إنتخابات لله يا شيوخ

 

إصحي يا شعب وإوعى تدوخ

✌✌✌✌✌✌✌✌✌✌

لجل ما تكمــــل نبقى مسوخ

راح نعمــل مجلـــس لشيوخ

ونبعتــــر ملايين ع اللقطة

ونلم الشرموط ع الساقطة

وبموافقاتهم حطـه يا بطة
بلحة يصب كمان يا لطوخ

أصحي يا شعب وإوعى تدوخ

إيه رأيهـــــــا نخبتنـــا الحرة

فى إستكمــــال أهداف الثورة
ملكوش حس! عليكوا الدورة؟
ولا الكاكي ظارفكوا صاروخ

إصحي يا شعب وإوعى تدوخ

الأخبــــــــار جايالكم ساره

بعد سنيــــــــن بنعيد الكَره

يا بلاد من جــوا ومن برة
مواطنها فــــــذل ومفشوخ

إصحى يا شعب وإوعى تدوخ

راح أطالب يا بلادنا يا سمره

نبقى عبيــــد لملكنا أبو تمره

ما الشعـــب مطاطي وبالمره
بدل الغصب ما نمسح جوخ

إصحى يا شعب وإوعى تدوخ

وشيوخ السلطان دى معانا

بالإجماع هيطـــاطوا ويانا

يدعــــولوا ويقولوا مولانا

هــــــوه الناسخ والمنسوخ

أحه يا شعب بطعم الخوخ