضحكي وهمي همومك
ناجـــــــــــــح وإيه ملو هدومك
دايمــا كدة معلي سيرتنا
يا كريم يا كركر يا سي كوكو
الـــــــــــراجل راجل بسلوكُو
وأبــــوك مالوش فالأفلامانات
ولاعمــــره دهن الهوا دوكوا
دغــري وخلي كلامك صدق
وإوعـــي تخاف من قولة لاء
الحُر مـــــــوتوا وقولة الحق
والعبد عـــــــايش بسكوتوا
يا كريم كريم ترعاة وتصون
وكـــــــل عيل مهما يكون
ده العمر أصلا مش مضمون
وإنته إلـــي عالم بحالتنا

إلي ريم

أجمل ما شفت أنـــــــــا بعنيه
يــا ريــــــــم يـا بنتي يا روميه
يــــــــا أحلي من كل الحلوات
يـــــــــا قمــــــــر منور ليالية
بلقــــــي فعنيكي بريق مني
مشبعــــــــش فيهم ملاغيه
ولا الخدود دي يا ناس شربات
100 بوسة مــــــايكفوش لية
لمـــــا تقــــول بابا وماما
قلبـي يــــرفرف مالفرحة
ويدعي 100 الف سلامه
لو مــــرة شِرقت فالكحة
وبدعي لأمي وأقول ياما
تعبت عشان نبقي بصحه
وأبـــــــويا يشفية ويعينه
عشـــانا ياما كتير ضحي
يالي معاك فالبيت أولاد
دي نعمة إوعي تضيعها

نعمة أوعي تضيعها

عجبي

كـــداب والكــــل عـــارف
بـــس مصهيـــن وخـايف
ليــــروح زي إلـــي راحوا
فإرهاب علي حفر ناشف

إعــــــلام بالكدب شايف
بكـــــــلام بالصدق زايف
وإلـــــــــي عايز لسـانهُ
يُعقد فـــــوقه الشفايف

على إسم مصر

مع الإعتزار لعمنا صلاح جاهين 

على إسم مصر المُــزيع يقدر يقول ما شاء
ماهى مصر أصــلا ويسِيه ومغيره الأسماء
يحكمهــــــا نـــاصر تِشَرَق
لسـاداتها تِحــــــود غــرب
ومبـــــارك خد إلى حيلتها
من غيــــــر عَمار ولا حرب
تخلصلهــــــــــا بحــــــــــــب تدرس فى ألفُُ باء
يخــــرطشوك يــــــــا حيلتها تبقى من السجناء
أسيبهـــــــا وأطفش فى درب وتبقى هى فدرب
ولمــــــــا تقع مـــــاتلاقيش غيرى جنبها فالكَرب
والعدل يجى وزيره يقولى لافى معتقل ولا ضرب
مصر العيال فالإشارة وبياعين الفل
وبهيجى ع القهـــوة بكرتونته يطل
ألاقى السبكى بيشَخَر لنا فالبيت
وسى تـــامر ساكت عَمِلى عبيط
فيها لاميس ساحبة البساط مالكل
وجــــــوزها بقرونه إلى شربوا الذل
ومصر فوق فالفراندة وأسمها كُوتَه ( فى فيلم بوحه)
والشعب بوحة متمرمط فميت حِته

مع الإعتزار لمحمد ثروت (عاشت بلادنا)

            مع الإعتزار لمحمد ثروت

عاشت بــــلادنا 
عاشت تحـــرق فولادنا
وولاد ولاد ولادنا 
لحد أخـــــــر الزمان
داســــت ولادنا 
قطورات عملاها جدودنا
وباصات فيها تلاميذنا
يمــوتوا قبل الأوان
عاشت للــــى حاميها  ..عـــــزبه يبرطع فيها
زى ماهى إديتله عنيها .. بدمع الحرقه كاويها
ومهجر سكانها وحالف .. لسينــــــــا يفضيها

مصر إلـــى مدواقانا
الــذل فوق المهانه
هتموت أخرك معانا
تعويض يجيب كوافيل

خليتنى أقــول لعصرى
لــــو ماإتــولدت مصرى
كنت أدفــع نص عُمرى
وأشوفلى بره كفيل

ده لــولاها لثكاناته الجيش
فالجامعة بقى بياكل عيش
والظـــــابط منفوش الريش
بيحرز توكه ومناديل

والحــــاضر بزمان موصول
الــــــريس دايما مشغول
لو عيل مات مش مسئول
الوزرا هما الدلاديل

مع الإعتزار لمدحت بيه صالح

ولا تســــوى تلوع
وعيشه فقر وجوع
إبعد عن مصـــر كدة وناسها
طــــب ليـــه تحتار
ده خروف ده حمـار
ماتسيبوا الكُرسى لحُراسها

يــــــــا سلام ع المحظوظ مِنينا
تأشيرتة أهى جت من وسطينا
هيهـــــــــــاجر بكرة على كندا
ولا عُمـــــــــــــــره يِعَبر أهالينا

يــــا حسرة إية إلى حيلتنا
غير ماضى نقوله فحواديتنا
أما الحاضــــــر غايب ضايع
والمستقبـــــــل زى ليلتنا

يا سلام يا شباب لو أراضينا
فالــــــدلتا والوادى و سينا
ياخــــدوها شبابنا يعمرها
نـــــــــزرع ناكل من أيادينا

لو كنا بنحبها بالطريقة الأبو كريميه

كل الشباب بيهاجر وبيترك أرضها
كل العقــول النابغة أوروبا تضمها
مصـــــــر إلى بتذلنا
حابسة الحياة فدمنا
نهـــرب منها بحياتنا
لـــــــــــــــــــــــــــــو كنا بحبها

فــالغــربه وإحنا بعيد
بننســــى عمــايلها
نعـــرق ونبنــى أكيد
مش ليهـا ده لغيرها
والسيسى بيحكهـا
وفلوسنــــــا بيلمها
عايز الحق بجد يا CC
يك كســـــر حُقَهـاَ

لـــــو حلمنا حِلمها
طلبـــة فعُمر الورود
مــا تحبسيش رأينا
وراء قضبان وسدود
خلى الشباب يعلى
وشيوخنا بيهم تصلى
وعيون صاحية تخلى
بالها مـــــــن أرضها

معارضتى لمحمد الحلو فى أغنية يابوى يا مصر

الأغنية الأصلية

يابوى يابوى يامصر أما الواحد بيسافر الغرب
منين مـاراح الناس عايشة حياتهم مالقلب
يستجــرى ميـن الى يزايد 
حـب الوطن فى دما الواحد
عايشين عبيد ويقولوا جاحد لو شعبنا هَب
يا بووووووى
انا واخده من ساسى لراسى
قــــــــاعد بجز على ضراسى
وزى زى بقيت ناسى.... لابسينة بالحُب!!
يا بوووووووى
قطر الحياة بيجرى بيجرى
وشبـــابنا هاجر من بدرى
وأنـــا مستعد أدفع عمرى وكرامتى تشب
يا بووووووووى
وعهد ربنـــا يـــــا بهية
أرواح شبابك دى هديه
طول مالى مات ملهوش ديه ..هتعيشى فكرب
يا بووووووى

مع الإعتزار لرائعة فؤاد نجم والشيخ إمام ( الفول واللحمة)

فى إنتخابات حمدين والسيسى
صـــرح مصـــــــدر قال مسئول
إن الجــــــــــــــو مــــــولع جدا
والأرصــــاد هــــــــى إلى تقول
إن الشعـــب المصرى خصوصا
فالضهــــــــريه ينـــام على طول
والصبحيــــــــــة مزاجه مقريف
مالطعميـــــــــــة وأكل الفول
ياخـــــدوا أجازة عشان ينتخبوا
يجيب بطيخــــــة ويصبخ غول
جبنة قديمــــــــــة ويقعد يعلف
يشبــــــــع يتقل يبقى مهول
يطـــــرى ببسى فإيدة ريموته
يسمـــــع طنط لميس بتقول
إنتخــــــــــاباتنا لجانها كثيفه
إنــــــــــزل صوت شارك دُول
ولا أشغل بالى فوسط عيالى
اليـوم ده أجازة فى حد يطول

ثم أضــــــاف الأستـــاذ خيرى
إن الشعـــب لازملـــــــه وعيد
متعود علـــــــى ملـــى المعدة
ومـــرحـــــرح فالبيت ده أكيد
والـــى مقــــاطع عندة غرامة
وفـــــــــــإيدة كلبشــــاته حديد
وإلـــــــــــى مراتة بتولد تولد
أوعــــى ده صوتك والله مفيد
والسيسى ده رئيسكوا رئيسكوا
وإنتخاباتنا يــــادوب تقــــــاليد

أعطنى الوِرك وهَوى

مع الإعتزار للسيدة فيروز ورائعتها أعطنى الناى وغنى

إهداء خاص / Alaa Mahmoud , Mohamed Abozaid

أعطنى الـورك وهوى
فالشوا أصـــل المزاج
وأريــــج الشوى يبقى
بعد أن يفنـــى الدجاج
هل إخذت الفول مثلى
مـــــأكلا دون الطيور
لمــــا تقعد أعذبانجى
أكل المطاعم ده يغور
هل تغــديت بمحشى
ولســــــاناً للعصفور
وشربت الكوكا كنزا
أو كوكتيلا أو عصير
هل جلست العصر مثلى
لائصا من التعب
ذاك فيتراكُ وهذا
بيض يا سالمون فالعِلب
هل فرشت العَيشَ جُبنا
وتلهفت الحٍساء
ذاكرا أمساً قريباً
من صحونٍ وطباق
طب عينولى بس وركاً
وأكتبولى فى رثاء
قد أكلنا وشبعنا
أما هذا ل بهاء 

ال... العربى

أجيـــــال ورا أجيال
عــــايشين عبيد كلنا
وإلــــى بننتخبة اليوم
لابسينة طول عمرنا
ده بختنــــــا
طول عمرنا
المنوفية تزلنا
كلنـــــــا كلنا
جــــايز كلام الليل مدهون بثورة إنما
يطلع نهارنا يسيح مانلاقى غير مكلما
ده حظنا
طول عمرنا
الميرى يضمنا
كلنا كلنا
الحُكــــم ماهو مستحيل
مادام للميرى أهو راح
من غير إشارات ودليل
أكيد لعبفتــــــــــــــــاح

قــــول إنتــــة ياواد يـا فكيك
من عينـة بنــــوره هـــــاديك
حـــــــاول فكـــــر وبتوصل
السيسى؟؟  الله ينورها عليك

عـــرف عيالك من يكون
بص لعيــــــونة وإنجذب
وإبعد مراتك ع التلفزيون
لـــو زاعله كلمة بالأدب

إتحـــــــدى اوباما وتمرد
مطمعــــــــش بحكم يزيد
وده مهما فحكمــة أتنمرد
شعبنــــا طول عمره عبيد

محتـــــــاجة بلدنا ليه هوه
علشـــــان دى بإسمة يابيه
مخطـــــــوطة وفتوه بقوه
علمــــــاء وشيوخ مواليه

والــــرقة فصوتة إشارة
والحــــــدة فطبعه أمارة
بيرهب يـــرعب وبيوعد
حسب الجمهور يا منارة

من أى مكان فالأرض
 بالعيــن والره والصاد
بيــــــزيد هشتاج العالم
بالنــــــــــــت وبالأيباد

أطفـــــالنا فكل مكان
فالمتــرو وعالجدران
كاتبين راسمين للعالم
رسالتنــــا فكل زمان

الهلالى

الإسم سعد ومقامه عالى
والنقب سبع فالدين هلالى
بالشرع عارف أشكيله حالى
يدينى فتوه متجيش فبالى
رقاصة ماتت والشغل غالى
أكيد شهيدة ياقوت عيالى
خد بق بيرة مزمز تلالى
حاسب لتسكر ليبوظ حلالى
يا شيوخ بلادنا ياقرع عالى
الكرسى زايل والحُكم بالى

ربى العيال

بسم المشـــــى جنب الحيط والخوف ع العيال
بسم كـل سبـــــع إتخرس وبلع لسانة وما قال
بسم التطبيل للــــى راكب وحرامه أصبح حلال
بسم الشيوخ إلــــــــى أفتت، خلت زنوبنا تلال
بسم الإعلام الحيادى لــو ماشيه أصبح شمال
بسم القضاء إلى شامخ وميزان بلدنا الى مـال
بسم الشرطة الشريفة لا رصاص ولا غاز يا خال
بسم الصحافة إلى كاشفة الفوله ف100 مجال
بسم أمريكا إلى خايفة من عواطف من نــــوال
بسم كل شهيد يا بلدى مات ودمه فداكى سال
عمرى ما هنسى حقه أبدا لو الجنية أصبح ريال

أم الدنيا قد الدنيا

إهداء منى ل50 الى ماتوا إمبارحيارب تعجبكوا / أبو كريم

أم الدنيـــــا بتنســـى فثانية
فيــــوم كـــرامتها إتباع النصر
أصل السيسى عايزها تكيه
شعـــب فحفله وشعب فقبر

يامــــا شباب فالثورة حَمتها
يــــاما شيوخ هـانت كرامتها
وإلى مامتش فعهد العادلى
جالـــــه العسكر يخرب بيتها

مصــــــــــر العسكر رفعوا الراية
حكمنا ماشى ملوهش نهاية
موت ثــــــوارها بإيد عسكرها
مش نهايتهــــا دى بس بداية

الحـــرية دى فين أراضيها
عشت ياعالم بحلم بيها
أم الدنيا ده ماضى وعدى
أم الحــــــاضر غايب فيها؟

مهما يكون التمن الصعب
قتلى وجرحى كأنا فحرب
ينزل شعب يفوض جيش
ينزل جيش ويموت شعب

وقـــــــت أدان المغرب راجع
من طول الصوم مفرفر واقع
ألاقى شارعنا سُكتم بكتم
أصل النــــــور متهبب قاطع

مصر حكايتك إية يا حبيبة
فـــــــــاكرة ولادك أم زبيبة
ولا العسكر ويــــــا أقباطك
همــا حلالك وإحنا العِيبه؟

هى دى مصر إلى بنعرفها؟
يســرا وإلهام هما شَرفها!
ولا حدش يقدر يســـألهم
كــــــام واحد بالفن زرفها :)

أم الدنيــــــــا أمــــــــا بتتكلم
أسمــــــــع للشعراوى وتعلم
ولا زويــــــــــل وشباب ثورتها
مين غيــــــــرهم بيهم تتقدم

هى دى مصر إلى بنعشقها
ولا عمــــــــــرك تفرح لفراقها
جيشها حاميها معلى رايتها
شعبها راضـــــــى بمُر عَرقها

الشريعة الإسلامية على الطريقة الإلهامية

إســــلام إلهــــــام هــــو الإســــــــلام
لا صــــلاه ولا صــــــــوم ولا حتى قيام
إتعــــــرى وبــــوس وإدينـــــــى فلوس
مش جـــــــوزى ديوث! أنا ممكن أنام
تلــــــــويلى البـــوز ! فالشــــرع يجوز
تمثيل يـــا خـــــــروف ماتقولش حرام
لية قَصـرتوا الـــدين فشمــــال ويمين
شعبنـــــــا مساكين محتــــــاج أفلام
الفيلم الـــــــواحد يهــــدى 100 واحد
مــن غير لا خُطب ولا حتــــــــى كلام
الفن ده مُتعه مــــــــن سته ل تسعه
شوف سوق المتُعه وإدعيلى يا مدام

السيسى ولجنة الخمسين حرامى

                                            مع الإعتزار لأغنية / الأقصر بلدنا
                                               

دُستور بلدنا فى داهية وراح
يــــا شعب نايم قوم صحصح
لجنـــــــــــــــــةِ أرايل عبفتاح
بمصيـــــــــــــــــر ولادك بدبح
فى دستور بلادنا

علــى رأسها اتعين أُسطى
مخمــور تملى من البَسطة
بسيجارهُ لينا ..ايــــــــو الله
مرسوم علينا..صحيح والله
مش بإنتخاب! لاء بالواسطه!
هنشوف بلدنا ياعبفتاح
ومهما توعد وتزور.. سارقين بلدنا

دُستور بلدنا فى داهية وراح
يــــا شعب نايم قوم صحصح
لجنـــــــــــــــــةِ أرايل عبفتاح
بمصيـــــــــــــــــر ولادك بدبح

دستور بلدنا بقى ورطة
لفوه فملاية من الغلطة
شايفين عجولها ..أيوا الله
خِيــــــرة عقولها .. أيو الله
زى الكلاب حوالين قُطة
والشمس تطلع كل صباح
على مصرى تانى بيتريح
فى إقسام بلدنا

مع الإعتزار لفؤاد المهندس وشويكار فى رائعة الخمس قارات

سيسى يا سيسى روح الإمارات
حــــــــــــــج وخدلك كام يوم عُمره
شعبنـــــا واعى ماهوش شعارات
ثــــــــــــــائر رافض عيشة السُخره
بتقـــــــــررلى وتمررلى كأنك شعبو تهمشنى وتعيشنى كأنى فحرب
الشعــــــــــــب ده ميجيش بالضرب
ولا يقبـــل يتســـــــــــــاق لمظاهرة

إعقــــــــل إعقل إعقل إعقل إعقل
وإنــــــــــــــــــــــــويلك على عُمره

من شـرعية تقول قمعية
من ثورية تكون بوليسيه
إنته فـــــاكرنا لقمة طريه
عندك عقدة من المدنيه
ولا دة من تــــأثير الثورة


إعقــــــــل إعقل إعقل إعقل إعقل
وإنــــــــــــــــــــــــويلك على عُمره

كــل ما تلقى الشعب موالى
تطــلع تلقى خطاب جنيرالى
بالتهـــــديد مشحــون طوالى
والله أنـــــا خايف قومه رجالى
تديك درس يــا سيسى فمرة


إعقــــــــل إعقل إعقل إعقل إعقل
وإنــــــــــــــــــــــــويلك على عُمره

توكا توكا توكا ..توكا توكا
توكا توكا توكا.. توكا توكا
السيسى بيه
عـــامل إنـــزار
يا نفوض ليه
يا نموت بالنار
توكا توكا توكا..توكا توكا

يا ختى عليه لابس كاسكته
والنضارة تقـــــولش شاحتها
إبقى قابلنى فيوم يا حيلتها
مصر دى دولة بشـــــــرعيتها

oh non mon dieu
أن دو يـــانعيش فلـو
يـــانموت شعبنا كلو
ونسيبها حلو يا حلو
وياكلهــــا زى البونبو
oh oui

يا سلام على شعب القراطيس
لما السيسى يكــــــونله رئيس
إنمــــــــــــــــا لكن شعبنا فاهم
مش ممكن يقلـــــــــب بلاليص

oh my God
رئيسنا المؤقت رئيسنا المفيش
ياعينى هيعيط من كتر التهميش

أمــــــــــــــــا دى حِتة دستورية
عمرى ماشفت فحكمها واحدة
جــــابوا رئيسها بيادة لاحسها
ع الكــرسى محتاج لمساعدة

مين هنـــا مين يجى يشوف
ده انا مالثورة بقيت مكسوف

أنـــا جيت يالى تخميت وكمان خليت السيسى فالصورة
مــــاهو أصل سيادة الشعب فإيد الشعب مهيش مقهورة
الجيش ده مكانه حماية الشعب مش حكم ورأيه مشورة

قصدك إيه؟
تعرف ليه !

المـــــــدنية حكمنا
والقــــــانونية رمزنا
والأسلامية شرعنا
والمسيحية مننـــا
بتقول إية .. معاك يا بية معاك يا بية
علشان تعرف تبنى الدولة
لازم تبنــى أسس قانونية
ومفيش دولــــة تقدر تنتج
لــــو مبادئها بدون شرعية
متأسف يا حبيبتى
هتعلـم من خيبتى
إتعلمت خلاص.. وهفهم كل الناس
طيــــــــــــــب يـــــــــالة إتحرك يالة لم ولادى وعلوا مكانى
أنــــــــــــــا حبيت أديلك درس لاتنساه عمرك ولا تنسانى
يعنى مكنشى قصدى تموتوا فكل ميدان كدهو علشانى
أنا كان قصدى تشوفوا بعينكوا كــــــــام قواد بالعهر رمانى

عجبى

عجبى عليك يا وطن بتحط ناس فالحكم
وناس تموت ع الكفن والكــل سُكتم بُكم
وناس غلابة فى غابة ياعينى حالها يُغم
عايشين كدة فالمحن ولا داقوا لقمة ترُم
وناس كدة ألــــوان بجلــــــــود لكـــل أوان
وناس تواصل لحسها ( البيادة)
وناس متاجرة بدقنها
وناس غايتهـــا البلد وناس غايتها الحُكم

طبعا دى على وزن موال لعدوية مع تحيات أبو كريم