حمالة الحطب وأبو مناخير خشب

 ناس وقعت فالحب كتير

وناس فرحت وناس بكيو

وناس فالعشق زى الطير

قصصهم عنها ناس حكيو

لكـــــــن لفيت

ورحت وجيت

كتيــر ما لقيت

فى زيك حــــــد يا بينوكيو

إفرحى يا لميس

وإجهزى لخميس

مأذونه إبليس

والتورتة عليها أي لاف يو

وأنت يا عمور

خليــــك شطور

وإلبس طرطور

وغنى لمجدى شي كايو

شي كــــايو يا شي كايو

ده عـــريسنا مفيش زيو

من إبداعات عمنا فؤاد نجم الله يرحمة ( أفندينا)

 

أفندينـــا يَعنى فى لَحظة تَجَلى

تَعَطف تَلَطف وقَـــــــرر يِخَلى

مِسَاحة الغَلابة تِزيد سِته مِلى

ويَاكلوا بــِـــدال التُراب الظَلط

أفندينا أَعلن صُدور القَــــرار

وقَبل أَمَا يِنجح فى أى إِختبار

فُوجئنا بزَفه ومـــــــولد وزَار

قَصايد جَــــــــرايد بَرامج يُفط

تُـــؤَكد بــــإن الحُكـــــــــومة بِذَكاء

ومن حِزمة وَاحدة قَضت ع الغَـلاء

ولَابد يِبقــــــى لَدينــــــــــــا إِنتماء

ونَـــــاكل ونِشـــــرب ونِلبس خِطط

عُقبـــال النِمو إلى قَالو عَليه

وحَايشينه عَنا مَانِعرفش لِيه

مَا تِلمح مَكانة فمِراية عِينيه

ونِقدر نِدوق مِنــــــــــه حَتى النُقط

مَا دَام كُل حَاجة تَمام ع الوَرق

مَفيش أى دَاعى عَشــان القَلق

ولو مِش مِصدق خَلاص إِتفَلق

ورقنـــا إلى صح وكلامـــــــك غلط

قــَـــــــالى مُواطن عَليم بالخَبايا

أَفندينــــــــــــا قَرر تِزيد الجِباية

عَشان شَعبة جَاحد قليل الرِباية

بيــــــــــاكل ويِنكــــــر زي القُطط

إذا الشَعب صَدى بفعل البَارومـة

هَتِعمل حِسابة فى إية الحُكــومة

وهى إلى جَاهزه بكُرباج وشُومة

عَشان لَـــــــو فِواحد فِعَقلة إِتخَبط

تِعيش مَصر دَايما فى عِز وجَمال

يِعيش المـُــــواطن شَديد لِإحتمال

وأَمن تَماماً مـــــــــــــن الإِشتعال

وأَقصى مَـــــــــــــا عَندة يِنكت فَقط

يالى مش غرمانة لالى

 يالى مش غرمانه لالى

وإِفــــرحى بوَكسة عِيالى

العَيــــــــــل يِجيبوه لدُنيا

دَولته تِـــــــرِاعية فثانيه

لَجل أمَا تِبقى فحته تانيه

مُستقبلهـــــــــــــــــا كَـــــدولة عَالى

 يالى مش غرمانه لالى

يَعني عَشان مَولود ومَصري

أَلبس الخَــــازوق و حَصري

بالديون حَــــزمتوا خَصـري

أه يــــــا حُــــــــــــوستى يالهو بَالى

 يالى مش غرمانه لالى

تملى صابر وبحب دينى

بس البلد كسرالى عيني

شمس المذلة نقش فجبيني

لا سابونى أهاجر ولا رحموا حالى

برج الحمل

زُحَل في بُرجك يا حَمـــل

إِفرح خَلاص مَفيش زَعل

هيبشــــروك ويعشمـــوك

ويقولــوا فَكوا 100 عَمل

ماتصدقوش ولا تِحلموش

كُل كــــلامهم ده فاشوش

وإلى بيفهـم فى الوشوش

هيقول خلاص مفيش أَمل

 

مش بالنسب

أصل الشرف مش بالنسبوحاجات كتير لو تنحسبهتعلي ناسوتحط ناسوفي الأساسشرفنا سمعه بتكتسب!جد الحسين قال كلمتينيا مسلمينعملك لوحده هيحتسبيوم الشهادةمالوش شهادةيا جنان يا سادةياجحيم عليها بتتسحبمش بالنسب بل بالسبببعد الرسول شفنا العجب
أبو كريم

مع الإعتزار للفنان هاني شاكر وأغنية غلطه ( بمناسبة جلطة بن زايد)

 جلطه

الله عليها

َبارِكله يارب ِفيها

ِتصبَح شَلَل رُبَاعى

والشَخَه مَايدرى بيها

جلطه

طَبَعت مع الكَيان

وَفتحت الباب كَمان

ولا شَعب من الجِيران

إلا ولَاَعِبلُه فِيها

شَعبى وسَرقت حَقه

وسُودان فَرَقت شَعبه

واليمن  رَغم غُلبُه

مَوَانيه وسَطيت عَليها

جلطه

إدعوووووله

بتنين فوقيها

قصيدة (أحيه يا دبي)

 هذا الشعار دليل العار

ربك ستار ولا زيه زي 

يمهل لسنين

 ولا يهمل دين

ف الأخذ متين إحسبها يا خي 

إلا الخاينين 

بايعين الدين 

حق فلسطين جايلنا اهو جي 

يا أهل الإمارات 

فكوا الغترات 

رمي الجمرات من جوا الحي

بعتوا العربان 

لجل الشيطان 

ولا فاد قربان لأميركوا الغي 

ذلات بالحيل 

من شعر لديل 

وسترتوا راشيل عرولكم مي 

أحيه يا دبي

يا خسارة يا 100 ألف خسارة

 حَبــة شَيــــاطين

كَفَـــــره ومَلاعين

ع الناس راسمين

الواجهه تمدين وحضارة

حق الحيوان

ويا النسوان

حُرية كمان

والدين خليه بس ستارة

ماهو كله يجـوز

مع 100 أراجوز

ع الشاشة يفوز

عيسي وبحيرى وجعارة

وتجـــــادلوا فمين

يا شعوب جَاهلين

حــَــــــق فَلسطين!

خُدلك مِني أَحلى خِيارة

أصل الخِيــارات

زي الإِمــــارات

من بَرة حَاجات

من جِوة لَعينة ومَكـارة

جيفــري إبستين

كان وجهه لمين؟

خَليكوا ساكتين

لما التمر هيملى الحـــارة

وأَصحـــــــاب الدار

يِقلبوا أنفــــــــــــار

هِبه نِيلها أَهو غَار

وبهيــــة هتقلبها دعارة

يا خسارة يا 100 ألف خسارة

يا مصر لو تسمحي

 

يا مَصر لو تِسمَحي

خِفى الحَنـــــان حَبه

مَصلحتى بتشَـرَحي

لما إتهـَـــريت صَبه

فُكِى بَقَــى وبَحبَحي

مَتخَليهـــاش صَعبه

زِهِقت عَدس وفُول

ونِفســــي فى مِرَبَه

في رثاء زهور لقمة العيش

يَالى جَنيــــــت العِنب

وفِرحــت بالمَحصُول

بإيـــــــــه يِفِيد العَتَب

والجَـاَني بَات مَقتول

قَــــــدر الفَقير إِنكَتب

يُحصد وغيــره يِنوُل

الموت وله 100 سَبَب

راضيين بفِعـل وقُول

بس السُــؤال والعَجَب

مين ياتَرىَ المَسؤول!

تعِيِش بِعِفــــــه وأَدَب

تِشقَى مَـــا تِلقَى قُبُول

تِقلبهَا مَغنَــــي وطَرَب

تِصبح غَني عَلى طُول

شِبعنا وعَــــظ وخُطب

ع الصَبــــر والمَأمُول

يَــــــا رَب عَدلك غَلب

حَــــــــق الغَلَابه دُول

حِلمـــوا بفَضه ودَهب

صِحـيوا بكَفن مَقفول

من زيارة ترامب للخليج ( أهلا أهلا عم ترامب)

يَاله مَعانا نِغَني بحُب

أهلاً أهلاً عَم ترامب

هَيـــــزُورنا ويِفرح ويَانـا

يِحلبنَا ويـَـــاخُد إلى مَعَـانا

ويِعَيِش شَعبه على قَفــــانا

وإحنا نعيشها ففقر وكَرب

أهلاً أهلاً عَم ترامب

أبو إيفانكا ده مـــــــن أمريكا

يعني نِسِيب الست مَــــاريكا

لـــــــــو يِزعل هَيِحط عَليكا

وإحنا شُعوب بتخاف م الضَرب

أهلاً أهلاً عَم ترامب

نِدفَــــــع نِقلَع وهُوَ كَذَلِك

بس يِسيِبنا نِعِيش فمَمَالك

جَاي وجَايب طَقم كَذَالك

لَجل يِضحي ويِنقذ شَعب

أهلاً أهلاً عَم تَرامب

يا بــــــِلاد النَفط يا مَوَالِيه

بتهادوا السِرقه يا حَراميه

رَجَعتوا فى زَمَانا الجِزيه

بس الشــرق بيدى لغرب!

يا وَسَاخه يا ولاد الكلب

أِفشَخهم يا واد يا ترامب

داهية فى أمك

 من غير مَجهود وطَاقه

فـــى ميِت مِليون بِطـاقه

بِخفــــه وبِحَـــــــــــداقه

هَنِمُص يا شَعــــب دَمك

هتشتروا إستمارة

وتعبـــوا وبجدارة

بفهلوه وشطـــارة

هَنزيد ع الفَقــــر كَربَك

لمــــا سِيادة الأمين

ببطَاقتك ف الكَمين

يناديك بإسم مين؟

طبعا يا حلـــــــو بأمك!

حكـــــــومتنا ميـه ميه

والشعب ما لوهش ديه

تموت مش دى القضيه

تحيــــــــــا البلد ده هَمك

ما تخــــدش بتدي هيه؟!

جــــوا الحته الطريه

مصلحتك عندى غيه

هَنصب ليك فـــى حلمك

بصَنعــه وبلَطَــــــافه

عَبوا خِزانة الخِــلافه

والشعب إن حَد شَافه

يقـــــــــــوله داهية فأمك

الأزهرى بيعزي في بابا الفاتيكان!!

 شَلَحــــى وأِشخُــــــرى

وإِوعــــى تِبـَـــــــرَري

يَا مصر وقُــــــولى أَحه

مِـــن فِعـــــل الأَزهَرى

مَلقـــــــوش غِيره يِعَزي!

ومَيــَــــاعِة الدين يغَزي

وِوَلاء وِبــَـــراء يِجَزي

ليقولوا ده عُنصُـــــري؟

رايــــح بتَعــــــزي يَابا

فـــــــى تَعلب الــــدِيَابه

كـَـارة دِينك وحَــــــابى

أَبــــــــو نِجمه المُفترى

رَايـــح ولَابسلى رَسمي

هِيبتَك ضَاعت يا إِسمي

مُسلم كـــَــــــافر بقيمي

شـــِــــــــــلاه يا تَنورى

خذ اللباس ( الشاعر هاني البريدي)

 

خُذِ اللِباسَ إذ لَديكَ رَغبه

وخَذ عَليهِ خَالصَ المَحبة

وزِد عَليِهماَ عَظيم شُكرى

جَـــــزاء مَا قَبلتهُ وعَيبه!

هُناك كِسَــرة ببعض مِش

زَخَرتُها عَسي تَسُدُ وَجبه

بألِف صِحة عَليك خُذها

وحَسبَي الفراغُ أن أَعُبه

وذى فقط لسيدى وحَصرا

سِرنجةُُ من المياة عَذبه

فَنيلُنا السَخىُ جَف ضِرعا

وأظمأَ العُيونَ والطُلمبه

لَدىَ مُقلتـــــــان لو أَذِنتم

لَفَفتُهن فـــــى أَرق عُلبه

وكَليتان بِعهُما وبقشش بِهن

وأَشِــــــري للمدام فِزبه

وخُص(لتان) أنني أَليفُُ

وللفـِــــدى على أَتمِ أُهبه

دَمى ومَا مَلكتُ دونَ سَبعِِ

أَطالَ رُعبَ فِتية البُرُمبه

وما عَطيتى أمـــام فَيضِِ

من المَغانمِ إستطعت كَسبه

ومــــا رُزِقتهُ لفضلِ عَقل

بــرأسكَ الشبيه بالكُرنبه

ولا بكثرة السجود تجزي

فأنت سَرسَجىُ إبن ق(ح)به

فَجَــــلَ مَانِحُ الخَصِي مُلكا

وسَطَــــــوةً عَظيمةً وهَيبه

وَصِحةِِ جَـــــــــديرةِِ بِبَغلِِ

يحار فى رسوخها الأطبة

فَماَ شَكَوتَ لَيلةََ زُكَــــــامَ

ولا أُصِبت مَــرةََ بِحَصبة

وما نَـــرى بإبطك إبنعَاجََ

مُدَملكا بحجم كَنتلــــــوبه

ودَولةََ بعُمِرِ أَلف عُمِــــرِِ

غَدَت لأُمِكَ الحَنونِ عِزبه

مَلَكتَ فَــــــرجها بغَيرِمَهرِِ

ودون شاهدين دون خِطبه

وخُضت لُجها بكِلِ وَضعِِ

كَأنَك البعيدُ رَأسُ حَـــربه

فَخُذ وخُذ وخُذ حُطَام دُنيا

ويَنقَضــى وتَمكُثُ المَغَبه

وخُذ وكُلمـــــا أَخذتَ فِيها 

تَظَلُ للمَـــــــزِيِد مُشَرأبه

بِــــزمَتي لو أَنها تُسَاوى

بَعُوضَةََ لَما سُقيِتَ شَربه

طورها وبظوت يا نجيب

 

منح تطوير منطقة بحجم الأهرامات لشركة أوراسكوم للمقاولات ( نجيب ساويرس!!)

يعني عشان نشــرب فحليب

ندى البقــــــرة لعم نجيب!؟

عم نجيب ملهوش في الكار

لا بيسمع ولا لــــــه أفكار

يبقى إزاى راح تِعمر دار؟

والقـرارات كلها تخريب! 

هو ياناس شحن الأنفار

فالإزالات ولا الإعمار

ينفع لضيافة وزوار!؟

يبقى السباك ناخده طبيب

يا بلدنا يا بلـــــــد الأهرام

مش بالزمة ده يبقى حرام

السايح دافـــــع شوف كام

بفلوسه نذله! ده مش عيب؟

فضيحتنا وصبحت بجلاجل

والمَــزارات أعداد فالنازل

يا وزارة ولاحَــــدش سائل

بعد ده كله فحــــــد يُجِيب؟
طورها وبظوط يا نجيب

فوق م الوهم يا عم الباز

 لما تعوز ينادوك أستـــــاذ

وأنت حمــار ولا ليك إنجاز

طَبــــــــل وأرسم إنك فاهم

تِكبر تِـــــــوصل تبقى الباز

الباز أفندى سَاقط تَوجيهي

نفس قُمَاشة عَـــــم الديهى

يبقى أكيد طبعـــــا وبديهي

يِولَـــــــع رأيه وفِكره بجاز

جُــــــوا قلوبنا أمير مِتـرَبع

عمره ماخان ولاحتى مِطَبع

من إعلان يابو مُــــخ مِرَبع

للدرجة دى الإستفذاذ!!

يالى بتنشــــــــر كل قذاره

وتخَون فـــــالناس بحقاره

بَطل تِرمي الناس بحجاره

وأنته بشـــرفك.. كله إزاز

فوق م الوهم يا عم الباز

من روائع الشاعر الصغير سنا الكبير موهبة مصطفى إبراهيم

بَني هَذا الوَطن و بَنوه 

مَا عَاد مِتبقى شىء تبكوه 

إذا كَان المِيزان مَقلوب 

فيبقى العَرض حَقه الدم 

و لو ما نِفعش رمي الطُوب 

فتبقى البندقية أَهم 

هَتلقوا ع الوطن مَكتوب 

لا يؤخذ عن طريق الفم 

فإما تشمروا الأكمام 

عشان تَاخدوه 

يأِما تِوَطوا على قُدام 

عَشان تَاخدوه 

بني هذا الوطن و بنوه

معارضتى للشاعر الكبير / هاني البريدى

 عليم الله

قال صديقى الشاعر السيناوى الكبير / هاني البريدى متفائلا:

عَليم الله لتتعــــــدل ويهــــــــــدى البَال

وحَالى الشــــــــــوم هَيتبدل بأحسن حَال

ده عَاش غَلبان ومِتحمل ِصبر وأهو نَال

ودَه بيبدأ مــِـــن الأول وأَشيه خَيــــــــال

ورب الكـــــون ما هَتطول وتِصبح عَال

هَتُفَــــــرج فوق ما تتخيل ما تهدى إِمال

وليه تِحسبها وتفكر ورب الخِيـر 

بيدة الخِير ما يِتقَدر وفضلة كبير

وعَهد الله لتتدبَـــر يَا وش الخِير

وتِلقى الشـــــــــر مِتحول لشر وزَال

عَليم الله لتتعــــــــــــدل ويهدى البال

هنا ما عجنيش التفاؤل المبلغ فيه دة وحبيت أشاكسه فرديت عليه وقلت:

عَليــــــــــم الله بتتقندل فعيشة ومـال

وحَالى الشــوم مِحَزمني بألف عِقَال

عَايش غَلبان ومِتحمل وعندى عِيال

قَالولى الصَبر بينَول كِتير وإن طَال

فَتلت من السنين صَبرى عَملت حِبال

طِلعت يا هَانى إنى أعَمى 

عَشان ما بشوفش م الغربال

طبعا ما عجبهوش ردى وقال:

ياعم الناس يــا متبهــدل فكل مجال

وبختك نيلة ومنيل وحـــــالك حـال

بلاش العند وإتحول وعيش طبــال

هتمشى معاك وتتسهل كما الإسهال

الخنزير هرب

 

زَي فَرحه أب بإبنه

لما شافه بيبتدى فالحَبو حَبوه

زي نور الشمس يسطع

يجلى عَتمة أي سهل وأى رَبوه

زي ريه لأرض شــارقه

زي طوق ينجيك فغارقه

زى عَــدوة خيل وفَارقه

بعد وقعـــــــــــــــه وبعد كبوه

فرحانيين يــــا سوريا بيكي

فــــــــــرحانيين والله ليكي

مين معاكي؟ ومين شاريكي؟

يفتديكي يا غـــــــــاليه فدوه

قَالم أســــــــــــــد والأب حافظ

سَرقم تِلال عَبو المَحَــــــــــافظ

ما تأخذونيش علي دي الملافظ

يطلع لمين! والأم لبـــــــــــــوه

من قلبى كلمة وسلام أمانة

لحلب وأدلب وحماه معانا

وأدعولنا دعوه يسدد خطانا

ونلم شمل الخنزير بعجــــــوه

إنتو مش عارفين إن إنتوا نور عنينا ولا إيه؟

 يالى عشقت الخميس

والنومة والرحرحه

جالك يا حلو الرئيس

بنوايتة والطُرَحــه

لأجل أما يحنو عليك

ويصب فالمصلحه