مهما شُفت ضَيــــاع وذل
لسة مقلــوبة المعادلة
وإنتة بردوا حاسبها فل
الديون فبــلادنا زادوا
والفقيــر الصبر زادوا
والفرعون ده له ميعاده
بس تبقى قُــــومتنا كُل
قصيدة محمد السيد/
لسة قادر ع التفاؤل
مهما يحصــل مش بمل
لسه شـايل حلم عاقل
شمسه تكســـر أي ضل
قلبي قـــادر على عادوا
مهما قالوا ومهما عادوا
الأمل عـــــــارف معاده
زاد ومش ممكــن يقل
بلحـــــــــــــاوي شغلاة اللقطة الحلوه والصورة
بيجـــــــــــــخ وراسم فجبينه زبيبة على القورة
بناطيل مـــرفوعة كدة وقامطه
وكأنة محــــــــــــــــــزم برميل
وخدود منفـــــــوخة كما البطه
ناعمة ولا جلـــــــــــد الدرفيل
ممحون ببصه ، تسبيلتـــــه بيها
لا هند رستم ولا مــــــاجدة ليها
راجل مِدهنن وبيـــــــاخده فيها
يحكمنى أنا! حُمــــار حصاوى
شعبى يا شعبى شفتوا الشطارة
ببنيلكوا كوبرى على كل حارة
والعاصمة هتكمل وأقفل بيبانها
وأسيبكوا برة لسـرقة ودعارة
لأَمَلِك سينـــــــــــا لخيلاني ديه
ونمد نيلكــــــم للصهيـــــــونية
إصبــــر يا شعبى وغفل شويه
راح أصب أكتر أصل إنته غاوى
والله ده شعبى طيــــــب طيابة
أغلبهم فقـــرا ونـــــــاس غلابة
أنا قلت أبيعهم لـــــــو حد شارى
يتهنــا بيهــــــــم وأنا أعبى يابا
لجـــل إنتصارى ما تعيشها فلى
لازم شعبنــــــا هيعيش فى ذلى
وأفشــــــــــخ أمكم بالحب يالى
فاكرين أبو تمرة طبيب مداوى
بلـــــــــــدنا بتعلى الهلفوت
وتعمـــــــل هيبة للشرموط
وإلى يعيشها سليم وبشرفه
دغرى كرامتة عليها تفوت
بلــــــد مثاليتها فى رقاصة
ورجـــــولتها دلع ومياصة
والبلطــــــــجى ويا الشمام
أصبـــــح ليهم شأن وصوت
يا بلـــــــــــدى عايز نتصارح
لية بكــــــرة مش زى إمبارح
طول ما النخيل عالى وطارح
يا مصريين أبشروا بالموت
عَاد التــــــاريخ نَفسه ورِجع
وبنِتبــــــــــــــع نَفس السُنَن
ورا أى واحد نِتبَـــــــــاع له
وفى نَـــاس تِحب تِعيش خَدم
وتِموت خَدم، وإن راح صَنم
بتجِيب صَنم وبتــــــــــركعلهُ
فــرعون رجع تاني سُلطانهُ
ده عِنيــه وده إيِديه ولِسانهُ
وكمـــــــان ورا منه هامانهُ
بيشتــــــــــــــــريله وبيبعـلهُ
راجــــع وراجعه معــاه حَاشيه
واقفه الحيـــاة وبيقولوا ماشيه
وإن قـــال على الأبيض فوشيه
بيــوافقوا ويخافوا مـــن زعلهُ
عَاره ومفيــــــش بعدها عاره
واحد ســــــــايق ناس بإشاره
وإن حَط ف صــوابعه سِجاره
تمـــــــــــــانين إيدين بتولعلهُ
فـــــــرعون ومَعجون شَيطنه
والفَرعنه لعبـه ياما مارسها
ودَرسهــــــا ودَرِسهــــــــــــا
مَهـــــــــووس بحب السيطره
وف الإفتـــرى مناهجه عاش
بالمسطــــــــــــــرة بيأسسها
والفـــرعنه عبارة عن مِهنه
وليهـــــــــــــــا نَداهه تِندهنا
وليها سَحـــــــرة وليها كَهنه
وليها عَرش مستني وَريثها
ويـــــا تبقى واحد من ناسها
أو مـــــــن خَدَمها وأَبالِيسها
يا ف وشها تـرمي عصايتك
وتبقى مــــــوسي وتخلصها
يا تعيش حيـاتك على كيفك
وتعيش زمــــــن من تأليفك
ويا تنسي تستنــــي رغيفك
من دنيــــــا فرعون ريسها
وطلعت نـــــــــزلت خَرجت دَخَلت
صَدقت الكِـــــــــــــدبه فضحكتهم
وقَالــــــــــــولى إتفضل فأتفضلت
طَعَمــونى الجوع وسَقُونى عَطش
بطَطـــــــوا أحلامي على الأسفلت
وأنا المَقتـــــــــــــــول إلى بِينزف
خَلـــــــــــــــــونى أحس بإنى قَتَلت
قالــــــــــوا إلى بيسأل ما يتوهشي
وأنـــــــــا تُهت يا مصر لأني سَألت
يالى مَيــت لَجـــل لُقمه
عِشت عُمرك خَدت إيه
لا بحياتك فرحوا هما
وأما مُت ما زِعلوا ليه!
وإلى تاجروا وقالوا غُمه
عشان عددنا ياسيسي بيه
شعبنا مش ناقصه هِمه
شعبنا مَضحوك عليه
يا بلد يا جاحدة ظالمه
مات معاه تلاتين جنيه
وسألت عرافه
بقرايته كفى إتوجع
من كل من شافه
راح ألاقى إمتى الدلع؟
وأعيشها بلطافه!
ويرجع إلى إتمنع
ونفك فى صرافه
قالولى فوق يا جدع
دى الطله كشافه
كار السياحة وقع
والمهنة دى جوافه
يا بلدنا يا محروسة
مالـك كدة منحوسة
بدال مــــا فينا تعلى
بتدوسي ليه وتذلى
بالحب ماشية تملى
ومصدرالنا الكوسة
إلى شـاريكى مهاجر
وإلى بـاعوكي أكابر
والجوع فشعبك كافر
لابسينه زى لبوسه
يابلادى يا مفرعنه
ف الأكل متسرطنه
شعارات مع الطنطنه
تبقى الحياة بسبوسه
فالشرب حلو مجارى
والنيل فأرضك جارى
والنخل طرحه العالى
المعترض بيدوسه
بشيـــل الشيله على قدى
وأقــول الصعب هيعدى
وبكـــــرة ده ليه وهيدى
لحزن القلب فرح سنين
أتـــــارى الفرح متبرى
وحزنى لابسه ومغرى
وهتفضل ناشفه ما تطرى
عشان فقرى كما التنين
وعجبى!!
والكدب ف100 حوار!
زعلان علشان ولادك
تعليمهم شيء دمار؟!
زعلان من الكرونه؟
زعلان علشان باعونا؟
إيه رأيك فالصابونه؟
طب عجبك الخيار !
إيه رأيك فالسيادة؟
وقرارات البيادة ؟
قهوه هتشربها ساده
وتعظم للشعار!
ما كيدناها الجزيره
بإنجازات خطيره
ما تعاتبوش الوزيره
أصلا ملهاش قرار
بارافان والمهنه عيره
فالطب جت الأخيره
ماهي أصلا سكرتيره
عند جناب الحمار
إنزل شـــــارك عَارض عَبر
إهتــــف يسقط حكم العسكر
إلى باعونا وسرقوا فلوسنا
وإلى داسونا وذلوا نفوسنا
مش عـايزين ظباط ترأسنا
قوم بينا لوطنا نحــــــــــرر
يسقط يسقط حكم العسكر
إلى حُـــــدودنا سَابوها فسينا
وفَتحوا أكشاك للبيع وسطينا
يبقـــــــى ده مين إلى بيحمينا؟
شَغـــــــــــل مُخك وإقعد فَكر
وأهتف يسقط حكم العسكر
فكل مَكان مِسكوا اللواءات
وإتنحــوا وقلشوا الخِبرات
إرشينى وعلـــى العمولات
وموافقات على سِرقه نمرر
يسقط يسقط حكم العسكر
هدوا بيـــــــــــوت الله يا نبينا!
والأموات ولا سلموا يا أخينا
وأهالينا على حدودنا يا سينا
هجرهم وبخبث مِدَبـــــــــــــر
يسقط يسقط حكم العسكـــــــر
للصفقات ويا إلى جابوه
أولاد زايد إلى حمـــــوه
وإخواله من أمه يا هوه
ترسملــه وهو إلى يقرر
يسقط يسقط حكم العسكـــــر
يالى قـــرفت تعيشها مطاطي
من خوفك والصوت الواطي
بناديكم يا كــــــــــل إخواتي
ننــــــــــزل نصرخ الله أكبر
يسقط يسقط حكم العسكر
يعنى أرضى يعنى غيطى
يعنى ورثى يعنى سيطى
يعنى أهلى والجيران
يعنى عزوه من زمان
والأمان جــوا المكان
بفتخـــر وبعلى حيطى
يعنـــى أجــــــداد الجدود
والذكـــريات ويا العهود
منقوشه فينا مش حدود
سكنى وراحتى جوا بيتى
الوطن يعنى الحقوق
الوطن مفيهوش فروق
لو انته تحت او إنته فوق
قوتك تقاسمه ويا قوتي
الوطن عزه فشبابه
والوطن مايسد بابه
مش عزبه مملوكه لجنابه
يخرسني او يحرمني صوتي
الوطن يعني إلي ضحوا
بأغلي حاجه عشان يصحوا
جوا فينا الخوف ينحوا
ماسيبش ارضي لو ده موتي
الحاجات الحلوه ديه
من زمان مزروعه فيه
الحكايه يا مصر هيه
راضيه ليه بذلي وسكوتي
