يعنى إيه كلمة وطن؟
يعنى أرضى يعنى غيطى
يعنى ورثى يعنى سيطى
يعنى أهلى والجيران
يعنى عزوه من زمان
والأمان جــوا المكان
بفتخـــر وبعلى حيطى
يعنـــى أجــــــداد الجدود
والذكـــريات ويا العهود
منقوشه فينا مش حدود
سكنى وراحتى جوا بيتى
الوطن يعنى الحقوق
الوطن مفيهوش فروق
لو انته تحت او إنته فوق
قوتك تقاسمه ويا قوتي
الوطن عزه فشبابه
والوطن مايسد بابه
مش عزبه مملوكه لجنابه
يخرسني او يحرمني صوتي
الوطن يعني إلي ضحوا
بأغلي حاجه عشان يصحوا
جوا فينا الخوف ينحوا
ماسيبش ارضي لو ده موتي
الحاجات الحلوه ديه
من زمان مزروعه فيه
الحكايه يا مصر هيه
راضيه ليه بذلي وسكوتي
ليست هناك تعليقات:
إرسال تعليق